ஐபிஎல் 2025 டி20 கிரிக்கெட் தொடரில் நேற்று நடைபெற்ற 20-வது லீக் ஆட்டத்தில் மும்பை இந்தியன்ஸ் - ராயல் சேலஞ்சர்ஸ் பெங்களூரு அணிகள் மோதின. இந்த போட்டி மும்பையில் உள்ள வான்கடே ஸ்டேடியத்தில் நடைபெற்றது. இந்த ஆட்டத்தில் டாஸ் வென்ற மும்பை அணியின் கேப்டன் ஹர்திக் பாண்ட்யா பந்துவீச்சை தேர்வு செய்தார்.

அதன்படி முதலில் பேட்டிங் செய்ய களமிறங்கிய பெங்களூரு அணிக்கு தொடக்க ஆட்டக்காரர் ஆன பில் சால்ட் 4 ரன்களில் ஆட்டமிழந்து ஏமாற்றம் அளித்தார். இதனையடுத்து ஜோடி சேர்ந்த விராட் கோலி - படிக்கல் அதிரடியாக விளையாடி அணிக்கு வலு சேர்த்தனர். இதில் விராட் கோலி தனது அரைசதத்தை பூர்த்தி செய்தார். அதிரடியாக விளையாடி பெங்களூரு அணி நிர்ணயிக்கப்பட்ட 20 ஓவர்கள் முடிவில் 5 விக்கெட்டுகளை இழந்து 221 ரன்கள் குவித்தது. மும்பை தரப்பில் அதிகபட்சமாக ஹர்திக் மற்றும் டிரெண்ட் போல்ட் ஆகியோர் தலா 2 விக்கெட்டுகள் வீழ்த்தினர்.

இதனையடுத்து 222 ரன்கள் அடித்தால் வெற்றி என்ற இமாலய இலக்கை நோக்கி களமிறங்கிய மும்பை அணிக்கு கடைசி ஓவரில் வெற்றிக்கு 19 ரன்கள் தேவைப்பட்டநிலையில், முதல் பந்தில் சாண்டனர் 8 ரன்களில் ஆட்டமிழந்தார். இரண்டாவது பந்தில் தீபக் சாஹர் டக்அவுட் ஆனார். அடுத்ததாக நமர் திர் 11 ரன்களில் ஆட்டமிழந்தார். பின்னர் மும்பை அணி நிர்ணயிக்கப்பட்ட 20 ஓவர்களில் 9 விக்கெட்டுகளை இழந்து 209 ரன்கள் மட்டுமே எடுத்தது. பெங்களூரு அணியின் சார்பில் அதிகபட்சமாக குர்ணால் பாண்ட்யா 4 விக்கெட்டுகளும், யாஸ் தயாள், ஹசில் வுட் ஆகியோர் தலா 2 விக்கெட்டுகளும், புவனேஸ்வர் குமார் ஒரு விக்கெட்டும் வீழ்த்தினர்.

இதன்மூலம் மும்பை அணிக்கு எதிரான போட்டியில் 12 ரன்கள் வித்தியாசத்தில் பெங்களூரு அணி வெற்றிபெற்றது. இதன்படி பெங்களூரு அணி நடப்பு தொடரில் 6 புள்ளிகளுடன் தனது மூன்றாவது வெற்றியை பதிவு செய்தது.