என்எல்சி நிர்வாகத்துக்கும் ஒப்பந்த தொழிலாளர்களுக்கும்  இடையே உள்ள பிரச்னைக்கு தீர்வு காண 6 மாதங்களில் உயர்மட்டக் குழுவை அமைக்குமாறு மத்திய அரசுக்கு சென்னை உயர்நீதிமன்றம்  உத்தரவிட்டுள்ளது. 

என்எல்சி நிறுவனத்தில் பணி நிரந்தரம் உள்ளிட்ட 16 அம்ச கோரிக்கைகளை வலியுறுத்தி ஒப்பந்த தொழிலாளர்கள் சங்கம் சார்பில் வேலை நிறுத்த போராட்டத்துக்கு அழைப்பு விடுக்கப்பட்டது. இந்நிலையில், அப்போராட்டத்திற்கு தடை விதிக்க கோரி என்எல்சி நிறுவனம் சார்பில் தொடரப்பட்ட வழக்கு, சென்னை உயர்நீதிமன்றத்தில் நீதிபதி என்.செந்தில்குமார் முன்பு மீண்டும் விசாரணைக்கு வந்தது.

அப்போது நிர்வாகத்திற்கும் தொழிலாளர்களுக்கும் இடையிலான பிரச்னைகளை விசாரிக்க தீர்ப்பாயம் மற்றும் தொழிலாளர் நல நீதிமன்றங்கள் இருக்கும்போது, வேலை நிறுத்தத்திற்கு தடை விதிக்க கோரி உயர்நீதிமன்றத்தில் தாக்கல் செய்யப்படும் மனுவை விசாரிக்க இயலாது என நீதிபதி திட்டவட்டமாக தெரிவித்தார்.

இந்த விவகாரம் தொடர்பாக, மத்திய தொழிற் தீர்ப்பாயத்தில் நிலுவையில் உள்ள வழக்கை விரைந்து விசாரித்து முடிக்க வேண்டும் எனவும் உத்தரவு பிறப்பித்தார். அத்துடன் என்எல்சி நிர்வாகம் மற்றும்  ஒப்பந்த தொழிலாளர்கள் இடையேயான பிரச்னைக்கு தீர்வு காணும் வகையில் மத்திய அரசு 6 மாதங்களில் உயர்மட்டக் குழுவை அமைக்க வேண்டும் எனவும்

மேலும் படிக்க: மக்களை தேடி மருத்துவம் திட்டத்திற்கு உலக அங்கீகாரம்! திட்டம் படைத்த சாதனை இதுதான்!

அந்த குழுவில், மத்திய தொழிலாளர் நலத்துறை மற்றும் நிலக்கரி அமைச்சகத்தை சேர்ந்த அதிகாரிகள், என்எல்சி துணை பொது மேலாளர், கடலூர் மாவட்ட ஆட்சியர் மற்றும் பதிவு செய்யப்பட்ட தொழிற்சங்க பிரதிநிதிகள் இடம்பெற வேண்டும் எனவும் உத்தரவிட்டு வழக்கை முடித்து வைத்தார்.