ASER கல்வி அறிக்கை: பின்தங்கிய நிலையில் தமிழக  அரசு பள்ளி மாணவர்கள்.. புள்ளி விவரங்கள் வெளியீடு..!

நாடு முழுவதும் நடத்தப்படுகின்ற கணக்கெடுக்கின்படி வருடாந்திர கல்வி அறிக்கையை மத்திய அரசு வெளியிட்டு வருகின்றது. அந்த வகையில் 5 வயது முதல் 16 வயது மாணவர்களிடையே  நடத்தப்பட்ட கருத்துக்கணிப்பில், ASER எனப்படுகின்ற வருடாந்திர கல்வி அறிக்கையை மத்திய அரசு வெளியிட்டுள்ளது. கடந்த ஆண்டுக்கான அறிக்கை தற்போது வெளியாகியுள்ளது. தற்போது அந்த அறிக்கையில் குறிப்பிடப்பட்டுள்ளதாவது, 

தமிழகத்தில் உள்ள அரசு பள்ளிகளில் எட்டாம் வகுப்பு மாணவர்களால் 37.8 சதவீதம் தங்களை காட்டிலும் குறைந்த வகுப்பு சொற்களை படிக்க முடியவில்லை என்று அந்த அறிக்கையில் கூறப்பட்டுள்ளது. தொடர்ந்து , அதேபோல 77 சதவீதம் 3ம் வகுப்பு மாணவர்கள் 2ம் வகுப்பு அளவிலான சொற்களை படிக்க முடியவில்லை எனவும் வாசிப்பில் பின்தங்கி உள்ள தமிழக அரசு பள்ளி மாணவர்களின் நிலையை வருடாந்திர கல்வி அறிக்கை சுட்டிக்காட்டுவதாக அமைந்துள்ளது.

2018 ஆம் ஆண்டு 25% எட்டாம் வகுப்பு மாணவர்களால் இரண்டாம் வகுப்பு அளவிலான சொற்களை வாசிக்க முடியவில்லை என்ற நிலையில் இருந்து அது உயர்ந்து தற்போது 37.8 சதவீதமாக அதிகரித்துள்ளது. அதேபோல அரசு பள்ளிகளில் பயிலக்கூடிய எட்டாம் வகுப்பு  மாணவர்களில்  62.2% மாணவர்கள் வகுத்தலை செய்ய முடியவில்லை என்றும் 37.8 சதவீதம் மாணவர்களால் மட்டுமே வகுத்தலை செய்ய முடிவதாகவும் இந்த புள்ளி விவரங்கள் சுட்டிக் காட்டுகின்றன.

வகுத்தல் செய்ய முடியாத மாணவர்களின் இந்த சதவீதம் என்பது கடந்த 2018 ஆம் ஆண்டு காட்டிலும் 2024ம் ஆண்டு உயர்ந்துள்ளது 2018 ஆம் ஆண்டு 50 சதவீத மாணவர்கள் வகுத்தலை செய்ய முடியவில்லை என்ற நிலையில் இருந்து அது தற்போது 62.2% ஆக அதிகரித்துள்ளது

மேலும் தமிழகத்தில் உள்ள ஊரக பகுதிகளை பொருத்த அளவில் மூன்றாம் வகுப்பு பயிலக்கூடிய 8.6 சதவீத மாணவர்களால் ஒரு வார்த்தையை கூட படிக்க முடியவில்லை என்றும் 
36.3% மாணவர்கள் வார்த்தைகளை படிக்க முடிந்தாலும் முதலாம் வகுப்பு அளவிலான பாடங்களில் உள்ள முழு சொற்களை படிக்க முடியவில்லை என்பதும் இந்த புள்ளி விவரங்கள் மூலம் தெரியவந்துள்ளது