Mood Of The Nation Survey : மோடி ரொம்ப ஸ்டெடி.. பாஜகவின் அடுத்த பிரதமர் வேட்பாளர் யார்?.. சுவாரஸ்ய கருத்துக்கணிப்பு

PM Modi Rating in Mood Of The Nation Survey : பிரதமர் மோடிக்குப் பிறகு பாஜகவின் பிரதமர் வேட்பாளராக மக்கள் யாரைப் பார்க்க விரும்புகிறார்கள் என்பதை இந்தியா டுடேயின் மூட் ஆஃப் தி நேஷன் கருத்துக்கணிப்பில் வெளிப்படுத்தியுள்ளது. அமித் ஷா, யோகி ஆதித்யநாத் மற்றும் நிதின் கட்கரி ஆகியோர் முன்னணியில் உள்ளனர், ஆனால் சிவராஜ் சிங் சௌஹானின் புகழ் வேகமாக அதிகரித்து வருகிறது.

லோக்சபா தேர்தலுக்கு முன் நடத்தப்பட்ட Mood of the Nation (MOTN) கருத்துக்கணிப்பில், நரேந்திர மோடி தலைமையிலான தேசிய ஜனநாயக கூட்டணி இடங்களை பெறாது என்றும் பெரும்பான்மையுடன் வெல்லும் என்று கணித்திருந்தது. அதாவது தேசிய ஜனநாயக கூட்டணி 335 இடங்களை கைப்பற்றும் என்றும், எதிர்க்கட்சி கூட்டணியான இந்தியா கூட்டணி 166 இடங்களை கைப்பற்றும் என்று சர்வேயில் கூறப்பட்டிருந்தது. ஆனால் அந்த கணிப்பை தாண்டி காங்கிரஸ் தலைமையிலான இந்தியா கூட்டணி அதிக இடங்களில் வென்றது.

பிரதமர் மோடி 10 ஆண்டுகளுக்கும் மேலாக தேசத்தை வழிநடத்தி, தற்போது 3வது முறையாக பிரதமராக இருந்து வருகிறார். ஆனால் அவரின் 3வது பதவிக்காலம் முடிவதற்குள் மோடி 75 வயதை எட்டிவிடுவார். எனவே நரேந்திர மோடிக்குப் பிறகு பாஜகவின் பிரதமர் வேட்பாளருக்கான விருப்பங்கள் குறித்து மக்கள் சிந்திப்பது இயற்கையானது. 

இந்தியா டுடே மூட் ஆஃப் தி நேஷன் சர்வேயின் ஆகஸ்ட் 2024 பதிப்பு, மோடிக்கு பிறகு யார் சிறந்தவர் என்று மக்கள் நினைக்கிறார்கள் என்பதை வெளிப்படுத்தி உள்ளது.இந்தியா டுடே குழுமத்தின் முதன்மைக் கருத்துக்கணிப்பு, 25% ஆதரவுடன். அமித் ஷா முன்னணியில் இருக்கிறார்., யோகி ஆதித்யநாத் மற்றும் நிதின் கட்கரி போன்ற மூத்த பாஜக தலைவர்களை விட, பிரதமர் மோடிக்குப் பிறகு பாஜகவின் பிரதமர் வேட்பாளராக வருவதற்கான சிறந்த தேர்வாக அமித்ஷா காணப்படுகிறார்.

19 சதவிகித வாக்குகளுடன் இரண்டாவது இடத்தில் உத்தரப் பிரதேச முதல்வர் யோகி ஆதித்யநாத் உள்ளார். சாலைப் போக்குவரத்து மற்றும் நெடுஞ்சாலைத் துறை அமைச்சர் நிதின் கட்கரி, 13% வாக்குகளைப் பெற்று, 3வது இடத்தில் இருக்கிறார். ஆகஸ்ட் 2024 இன் இந்தியா டுடே மூட் ஆஃப் தி நேஷன் சர்வேயின் படி. பாதுகாப்பு அமைச்சர் ராஜ்நாத் சிங் மற்றும் விவசாய அமைச்சர் சிவராஜ் சிங் சௌஹான் ஆகியோர் அடுத்தடுத்த இடங்களில் உள்ளனர்.

இந்தியா டுடே மூட் ஆஃப் தி நேஷன் சர்வேயின் ஆகஸ்ட் 2024 பதிப்பில், தென்னிந்தியாவில் இருந்து பதிலளித்தவர்களில் 31% க்கும் அதிகமானோர், பிரதமர் மோடிக்குப் பிறகு பாஜகவின் பிரதமர் வேட்பாளராக அமித் ஷா சிறந்த வேட்பாளர் என்று நம்புகிறார்கள்.

நாடு முழுவதும் 25% ஆதரவுடன் ஒப்பிடுகையில். அமித் ஷாவின் 31% அங்கீகாரம் தென்னிந்தியாவில் அனைத்து பிராந்தியங்களிலும் அதிகமாக உள்ளது, அமித்ஷாவை போலவே, பிரதமர் மோடிக்குப் பிறகு யோகி ஆதித்யநாத்தை ஆதரிப்பவர்களின் சதவீதமும் குறைந்துள்ளது. யோகி ஆதித்யநாத்தின் ஆதரவு ஆகஸ்ட் 2023 இல் 25% இல் இருந்து 2024 பிப்ரவரியில் 24% ஆகக் குறைந்தது, கருத்துக்கணிப்பில் பதிலளித்தவர்களில் சுமார் 19% பேர் மட்டுமே இப்போது யோகி ஆதித்யநாத்தை மோடியின் அடுத்த வாரிசாக பார்க்கின்றனர். பதிலளித்தவர்களில் சுமார் 13% பேர் நிதின் கட்கரியை அடுத்த கட்ட தலைவராக தேர்வு  செய்யலாம் என்று தெரிவித்துள்ளனர்.

தேசிய ஜனநாயக கூட்டணி 293 இடங்களில் வென்றது, அதே சமயம் எதிர்கட்சிகள் கூட்டணி 234 இடங்களைக் கைப்பற்றியது. 2024 தேர்தலில் காங்கிரஸ் 52 இடங்களில் வென்றிருந்த நிலையில், தற்போது 99 இடங்களில் வென்றுள்ளது. 10 ஆண்டுகளில் லோக்சபாவில் எதிர்க்கட்சித் தலைவரை நியமிக்கும் தகுதியை காங்கிரஸ் பெற்றது. வலுவான எதிர்க்கட்சியாக காங்கிரஸ் இந்த முறை அமர்ந்துள்ளது.

2019 ஆம் ஆண்டு நடைபெற்ற லோக்சபா தேர்தலில் பாஜக கட்சி  பெற்ற எண்ணிக்கையை விட 63 இடங்கள் குறைந்து 240 இடங்களில் மட்டுமே வென்றது. இதனால் மூன்றாவது முறையாக ஆட்சியமைக்க கூட்டணி கட்சிகளை சார்ந்திருக்க வேண்டிய நிலை ஏற்பட்டது.

பாஜக தலைமையிலான தேசிய ஜனநாயக கூட்டணிக்கு இப்போது உள்ளதைவிட 6 இடங்கள் அதிகமாக கிடைக்கும். இதன் மூலம் தேசிய ஜனநாயக கூட்டணியின் எம்பிக்களின் எண்ணிக்கை 299 ஆக இருக்கும் என்று சர்வேயில் தெரிவிக்கப்பட்டுள்ளது. எதிர்கட்சியான இந்தியா கூட்டணியின் எண்ணிக்கையை பொறுத்தவரை பெரும்பாலும் அப்படியே வைத்திருக்குமாம். இப்போது உள்ளதைவிட ஒரு இடத்தை இழந்து 233 ஆக இருக்கும் என்று கணிப்பில் தெரிவிக்கப்பட்டுள்ளது. அதேநேரம் இந்த சர்வேயில் ஒரு சுவாரஸ்யமான விஷயம் தெரியவந்துள்ளது. 

பிரதமர் நரேந்திர மோடிக்கும் ராகுல் காந்திக்கும் இடையேயான இடைவெளி குறைந்திருக்கிறது. அதாவது அடுத்த பிரதமராக இருப்பதற்கு யார் மிகவும் பொருத்தமானவர் என்ற கேள்விக்கு​​49 சதவீதம் பேர் நரேந்திர மோடிக்கு மிகவும் பிடித்தமான பிரதமர் என்று தேர்வு செய்துள்ளனர். மறுபுறம், வாக்களித்தவர்களில் 22.4 சதவீதம் பேர் ராகுல் காந்தியை தேர்வு செய்துள்ளனர். கடந்த பிப்ரவரி மாதம் மூட் ஆஃப் தி நேஷன் எடுத்த கணிப்புடன் பார்க்கும் போது, இப்போது பிரதமர் நரேந்திர மோடிக்கு ஆறு புள்ளிகள் குறைந்துள்ளது. அதே காலகட்டத்தில் ராகுல் காந்திக்கு எட்டு புள்ளிகள் அதிகரித்துள்ளது.

இந்தியா டுடேயின் மூட் ஆஃப் தி நேஷன், ஆகஸ்ட் 2024 பதிப்பு, இரு ஆண்டு கால இந்தியா கணக்கெடுப்பு, ஜூலை 15, 2024 மற்றும் ஆகஸ்ட் 10, 2024 க்கு இடையில் CVoter ஆல் நடத்தப்பட்டது. இந்த கருத்துக்கணிப்பு நாட்டின் 543 மக்களவைத் தொகுதிகளிலும் 40,591 பேரை நேர்காணல் செய்தது என்பது குறிப்பிடத்தக்கது.