“5 நிமிஷம் டச் பண்ணிக்கிறேன்” சிறுமியிடம் சில்மிஷம்... சிக்கிய இச்சை பார்ட்டி..!

தவறு செய்த சிறுமிக்கு அறிவுரை கூறுவதுபோல நடித்து, தனது காம இச்சையைத் தீர்க்க நினைத்து சிக்கிக் கொண்டிருக்கிறார் திண்டுக்கல் மாவட்டம் பழனியை சேர்ந்த முஜிப் ரகுமான் என்னும் இந்த இளைஞர். 

பழனியில் செயல்படும் பாலிடெக்னிக் கல்லூரி ஒன்றில் 17வயதான சிறுமி ஒருவர் இரண்டாம் ஆண்டு படித்து வருகிறார். இவர் தனது காதலனுடன் பேருந்தில் சென்றபோதும், தனித்து இருந்தபோதும் அதனை புகைப்படம் மற்றும் வீடியோ எடுத்திருக்கிறார் முஜிப் ரகுமான்.
அந்த சிறுமியிடமும் இனி இப்படி எல்லாம் செய்யக்கூடாது என்று கூறி அறிவுரை கூறிய முஜிப் ரகுமான், மறுநாள் அந்த சிறுமி கல்லூரிக்கு செல்லும்போது தனது காரை எடுத்து வந்துள்ளார். தனது காரில் ஏறிக் கொள்ளும்படி கட்டாயப்படுத்தி ஏற்றியும் இருக்கிறார். இதனால் உஷாரான சிறுமி, தனது செல்போனில் ஆடியோ ரெக்கார்டரை ஆன் செய்துள்ளார். 

காரில் ஏறியபின்னர், முஜிப்ரகுமான், அந்த சிறுமியிடம் நைசாகப் பேச்சு கொடுத்து வந்தவர் ஒருகட்டத்தில், காதலனுடன் உல்லாசமாக இருப்பாயா? என்னுடன் இருக்க மாட்டாயா? ஒரு அஞ்சு நிமிஷம் டச் பண்ணிக்கிறேன் என்று தனது வக்கிரத்தை வெளிப்படுத்தியிருக்கிறார். இதனால் சிறுமி கண்ணீர் விட்டு அழத் தொடங்கியதும், அழக்கூடாது என்று மிரட்டி இருக்கிறார்.

இதன்பின்னர் சிறுமி வீட்டுக்கு வந்த நிலையில் தனக்கு ஏற்பட்ட இக்கட்டான சூழல் குறித்து குழந்தைகள் நல அலுவலக அதிகாரிகளிடம் தெரிவித்ததோடு, முஜிப் ரகுமான் மிரட்டிய ஆடியோ பதிவையும் கொடுத்ததாகக் கூறப்படுகிறது.

இதனைத் தொடர்ந்து,  குழந்தைகள் நல அலுவலர்கள், பழனி அனைத்து மகளிர் காவல்நிலையத்தில் புகார் அளித்துள்ளனர். வழக்கு பதிவு செய்த, போலீசார் இளைஞர் முஜிப் ரகுமான் மீது போக்சோ வழக்கு பதிந்து, கைது செய்து விசாரித்து வருகின்றனர்.