LIVE 24 X 7
துபாயிலிருந்து வந்த சரக்கு விமானம் ஒன்று ஹாங்காங் சர்வதேச விமான நிலையத்தில் இன்று அதிகாலை தரையிறங்கும் போது ஓடுபாதையை விட்டு விலகிச் சென்று கடலில் விழுந்து விபத்துக்குள்ளானதில், விமான நிலையப் பாதுகாப்புப் பணியாளர்கள் இருவர் பரிதாபமாக உயிரிழந்தனர்.
கட்டுப்பாட்டை இழந்து விபத்து
துருக்கியைத் தளமாகக் கொண்ட ACT ஏர்லைன்ஸ் மூலம் எமிரேட்ஸ் நிறுவனத்திற்காக இயக்கப்பட்டு வந்த இந்த போயிங் 747 சரக்கு விமானம், உள்ளூர் இன்று அதிகாலை 3:50 மணியளவில் ஓடுபாதையில் தரையிறங்கியது. அப்போது விமானம் திடீரெனக் கட்டுப்பாட்டை இழந்து, ஓடுபாதையின் சுவரை உடைத்துக்கொண்டு கடலில் பகுதி அளவில் மூழ்கியது. விமானத்தின் கட்டுப்பாடு இழந்ததால், அது ஓடுபாதையின் எல்லைக்கு வெளியே ரோந்து பணியில் ஈடுபட்டிருந்த பாதுகாப்புக் காவல் வாகனம் ஒன்றின் மீது மோதியது.
இந்த மோதலில், வாகனத்தில் இருந்த 30 வயது மற்றும் 41 வயதுடைய இரு ஊழியர்கள் கடலுக்குள் தூக்கி வீசப்பட்டனர். அவர்களில் ஒருவர் சம்பவ இடத்திலேயே உயிரிழந்தார் என்றும், மற்றொருவர் மருத்துவமனைக்கு அழைத்துச் செல்லப்பட்ட வழியில் உயிரிழந்ததாக கூறப்படுகிறது.
மீட்புப் பணிகள் மற்றும் விமானத்தின் நிலை
விபத்து குறித்த தகவல் கிடைத்ததும், 200-க்கும் மேற்பட்ட அவசரகாலப் பணியாளர்கள், தீயணைப்புக் கப்பல்கள் மற்றும் ஹெலிகாப்டர்கள் மீட்புப் பணிகளுக்காக விரைந்தன. விபத்துக்குப் பிறகு விமானம் பல பிரிவுகளாகப் பிளவுபட்டு, அதன் உடற்பகுதி கடலுக்கு அருகில் மிதந்தது. விமான ஊழியர்கள் அவசரகால சறுக்கு வழி (Emergency Slide) மூலம் வெளியேறினர்.
விமானத்தில் இருந்த நான்கு ஊழியர்களும் எந்தக் காயமும் இன்றி உயிர் தப்பியதாக எமிரேட்ஸ் நிறுவனம் வெளியிட்ட அறிக்கையில் உறுதி செய்தது. விபத்தின்போது விமானத்தில் எந்தச் சரக்கும் இல்லை என்றும் அந்நிறுவனம் தெரிவித்தது. கடலில் மூழ்கிய வாகனம், கரைக்கு அருகில் சுமார் 7 மீட்டர் ஆழத்தில் கண்டெடுக்கப்பட்டது.
விசாரணை மற்றும் விமானத்தின் மௌனம்
விபத்துக்குச் சற்று முன்னர் விமானம் எந்தவொரு அவசரச் சமிக்கையையும் (Emergency Signal) அனுப்பவில்லை என்றும், அது விமானப் போக்குவரத்துக் கட்டுப்பாட்டு அறையின் தகவல்தொடர்புக்குப் பதிலளிக்கத் தவறிவிட்டது என்றும் விமான நிலைய அதிகாரிகள் தெரிவித்தனர். விமானத்தின் நகர்வைக் கண்காணிக்கும் தரவுகளின்படி, தரையிறங்கிய பின்னர் ஓடுபாதையின் நடுவே வந்தபோது விமானம் திடீரென இடதுபுறமாகத் திரும்பிச் சென்று விமான நிலைய எல்லையை மீறியுள்ளது.
விபத்துக்கான சரியான காரணம் குறித்து வான் விபத்து விசாரணை ஆணையம் தற்போது விசாரணையைத் தொடங்கியுள்ளது. இந்த விபத்துக்கு வேறு ஏதும் காரணங்கள் இருக்கிறதா என்பதையும் காவல்துறை விசாரித்து வருகிறது.
விபத்து காரணமாக, விமான நிலையத்தின் வடக்கு ஓடுபாதை தற்காலிகமாக மூடப்பட்டுள்ளது. எனினும், மற்ற ஓடுபாதைகள் செயல்படுவதால் பயணிகள் விமானங்களின் அட்டவணையில் பெரிய பாதிப்புகள் இல்லை என்று தெரிவிக்கப்பட்டுள்ளது.
கட்டுப்பாட்டை இழந்து விபத்து
துருக்கியைத் தளமாகக் கொண்ட ACT ஏர்லைன்ஸ் மூலம் எமிரேட்ஸ் நிறுவனத்திற்காக இயக்கப்பட்டு வந்த இந்த போயிங் 747 சரக்கு விமானம், உள்ளூர் இன்று அதிகாலை 3:50 மணியளவில் ஓடுபாதையில் தரையிறங்கியது. அப்போது விமானம் திடீரெனக் கட்டுப்பாட்டை இழந்து, ஓடுபாதையின் சுவரை உடைத்துக்கொண்டு கடலில் பகுதி அளவில் மூழ்கியது. விமானத்தின் கட்டுப்பாடு இழந்ததால், அது ஓடுபாதையின் எல்லைக்கு வெளியே ரோந்து பணியில் ஈடுபட்டிருந்த பாதுகாப்புக் காவல் வாகனம் ஒன்றின் மீது மோதியது.
இந்த மோதலில், வாகனத்தில் இருந்த 30 வயது மற்றும் 41 வயதுடைய இரு ஊழியர்கள் கடலுக்குள் தூக்கி வீசப்பட்டனர். அவர்களில் ஒருவர் சம்பவ இடத்திலேயே உயிரிழந்தார் என்றும், மற்றொருவர் மருத்துவமனைக்கு அழைத்துச் செல்லப்பட்ட வழியில் உயிரிழந்ததாக கூறப்படுகிறது.
மீட்புப் பணிகள் மற்றும் விமானத்தின் நிலை
விபத்து குறித்த தகவல் கிடைத்ததும், 200-க்கும் மேற்பட்ட அவசரகாலப் பணியாளர்கள், தீயணைப்புக் கப்பல்கள் மற்றும் ஹெலிகாப்டர்கள் மீட்புப் பணிகளுக்காக விரைந்தன. விபத்துக்குப் பிறகு விமானம் பல பிரிவுகளாகப் பிளவுபட்டு, அதன் உடற்பகுதி கடலுக்கு அருகில் மிதந்தது. விமான ஊழியர்கள் அவசரகால சறுக்கு வழி (Emergency Slide) மூலம் வெளியேறினர்.
விமானத்தில் இருந்த நான்கு ஊழியர்களும் எந்தக் காயமும் இன்றி உயிர் தப்பியதாக எமிரேட்ஸ் நிறுவனம் வெளியிட்ட அறிக்கையில் உறுதி செய்தது. விபத்தின்போது விமானத்தில் எந்தச் சரக்கும் இல்லை என்றும் அந்நிறுவனம் தெரிவித்தது. கடலில் மூழ்கிய வாகனம், கரைக்கு அருகில் சுமார் 7 மீட்டர் ஆழத்தில் கண்டெடுக்கப்பட்டது.
விசாரணை மற்றும் விமானத்தின் மௌனம்
விபத்துக்குச் சற்று முன்னர் விமானம் எந்தவொரு அவசரச் சமிக்கையையும் (Emergency Signal) அனுப்பவில்லை என்றும், அது விமானப் போக்குவரத்துக் கட்டுப்பாட்டு அறையின் தகவல்தொடர்புக்குப் பதிலளிக்கத் தவறிவிட்டது என்றும் விமான நிலைய அதிகாரிகள் தெரிவித்தனர். விமானத்தின் நகர்வைக் கண்காணிக்கும் தரவுகளின்படி, தரையிறங்கிய பின்னர் ஓடுபாதையின் நடுவே வந்தபோது விமானம் திடீரென இடதுபுறமாகத் திரும்பிச் சென்று விமான நிலைய எல்லையை மீறியுள்ளது.
விபத்துக்கான சரியான காரணம் குறித்து வான் விபத்து விசாரணை ஆணையம் தற்போது விசாரணையைத் தொடங்கியுள்ளது. இந்த விபத்துக்கு வேறு ஏதும் காரணங்கள் இருக்கிறதா என்பதையும் காவல்துறை விசாரித்து வருகிறது.
விபத்து காரணமாக, விமான நிலையத்தின் வடக்கு ஓடுபாதை தற்காலிகமாக மூடப்பட்டுள்ளது. எனினும், மற்ற ஓடுபாதைகள் செயல்படுவதால் பயணிகள் விமானங்களின் அட்டவணையில் பெரிய பாதிப்புகள் இல்லை என்று தெரிவிக்கப்பட்டுள்ளது.
