பிசிசிஐயின் புதிய தலைவர்.. ஜம்மு காஷ்மீரைச் சேர்ந்த மிதுன் மன்ஹாஸ் தேர்வாகிறாரா?

இந்திய கிரிக்கெட் கட்டுப்பாட்டு வாரியமான பிசிசிஐ-யின் புதிய தலைவராக, ஜம்மு காஷ்மீரைச் சேர்ந்த மிதுன் மன்ஹாஸ் போட்டியின்றி தேர்வாக உள்ளார். இது குறித்த அதிகாரப்பூர்வ அறிவிப்பு வரும் செப்டம்பர் 28-ஆம் தேதி நடைபெறும் பிசிசிஐ ஆண்டு பொதுக்குழு கூட்டத்தில் வெளியிடப்படும் என எதிர்பார்க்கப்படுகிறது.

தேசிய அணிக்காக விளையாடாத, உள்ளூர் போட்டிகளில் மட்டுமே விளையாடிய ஒரு வீரர், இந்தியாவின் மிகப்பெரிய கிரிக்கெட் அமைப்பின் தலைமைப் பதவிக்குத் தேர்வாக இருப்பது கிரிக்கெட் வட்டாரங்களில் பெரும் கவனத்தை ஈர்த்துள்ளது.

யார் இந்த மிதுன் மன்ஹாஸ்?

மிதுன் மன்ஹாஸ், உள்நாட்டுப் போட்டிகளில் ஒரு சிறந்த வீரராக அறியப்பட்டவர். ரஞ்சிக் கோப்பையில் டெல்லி மற்றும் ஜம்மு காஷ்மீர் அணிகளுக்காகப் பல ஆண்டுகள் விளையாடியுள்ளார். மேலும், அவர் சென்னை சூப்பர் கிங்ஸ் (சிஎஸ்கே) உள்ளிட்ட மூன்று ஐபிஎல் அணிகளிலும் விளையாடி இருக்கிறார். இந்த அனுபவமே அவருக்கு இந்தப் பெரிய பதவி கிடைக்கக் காரணமாக இருக்கும் எனப் பேசப்படுகிறது.

பிசிசிஐ-யின் தலைமைப் பதவிக்கு ஒரு மாநிலத்தைச் சேர்ந்தவர், அதுவும் ஜம்மு காஷ்மீரைச் சேர்ந்த ஒருவர் தேர்ந்தெடுக்கப்படுவது இதுவே முதல்முறை எனக் கூறப்படுகிறது. இந்தத் தேர்வு, இந்திய கிரிக்கெட்டின் எதிர்காலத்திற்குப் புதிய திசையை வகுக்கும் என எதிர்பார்க்கப்படுகிறது.