LIVE 24 X 7
கரூர் பொதுக்கூட்டத்தில் ஏற்பட்ட கூட்ட நெரிசல் விவகாரம் தொடர்பாகத் தாக்கல் செய்யப்பட்ட மனுக்களை விசாரித்த சென்னை உயர் நீதிமன்ற நீதிபதிகள், தமிழக வெற்றிக் கழகத் தலைவர் விஜய்யின் செயல்பாடு குறித்துக் கடும் கண்டனங்களைப் பதிவு செய்தனர். மேலும், இந்தச் சம்பவம் தொடர்பாகத் தவெகவின் நாமக்கல் மாவட்டச் செயலாளர் சதீஷ் குமாரின் முன்ஜாமீன் மனுவையும் நீதிமன்றம் தள்ளுபடி செய்தது.
தலைமைப் பண்பு குறித்து நீதிபதிகளின் கருத்துகள்
தவெக நாமக்கல் மாவட்டச் செயலாளர் சதீஷ் குமாரின் முன்ஜாமீன் மனுவை விசாரித்த நீதிபதிகள், விஜய்யின் பொறுப்பற்ற நடவடிக்கைகளைக் கடுமையாகச் சாடினர். கூட்ட நெரிசலில் 41 பேர் உயிரிழந்த துயரச் சம்பவம் நடந்தபோதும், விஜய்க்குத் தலைமைப் பண்பு இல்லை. அவர் மக்களைக் கைவிட்டு, பொறுப்பற்ற முறையில் சம்பவ இடத்திலிருந்து வெளியேறினார்.
தொடர்ந்து தவெகவினர் அடாவடி நடவடிக்கைகளில்' ஈடுபட்டு வருவதை நீதிபதிகள் சுட்டிக்காட்டியதோடு, கட்சியினரைக் கட்டுப்படுத்த முடியாதா? பொறுப்புடன் செயல்பட வேண்டாமா? என்றும் கேள்வி எழுப்பி, சதீஷ் குமாரின் முன்ஜாமீன் மனுவைத் தள்ளுபடி செய்து உத்தரவிட்டனர்.
சிபிஐ விசாரணை கோரிக்கை நிராகரிப்பு
இதே விவகாரத்தில் சிபிஐ விசாரணை கோரிச் சமூக ஆர்வலர்கள் உட்பட 7 பேர் உயர் நீதிமன்ற மதுரைக் கிளையில் தாக்கல் செய்த மனுக்களையும் நீதிபதிகள் நிராகரித்தனர். இது ஒரு துயரச் சம்பவம். நீதிமன்றத்தை அரசியல் மேடை ஆக்க வேண்டாம், என்று கண்டனம் தெரிவித்தனர். போலீஸ் விசாரணை நடைபெற்று வருவதால், அதில் திருப்தி இல்லை என்றால் விசாரணை முடிவடைந்த பிறகு சிபிஐ விசாரணையைக் கோரலாம் எனத் தெரிவித்து, சிபிஐ விசாரணை கோரிய மனுக்களைத் தள்ளுபடி செய்தனர்.
அரசியல் கூட்டங்களுக்கான புதிய வழிகாட்டுதல்கள்
கரூர் சம்பவத்தைத் தொடர்ந்து, இனிவரும் காலங்களில் அரசியல் கட்சிகளின் கூட்டங்கள் குறித்துப் புதிய வழிகாட்டுதல்களை வகுக்க வேண்டும் என்று நீதிபதிகள் தமிழக அரசுக்கு உத்தரவிட்டனர். அனைத்து அரசியல் கட்சிகளும் எந்தவிதமான அரசியல் பொதுக் கூட்டங்களையும், மாநில, தேசிய நெடுஞ்சாலைகளில் நடத்தக் கூடாது. பாதுகாப்பு விதிமுறைகளைக் கடைப்பிடித்து உறுதி செய்த பிறகுதான் அனுமதி வழங்கப்பட வேண்டும்.
குடிநீர், மருத்துவ வசதி, உணவு, கழிப்பிட வசதி ஆகிய வசதிகள் உள்ளதா எனக் காவல்துறை ஆய்வு செய்த பிறகே அனுமதி வழங்க வேண்டும். அரசியல் கட்சி கூட்டங்களுக்கு வழிகாட்டு நெறிமுறைகளை வகுக்க வேண்டும். இந்த உத்தரவுகளைச் சென்னையில் உள்ள காவல்துறை அதிகாரிகள், இதுபோன்ற வழக்கு விசாரணை முடியும் வரை பின்பற்ற வேண்டும் என்றும் நீதிபதிகள் அறிவுறுத்தினர்.
தலைமைப் பண்பு குறித்து நீதிபதிகளின் கருத்துகள்
தவெக நாமக்கல் மாவட்டச் செயலாளர் சதீஷ் குமாரின் முன்ஜாமீன் மனுவை விசாரித்த நீதிபதிகள், விஜய்யின் பொறுப்பற்ற நடவடிக்கைகளைக் கடுமையாகச் சாடினர். கூட்ட நெரிசலில் 41 பேர் உயிரிழந்த துயரச் சம்பவம் நடந்தபோதும், விஜய்க்குத் தலைமைப் பண்பு இல்லை. அவர் மக்களைக் கைவிட்டு, பொறுப்பற்ற முறையில் சம்பவ இடத்திலிருந்து வெளியேறினார்.
தொடர்ந்து தவெகவினர் அடாவடி நடவடிக்கைகளில்' ஈடுபட்டு வருவதை நீதிபதிகள் சுட்டிக்காட்டியதோடு, கட்சியினரைக் கட்டுப்படுத்த முடியாதா? பொறுப்புடன் செயல்பட வேண்டாமா? என்றும் கேள்வி எழுப்பி, சதீஷ் குமாரின் முன்ஜாமீன் மனுவைத் தள்ளுபடி செய்து உத்தரவிட்டனர்.
சிபிஐ விசாரணை கோரிக்கை நிராகரிப்பு
இதே விவகாரத்தில் சிபிஐ விசாரணை கோரிச் சமூக ஆர்வலர்கள் உட்பட 7 பேர் உயர் நீதிமன்ற மதுரைக் கிளையில் தாக்கல் செய்த மனுக்களையும் நீதிபதிகள் நிராகரித்தனர். இது ஒரு துயரச் சம்பவம். நீதிமன்றத்தை அரசியல் மேடை ஆக்க வேண்டாம், என்று கண்டனம் தெரிவித்தனர். போலீஸ் விசாரணை நடைபெற்று வருவதால், அதில் திருப்தி இல்லை என்றால் விசாரணை முடிவடைந்த பிறகு சிபிஐ விசாரணையைக் கோரலாம் எனத் தெரிவித்து, சிபிஐ விசாரணை கோரிய மனுக்களைத் தள்ளுபடி செய்தனர்.
அரசியல் கூட்டங்களுக்கான புதிய வழிகாட்டுதல்கள்
கரூர் சம்பவத்தைத் தொடர்ந்து, இனிவரும் காலங்களில் அரசியல் கட்சிகளின் கூட்டங்கள் குறித்துப் புதிய வழிகாட்டுதல்களை வகுக்க வேண்டும் என்று நீதிபதிகள் தமிழக அரசுக்கு உத்தரவிட்டனர். அனைத்து அரசியல் கட்சிகளும் எந்தவிதமான அரசியல் பொதுக் கூட்டங்களையும், மாநில, தேசிய நெடுஞ்சாலைகளில் நடத்தக் கூடாது. பாதுகாப்பு விதிமுறைகளைக் கடைப்பிடித்து உறுதி செய்த பிறகுதான் அனுமதி வழங்கப்பட வேண்டும்.
குடிநீர், மருத்துவ வசதி, உணவு, கழிப்பிட வசதி ஆகிய வசதிகள் உள்ளதா எனக் காவல்துறை ஆய்வு செய்த பிறகே அனுமதி வழங்க வேண்டும். அரசியல் கட்சி கூட்டங்களுக்கு வழிகாட்டு நெறிமுறைகளை வகுக்க வேண்டும். இந்த உத்தரவுகளைச் சென்னையில் உள்ள காவல்துறை அதிகாரிகள், இதுபோன்ற வழக்கு விசாரணை முடியும் வரை பின்பற்ற வேண்டும் என்றும் நீதிபதிகள் அறிவுறுத்தினர்.
