விஜய்க்கு படத்திற்கு பல மொழி வேண்டும், ஆனால், பாடத்திற்கு பல மொழிகள் கூடாதா? - தமிழிசை செளந்தரராஜன் கேள்வி

மணப்பாக்கத்தில் ஆயுர்வேதி சென்டரில் நடைபெறும் மருத்துவ முகாமில், மருத்துவ சேவை, மற்றும் மருத்துவ பரிசோதனை முகாம் திறந்து வைத்த முன்னாள் ஆளுநர் தமிழிசை சௌந்தரராஜன் செய்தியாளர்களை சந்தித்தார். அப்போது பேசிய அவர், உகாதி பண்டிகையையொட்டி தமிழ், ஆங்கிலம், தெலுங்கு என மூன்று மொழியில் தமிழிசை வாழ்த்து கூறினார். சகோதார மொழிகளை வைத்து பாஜக இணைக்கவே நினைக்கிறது, பிரிக்க நினைக்கவில்லை என்று கூறினார். 

நூறு நாள் வேலைத் திட்டத்திற்கு எதிராக பாஜக நடந்து கொள்வதாக முதலமைச்சர் பொய்யாக கூறி கூறுகிறார்.  காந்தி என்ற பெயரே எங்களுக்கு படிக்காது என கூறிவருகின்றனர்.. ஆனால் பிரதமர் தூய்மைத் திட்டங்களை காந்தியின் பெயராலே தொடங்கி வைக்கிறார்

காந்தியை திமுக இதுவரை கொண்டாடியதே கிடையாது. தமிழகத்தில் 100 நாள் திட்டத்தில் முறைகேடுகள் நடந்துள்ளன : கணக்கை சரிபார்க்கும் வரை நிதி தர முடியாது என கனிமொழி க்கு மத்திய அமைச்சர் பதிலளித்துள்ளார் பெண்கள் , ஆண்கள் என தனித்தனியாக வேறு வேறான அளவில் 100 நாள் திட்டத்தில் ஊதியம் கொடுத்து வருகின்றனர். 7300 கோடியை தமிழகத்திற்கான பங்குத் தொகையாக வழங்க மத்திய அமைச்சர் சௌஹான் தயாராக இருந்தார்.. 

ஆனால், அவர் தமிழகம் வந்தபோது அவரை தமிழக அமைச்சர்கள் சந்திக்கவில்லை.  நிதி ஆயோக் கூட்டத்திற்கு முதலமைச்சர் ஏன் செல்லவில்லை...?  என்று கேள்வி எழுப்பினார். 

எப்போதும் மத்திய அரசை குற்றம்  சொல்லும் ஈகோவை முதல்வர் கைவிட வேண்டும். முதல்வர் மருந்தகத்தில் போதுமான மருத்துகள் இல்லை என மக்கள் தவித்து வருகின்றனர். 2வது இடத்திற்கான போட்டியில் எங்களை அரசியல் கட்சிகள் முன்னிலைப்படுத்தாவிட்டாலும் மக்கள் எங்களை முன்னிலைப்படுத்துவார்கள். திருமாவளவன் , கம்யூனிஸ்ட் , வேல்முருகன் உள்ளிட்ட கூட்டணி கட்சிகள் தங்கள் எதிர்ப்பை பதிவு செய்கின்றனர் : திமுக கூட்டணிக்  கட்சிகள் அதிருப்தியில் உள்ளனர். அண்ணாமலை திசை திரும்புவது கூறும் ஆதவ் அர்ஜூனா கருத்துக்கு பதில் கூற முடியாது... 

எதுகை மோனைக்கு வேண்டுமானால் விஜய் பேசுவது சரியாக இருக்கும். தம்பி விஜய் முதலில் திமுக எதிர்ப்பை நீங்கள் தீவிரப்படுத்த வேண்டும். விஐயின் படம் தெலுங்கில் டப்பிங் ஆகிறது. பிற மாநிலங்களில் விஜய் படம் ஓகோ என ஓடுகிறது.

படத்திற்கு பல மொழி வேண்டும் ஆனால் பாடத்திற்கு பல மொழிகள் கூடாதா..? செங்கோட்டையன் சந்திப்பு குறித்து எனக்கு எதுவும் தெரியாது. ஊராட்சிகளை இணைத்து நகராட்சிகளை உருவாக்குவதன் மூலம் delimitation ல் தமிழக அரசு ஈடுபடுகிறது. விஜயின் பேச்சில் தெளிவற்ற தன்மைதான் உள்ளது. விஜயின்வாழ்க்கை விரிவடைந்ததால் அவருக்கு பனையூர் தேவைப்பட்டது.. சாலி கிராமத்தில் இருந்து பனையூர் சென்றார்.

தமிழக மக்களின் வாழ்க்கை விரிவடைவதால் பரந்தூர் தேவைப்படுகிறது. தமிழக அரசு கொடுக்கும் இடத்தில்தான் மத்திய அரசு விமான நிலையம் அமைக்கும். பிரதமர் மோடியை எதிர்க்கும் தைரியம் தனக்கு இருப்பதாக கூறும் விஜய் படத்தின் தயாரிப்பாளர் , இயக்குநரை விஜய் எதிர்த்து பேசியது உண்டா? என கேள்வி எழுப்பினார். 

தமிழக அரசியலை இன்னும் அழுத்தம் , ஆழமாக கற்றுக  கொண்டு விஜய் பேச வேண்டும். அண்ணாமலை கட்சிக்காக உழைத்து கொண்டிருக்கிறார். பாஜகவில் 6 ஆண்டு மாநிலத் தலைவர்  பதவிக்காலம் நிறைவடைந்த ஒருவர், குறிப்பிட்ட இடைவெளிக்கு பிறகு மீண்டும் மாநிலத் தலைவர் பதவிக்கு வர முடியும் என்று கூறினார்.