டெல்லி அணி பேட்டிங்

ஐ.பி.எல் 2025 கிரிக்கெட் தொடரில் டெல்லியில் உள்ள அருண் ஜெட்லி மைதானத்தில் நடைபெற்ற லீக் ஆட்டத்தில் டெல்லி கேப்பிட்டல்ஸ் அணி மற்றும் ராயல் சேலஞ்சர்ஸ் பெங்களூரு அணிகள் மோதியது. இந்த போட்டியில் டாஸ் வென்ற பெங்களூரு அணி பந்துவீச்சை தேர்வு செய்தது.இதைத்தொடர்ந்து டெல்லி அணி பேட்டிங் செய்தது. இதையடுத்து தொடக்க ஆட்டக்காரர்களாக களம் இறங்கிய அபிஷேக் போரல் மற்றும் பாப் டு பிளஸ்சிஸ் ஆகியோர் சிறப்பாக விளையாடினர்.

இருவரும் 28 மற்றும் 22 ரன்கள் எடுத்திருந்த நிலையில் ஆட்டமிழந்தனர். தொடர்ந்து களமிறங்கிய கே.எல்.ராகுல் அதிரடியாக விளையாடி 41 ரன்கள் எடுத்தார்.20 ஓவர்கள் முடிவில் டெல்லி கேப்பிடல்ஸ் அணி 8 விக்கெட்டுகள் இழப்புக்கு 162 ரன்கள் எடுத்தது. இதையடுத்து 163 ரன்கள் எடுத்தால் வெற்றி என்ற இலக்குடன் பெங்களூரு அணி களம் இறங்கியது.

பெங்களூரு அணி அசத்தல் வெற்றி

தொடக்கத்தில் ஜேக்கப் பெத்தேல் 12 ரன்களுக்கு, அடுத்து ஆடிய படிக்கல் ரன் எதுவும் எடுக்காமல், ரஜத் படிதார் 6 ரன்களுக்கும் எடுத்து அடுத்தடுத்து ஆட்டமிழந்தனர். தொடர்ந்து விராட் கோலி, குருனல் பாண்டியா இருவரும் இணைந்து சிறப்பாக விளையாடினர். விராட் கோலி 51 ரன்கள் எடுத்தார். பெங்களூரு அணி 18.3 ஓவர்கள் முடிவில் 4 விக்கெட் இழப்பிற்கு 165 ரன்கள் எடுத்து டெல்லி அணியை வீழ்த்தியது. சொந்த மண்ணில் டெல்லி அணியை வீழ்த்தி ராயல் சேலஞ்சர்ஸ் பெங்களூரு அணி அசத்தியுள்ளது.