ஜாமீன் மனுக்கள் தள்ளுபடி செய்து மீண்டும் விசாரிக்க வேண்டிய அவசியம் இல்லை - சென்னை உயர்நீதிமன்றம்

கோவையைச் சேர்ந்த பாபு  என்பவர் திருட்டு வழக்கில் ஜாமீன் கேட்டு சென்னை உயர்நீதிமன்றத்தில் மனு தாக்கல் செய்திருந்தார். அந்த மனு நீதிபதி சுந்தர்மோகன்  முன்பாக விசாரணைக்கு வந்தது. மனுவை விசாரித்த நீதிபதி இந்த மனு ஏற்கனவே வேறு ஒரு நீதிபதி விசாரித்து தள்ளுபடி செய்துள்ளதால் அதே நீதிபதி விசாரிக்க வேண்டுமா? அல்லது தற்போது ஜாமீன் முன் ஜாமீன் மனுக்களை விசாரிக்கும் நீதிபதியே விசாரிக்கலாமா என்பதை உச்ச நீதிமன்ற தீர்ப்புகளின் அடிப்படையில் தெளிவுபடுத்திட இரண்டு நீதிபதிகள் அடங்கிய அமர்வுக்கு பரிந்துரைத்து தலைமை நீதிபதிக்கு அனுப்பி வைத்தார்.

அதனடிப்படையில் இந்த வழக்கு தலைமை நீதிபதியின் உத்தரவின் பேரில் நீதிபதிகள் எஸ்.எம். சுப்பிரமணியம் மற்றும் கே. ராஜசேகர் அடங்கிய அமர்வின் முன்பு இன்று விசாரணைக்கு வந்தது. அப்போது தமிழக அரசின் சார்பில் மாநில அரசு தலைமை குற்றவியல் வழக்குரைஞர் அசன் முகம்மது ஜின்னா ஆஜராகி ,

..

 ஏற்கனவே சென்னையில் தள்ளுபடி செய்த நீதிபதி மதுரை கிளைக்கு சென்றால், அந்த ஜாமீன் மனுவை மதுரைக்கு மாற்ற வேண்டும்,  அது வழக்கு விசாரனையை தாமதப்படுத்துவதோடு  வழக்கறிஞர்களுக்கும் சிரமத்தை ஏற்படுத்தும் என்றும் மேலும் சென்னை உயர் நீதிமன்றம், தன் மதுரை கிளையிளும் பிரத்யேகமாக ஜாமீன், முன் ஜாமீன் மனுக்களை விசாரிக்க பிரத்யேகமான நீதிபதி இருப்பதால் ஏறகனே தள்ளுபடி செய்த அதே நீதிபதி விசாரிக்க வேண்டுமென்பதில்லை.,பிரத்யேகமாக  நீதிபதியே விசாரிக்கலாம் என்று வாதிட்டார்...

மனுதாரர் தரப்பில் வழக்கறிஞர் பாலசந்திரனும் புகார்தாரர் தரப்பில் வழக்கறிஞர் முகம்மது ரியாஸ் ஆகியோரும் மாநில தலைமை அரசு வழக்குரைஞற் அசன் முகம்மது ஜின்னா தெரிவித்த அதே கருத்தை வலியுறுத்தினர். 

அனைத்து தரப்பு வாதங்களையும் கேட்ட இரு நீதிபதிகளின் அமர்வு உச்ச நீதிமன்ற தீர்ப்புகளின் அடிப்படையில் ஜாமீன் , முன் ஜாமீன் மனுக்களை விசாரிக்க  பிரத்யேகமாக அமர்வு இருக்கும் பட்சத்தில் மற்ற நீதிபதிகள் தள்ளுபடி செய்த மனுக்களையும் பிரத்யேக அமர்வே  விசாரிக்கலாம், ஏற்கனவே தள்ளுபடி செய்த அதே நீதிபதியே விசாரிக்க வேண்டுமென்பதில்லை என்றும் மனுதாரர்கள் ஏற்கனவே தள்ளுபடி செய்யப்பட்ட விவரங்களை கட்டாயம் மனுவில் குறிப்பிட வேண்டும் என்றும் பிரத்யேகமாக விசாரிக்கும் நீதிபதி ஏற்கனவே தள்ளுபடி செய்த நீதிபதியின் உத்தரவில் கூறப்பட்டுள்ள கருத்தை முறையாக பரிசீலித்து உரிய உத்தரவுகளை கால தாமதமின்றி பிறப்பிக்க வேண்டும் என்று தீர்ப்பளித்துள்ளனர்.

 ஏற்கனவே தள்ளுபடி செய்து நிலுவையில் உள்ள புதிய மனுக்களை உடனடியாக பிரத்யேக அமர்வு முன்பாக பட்டியலிட உயர் நீதிமன்ற பதிவாளருக்கும் உத்தரவிட்டுள்ளனர்.