விவசாயிகளுக்கு விருந்து.. பந்தல்காரருக்கு தங்க மோதிரம்.. அதிரடி காட்டிய விஜய்..!

த.வெ.க மாநாட்டில் முதலில் கட்சியின் மாநாடு நடைபெறும் என்று அறிவித்த நாள் முதல் பல்வேறு தடைகள் வந்த வண்ணம் இருந்தது. சேலம், திருச்சி, மதுரை எனத்தொடங்கி பல இடங்களில் மாநாடு நடைபெறும் என அறிவிக்கப்பட்ட நிலையில், மாநாட்டிற்கான இடம் தேர்வு பெரிய பிரச்சினையாக அமைந்தது. கடைசியில், விழுப்புரம் மாவட்டம் வி.சாலையில் மாநாடு நடத்தப்படும் என்று அதிகாரப்பூர்வமாக அறிவிக்கப்பட்டது. 

தமிழக வெற்றிக் கழகத்தின முதல் மாநில மாநாடு கடந்த அக்டோபர் மாதம் 27 ஆம் தேதி விழுப்புரம் மாவட்டம் விக்கிரவாண்டியை அடுத்த வி.சாலையில் நடைபெற்றது. இந்த மாநாட்டிற்கு வி.சாலை பகுதியில் சுமார் 170 ஏக்கர் நிலம் ஒதுக்கப்பட்டு, மாநாடு பிரமாண்டமாக நடைபெற்றது. த.வெ.க மாநாட்டில் பத்து லட்சத்திற்கும் மேற்பட்டோர் கலந்து கொண்ட நிலையில், த.வெ.க. தலைவர் விஜய் தனது கட்சியின் கொள்கைகளை விஜய் அறிவித்தார். 

த.வெ.க மாநாட்டை நடத்த தமிழக அரசும் பல கட்டுப்பாடுகளை அறிவுறுத்தியது. அதனைத்தொடர்ந்து மாநாட்டிற்கு இடம் தேர்வு செய்யும் வேலையும் மும்மரமாக நடைபெற்றது.  த.வெ.க மாநாட்டிற்கு வி.சாலை பகுதியில் சுமார் 170 ஏக்கர் நிலம் ஒதுக்கப்பட்டு, மாநாடு பிரமாண்டமாக நடைபெற்றது. 

மாநாட்டிற்காக இடம் கொடுத்தவர்களுக்கு பணம் வழங்கப்பட்டது. தொடர்ந்து, விவசாயிகளுக்கு மாடு மற்றும் கன்றுகள் வழங்கப்பட்டது. அப்போதே நிலம் கொடுத்தவர்களுக்கு சென்னையில் விருந்தளிக்கப்படும் என கூறப்பட்டது. 

மாநாட்டிற்கு நிலங்களை பயன்படுத்திவிட்டு மீண்டும் விவசாய பயன்பாட்டிற்கு ஏற்ற வகையில் ஏற்பாடு செய்து கொடுப்பதாக ஒப்பந்தம் செய்யப்பட்டது. இந்நிலையில் மாநாட்டிற்காக இடம் கொடுத்த விவசாயிகளுக்கு இன்று பனையூரில் விருந்தளிக்கும் நிகழ்ச்சி நடைபெற்றது.

சென்னை பனையூரில் உள்ள கட்சி அலுவலகத்தில் இன்று மதியம் விருந்து அளிக்கப்படுகிறது. விக்கிரவாண்டி வி.சாலையை சேர்ந்த 100 க்கும் மேற்பட்டோர் 2 பஸ்கள் மூலம் அழைத்து வரப்பட்டனர்.  விவசாயிகள் அலுவலகத்திற்கு வரும் போது, செல்போன்கள் எடுத்து செல்ல அனுமதி இல்லை  என்றும், அவர்கள் வந்த பேருந்திலேயே கைபேசியை வைத்து விட்டு வர சொல்லி கட்சி தலைமை அறிவுறுத்தியுள்ளதாக கூறப்படுகிறது .அவர்களுக்கு இன்று மதியம் பனையூரில் விஜய் அவரது கையால் விருந்து அளிக்கிறார் என்று கூறப்பட்ட நிலையில், விஜய் பனையூர் இல்லத்திற்கு வருவதற்கு முன்பே விவசாயிகளுக்கு விருந்து பறிமாறப்பட்டது. 

விவசாயிகளை வெகு நேரம் காத்திருக்க வேண்டாம் என்ற எண்ணத்தில் த.வெ.க தலைவர் விஜய் பனையூர் அலுவலகத்திற்கு வருவதற்கு முன்பே விருந்து நிகழ்ச்சி துவங்கியது. விவசாயிகள் விருந்து சாப்பிட்ட பின்னர், அவர்களை விஜய் சந்தித்தார்.

தமிழக வெற்றிக்கழக மாநாட்டிற்கு இடம் வழங்கிய விவசாயிகள் மற்றும் நில உரிமையாளர்களுக்கு வழங்கப்பட்ட உணவில்  சாதம், வடை, பாயாசம் , பொறியல், சாம்பார், வத்தக்குழம்பு, ரசம், மோர், அப்பளம் ஆகியவை விருந்தில் இடம்பெற்றுள்ளது.  

மாநாட்டிற்கு இடம் வழங்கிய விவசாயிகள் மற்றும் நில உரிமையாளர்கள் அனைவருக்கும்  த.வெ.க தலைவர் விஜய் நன்றி தெரிவித்தார். பின்னர் அவர்கள் அனைவருக்கும்,  கட்சியின் சார்பில் பூ, பழங்கள், ஆடைகள் அடங்கிய கட்டப்பை பரிசாக வழங்கப்பட்டுள்ளது. மேலும், தமிழக வெற்றிக்கழக மாநாட்டிற்கு பந்தல் அமைத்த விசுவநாதன் என்பவருக்கு தங்க மோதிரம் ஒன்றை த.வெ.க தலைவர் விஜய் பரிசாக அளித்தார் என்பது குறிப்பிடத்தக்கது.

தமிழக வெற்றி கழகத்தின் மாநாட்டிற்கு நிலம் கொடுத்த விவசாயிகள் மற்றும் நில உரிமையாளர்களுக்கு நடந்த விருந்து நிகழ்ச்சியில் கலந்து கொண்ட த.வெ.க தலைவர் விஜய், விவசாயிகளுக்கு நன்றி தெரிவித்தபின் புறப்பட்டார்.