LIVE 24 X 7
கர்நாடக முதல்வர் பதவி தொடர்பாகத் தங்களுக்குள் எந்தக் குழப்பமும் இல்லை என்றும், கட்சி மேலிடம் எடுக்கும் முடிவே இறுதியானது என்றும் முதல்வர் சித்தராமையா மற்றும் துணை முதல்வர் டி.கே. சிவகுமார் இருவரும் இணைந்து கூட்டாக அறிவித்துள்ளனர். முதல்வர் சித்தராமையாவின் இல்லத்தில் இன்று காலை நடைபெற்ற காலை உணவுடனான ஆலோசனைக் கூட்டத்திற்குப் பிறகு இருவரும் செய்தியாளர்களைச் சந்தித்தனர்.
சித்தராமையா அளித்த விளக்கம்
காலை உணவுடன் டி.கே. சிவகுமாருடன் இன்று ஒரு சிறிய கலந்துரையாடல் நடத்தியதாகத் தெரிவித்த சித்தராமையா, "கட்சி மேலிடத்தின் அறிவுறுத்தலின் பேரில் இது நடந்தது. முதல்வர் பதவி தொடர்பாக எழுந்துள்ள குழப்பத்தைப் போக்க கட்சி மேலிடம் இருவருக்கும் அறிவுரை வழங்கி உள்ளது. இப்போது எந்தக் குழப்பமும் இல்லை. எதிர்காலத்திலும் குழப்பம் இருக்காது. முதல்வர் பதவியைப் பொறுத்தவரை, கட்சி மேலிடம் எடுக்கும் முடிவுக்குக் கட்டுப்பட நானும் டி.கே. சிவகுமாரும் முடிவு செய்துள்ளோம். அமைச்சர்களோ அல்லது எம்எல்ஏக்களோ எங்கள் அரசாங்கத்துக்கு எதிரானவர்கள் அல்ல" என்று கூறினார்.
"அமைச்சரவை மாற்றம் தொடர்பாக சில எம்எல்ஏக்கள் டெல்லி சென்றிருக்கலாம். அதை வேறுவிதமாகப் பார்க்க வேண்டிய அவசியம் இல்லை. 2028-ல் நடைபெற உள்ள சட்டமன்றத் தேர்தல் மற்றும் உள்ளாட்சித் தேர்தலில் மீண்டும் காங்கிரஸ் கட்சியை வெற்றிப் பாதைக்கு இட்டுச் செல்வது குறித்து நானும் சிவகுமாரும் இன்று ஆலோசித்தோம். 2023 தேர்தலில் நாங்கள் ஒன்றாக இணைந்து பணியாற்றியது போல மீண்டும் இணைந்து பணியாற்ற முடிவு செய்துள்ளோம். எங்களுக்குள் எந்த வேறுபாடுகளும் இல்லை. இப்போதும் இல்லை. எதிர்காலத்திலும் இருக்காது.
முதல்வர் பதவி குறித்த குழப்பங்களுக்கு ஊடகங்களே காரணம். பா.ஜ.க.வும் ஜே.டி.யூ.வும் நம்பிக்கையில்லா தீர்மானம் கொண்டுவரப் போவதாகச் செய்திகள் வெளியாகி உள்ளன. எங்கள் அரசாங்கம் உறுதியாக உள்ளது. எங்களிடம் 142 பேர் உள்ளனர். அவர்கள் வசம் 82 பேர் மட்டுமே உள்ளனர். நம்பிக்கையில்லா தீர்மானம் கொண்டு வர முயன்றால் அது ஒரு தோல்வியுறும் முயற்சியாகவே இருக்கும்" என்று அவர் தெரிவித்தார்.
துணை முதல்வர் டி.கே. சிவகுமாரின் கருத்து
தொடர்ந்து பேசிய துணை முதல்வர் டி.கே. சிவகுமார், "கட்சி மேலிடத்தின் கட்டளைக்கு நாங்கள் கட்டுப்படுவோம். இன்று நானும் முதல்வரும் காலை உணவுக் கூட்டத்தை நடத்தினோம். அடுத்த சில நாட்களில் முதல்வர் எனது வீட்டுக்கு மதிய உணவு அல்லது இரவு உணவுக்கு வருவார். நாங்கள் ஒன்றாக இணைந்து வேலை செய்துள்ளோம். தொண்டர்கள் எங்களுக்கு ஆதரவாக இருந்துள்ளனர். தேர்தலில் கர்நாடக மக்கள் எங்களுக்கு மிகப் பெரிய உத்தரவை வழங்கியுள்ளனர். மக்களுக்கு அளித்துள்ள வாக்குறுதிகள் ஒவ்வொன்றையும் நிறைவேற்றுவது எங்கள் கடமை. நல்லாட்சியை வழங்குவதே எங்களின் நோக்கம்.
2028 சட்டப்பேரவைத் தேர்தல் மற்றும் குளிர்காலக் கூட்டத்தொடர் குறித்து நாங்கள் இருவரும் ஆலோசித்தோம். எதிர்க்கட்சிகளை சமாளிக்கவும் பதிலளிக்கவும் நாங்கள் முழுமையாகத் தயாராக உள்ளோம். முதல்வர் பதவியைப் பொறுத்தவரை கட்சி மேலிடத்தின் முடிவுக்கு ஏற்ப நாங்கள் செயல்படுவோம். நாங்கள் எப்போதும் கட்சிக்கு விசுவாசமானவர்களாக இருந்துள்ளோம். 2028-ல் நாங்கள் மீண்டும் ஆட்சி அமைப்போம்" என்று தெரிவித்தார்.
சித்தராமையா அளித்த விளக்கம்
காலை உணவுடன் டி.கே. சிவகுமாருடன் இன்று ஒரு சிறிய கலந்துரையாடல் நடத்தியதாகத் தெரிவித்த சித்தராமையா, "கட்சி மேலிடத்தின் அறிவுறுத்தலின் பேரில் இது நடந்தது. முதல்வர் பதவி தொடர்பாக எழுந்துள்ள குழப்பத்தைப் போக்க கட்சி மேலிடம் இருவருக்கும் அறிவுரை வழங்கி உள்ளது. இப்போது எந்தக் குழப்பமும் இல்லை. எதிர்காலத்திலும் குழப்பம் இருக்காது. முதல்வர் பதவியைப் பொறுத்தவரை, கட்சி மேலிடம் எடுக்கும் முடிவுக்குக் கட்டுப்பட நானும் டி.கே. சிவகுமாரும் முடிவு செய்துள்ளோம். அமைச்சர்களோ அல்லது எம்எல்ஏக்களோ எங்கள் அரசாங்கத்துக்கு எதிரானவர்கள் அல்ல" என்று கூறினார்.
"அமைச்சரவை மாற்றம் தொடர்பாக சில எம்எல்ஏக்கள் டெல்லி சென்றிருக்கலாம். அதை வேறுவிதமாகப் பார்க்க வேண்டிய அவசியம் இல்லை. 2028-ல் நடைபெற உள்ள சட்டமன்றத் தேர்தல் மற்றும் உள்ளாட்சித் தேர்தலில் மீண்டும் காங்கிரஸ் கட்சியை வெற்றிப் பாதைக்கு இட்டுச் செல்வது குறித்து நானும் சிவகுமாரும் இன்று ஆலோசித்தோம். 2023 தேர்தலில் நாங்கள் ஒன்றாக இணைந்து பணியாற்றியது போல மீண்டும் இணைந்து பணியாற்ற முடிவு செய்துள்ளோம். எங்களுக்குள் எந்த வேறுபாடுகளும் இல்லை. இப்போதும் இல்லை. எதிர்காலத்திலும் இருக்காது.
முதல்வர் பதவி குறித்த குழப்பங்களுக்கு ஊடகங்களே காரணம். பா.ஜ.க.வும் ஜே.டி.யூ.வும் நம்பிக்கையில்லா தீர்மானம் கொண்டுவரப் போவதாகச் செய்திகள் வெளியாகி உள்ளன. எங்கள் அரசாங்கம் உறுதியாக உள்ளது. எங்களிடம் 142 பேர் உள்ளனர். அவர்கள் வசம் 82 பேர் மட்டுமே உள்ளனர். நம்பிக்கையில்லா தீர்மானம் கொண்டு வர முயன்றால் அது ஒரு தோல்வியுறும் முயற்சியாகவே இருக்கும்" என்று அவர் தெரிவித்தார்.
துணை முதல்வர் டி.கே. சிவகுமாரின் கருத்து
தொடர்ந்து பேசிய துணை முதல்வர் டி.கே. சிவகுமார், "கட்சி மேலிடத்தின் கட்டளைக்கு நாங்கள் கட்டுப்படுவோம். இன்று நானும் முதல்வரும் காலை உணவுக் கூட்டத்தை நடத்தினோம். அடுத்த சில நாட்களில் முதல்வர் எனது வீட்டுக்கு மதிய உணவு அல்லது இரவு உணவுக்கு வருவார். நாங்கள் ஒன்றாக இணைந்து வேலை செய்துள்ளோம். தொண்டர்கள் எங்களுக்கு ஆதரவாக இருந்துள்ளனர். தேர்தலில் கர்நாடக மக்கள் எங்களுக்கு மிகப் பெரிய உத்தரவை வழங்கியுள்ளனர். மக்களுக்கு அளித்துள்ள வாக்குறுதிகள் ஒவ்வொன்றையும் நிறைவேற்றுவது எங்கள் கடமை. நல்லாட்சியை வழங்குவதே எங்களின் நோக்கம்.
2028 சட்டப்பேரவைத் தேர்தல் மற்றும் குளிர்காலக் கூட்டத்தொடர் குறித்து நாங்கள் இருவரும் ஆலோசித்தோம். எதிர்க்கட்சிகளை சமாளிக்கவும் பதிலளிக்கவும் நாங்கள் முழுமையாகத் தயாராக உள்ளோம். முதல்வர் பதவியைப் பொறுத்தவரை கட்சி மேலிடத்தின் முடிவுக்கு ஏற்ப நாங்கள் செயல்படுவோம். நாங்கள் எப்போதும் கட்சிக்கு விசுவாசமானவர்களாக இருந்துள்ளோம். 2028-ல் நாங்கள் மீண்டும் ஆட்சி அமைப்போம்" என்று தெரிவித்தார்.
