வெகுவிரைவில் மதுரையில் மெட்ரோ ரயில் ... திட்ட இயக்குனர் அர்ஜுனன் திட்டவட்டம்..!

மதுரை மெட்ரோ ரயில் அமைக்க ரூ 11,368.35 கோடியில் திட்டமிடப்பட்டுள்ளதை தொடர்ந்து, திட்ட இயக்குனர் தலைமையில் களஆய்வு நடத்தப்பட்டது.

மதுரையில் மெட்ரோ ரயில் அமைக்க திட்ட இயக்குனர் தலைமையில்  களஆய்வு நடத்தியப்பிறகு நிச்சயமாக மதுரையில் மெட்ரோ ரயில் திட்டம் செயல்பாட்டுக்கு வரும் என்று தெரிவித்தார். 

மதுரை மெட்ரோ ரயில் அமைக்க ரூ 11,368.35 கோடியில் திட்டமிடப்பட்டுள்ளதை தொடர்ந்து பூர்வாங்க பணிகள் குறித்து,  சென்னை மெட்ரோ ரயில் நிறுவனம் சார்பில் மெட்ரோ ரயில் திட்ட இயக்குனர் அர்ஜுனன் தலைமையில் மதுரை ரயில்வே தண்டவாளம் அடியில் மெட்ரோ சுரங்கம் அமைப்பதற்கான சாத்திய கூறுகள் குறித்து ராமேஸ்வரம் ரயில் லைன் மற்றும் விருதுநகர் ரயில் லைன் ஆண்டாள்புரம் பகுதிகளில் ஆய்வு நடத்தப்பட்டு வருகிறது.

பின்னர் செய்தியாளர்களை சந்தித்த மெட்ரோ ரயில் திட்ட இயக்குனர் அர்ஜுனன் கூறியதாவது, மதுரை மெட்ரோ ரயில் ஒத்தக்கடை விவசாய கல்லூரியில் தொடங்கி புதூர் வழியாக தமிழ்நாடு ஹோட்டல் அருகே சுரங்க பாதை தொடங்குகிறது. 

தொடர்ந்து வைகை ஆறு, மீனாட்சி அம்மன் கோவில் கடந்து ஆண்டாள்புரத்தில் முடிவடைந்து, பின்னர் அங்கிருந்து மேலெழும்பி திருப்பரங்குன்றம் வழியாக திருமங்கலம் வரையில் 32 கி.மீக்கு திட்டம் வரையறுக்கபட்டுள்ளது. ஆண்டாள்புரத்திலிருந்து திருப்பரங்குன்றம் வழியாக செல்கிறது இந்தப் பாதையில் செல்கிறது. இதில் தொழில்நுட்ப ஆய்வுக்காக தற்போது வந்திருக்கிறேன்.

இந்த மெட்ரோ பனியானது 11,340 கோடி மதிப்பீட்டில் நடைபெற உள்ளது. தமிழ்நாடு அரசிடமிருந்து விரிவான திட்ட அறிக்கை மத்திய அரசிடம் சென்று இருக்கிறது இதனை பரிசினையில் வைத்துள்ளனர்.

தற்போது நடத்தப்படும் ஆய்வு, மெட்ரோ அமைப்பதற்கான காலதாமதம் இல்லாமல் இருக்க ஏதுவாக இருக்கும். கோயம்புத்தூருக்கும் சேர்த்து மொத்தமாக தான் திட்ட அறிக்கைகள் மத்திய அரசிடம் அனுப்பப்பட்டுள்ளது. திட்டம் ஒப்புதல் பெற்ற பிறகு மூன்று ஆண்டுகளில் பணி காலத்தில் திட்டம் முடிவடையும்.

மெட்ரோ சுரங்கப்பாதை மதுரையில்  6 கிலோமீட்டர் அமைக்க சிறிது கடினமாக இருக்கலாம் ஏனென்றால் பாறைகள் மிகுந்து காணப்படுகிறது. இதனால் பொதுமக்களுக்கு எந்த பாதிப்பும் ஏற்படாது.

மெட்ரோ பணிக்கு நிலம் கையகப்படுத்த எந்தவித தொய்வும் ஏற்படாது. மொத்தமாக 17 மெட்ரோ ரயில் நிலையங்கள் அமைக்கப்பட திட்டமிடப்பட்டுள்ள நிலையில், அவற்றின் எண்ணிக்கை மாறுபடலாம் எனவும் அர்ஜூனன் தெரிவித்தார்.