தங்கம் விலை

தங்கத்தின் விலை சமீப காலமாக தொடர் உச்சத்தை தொட்டது. 68 ஆயிரத்தை கடந்து விற்பனை செய்யப்பட்டு வந்தது. இந்த நிலையில் கடந்த சனிக்கிழமை சவரனுக்கு ரூ.720 குறைந்து ரூ.66,480க்கு விற்பனை செய்யப்பட்டது. அதேபோல் கிராமுக்கு ரூ.25 குறைந்து ரூ.8,285க்கு விற்பனையானது.

இந்தியா உள்ளிட்ட நாடுகளுக்கு அமெரிக்க அதிபர் டொனால்ட் டிரம்ப் வரி விதித்ததை தொடர்ந்து, உலகளவில் தங்கம் விலை குறையத் தொடங்கியது. கடந்த 3ம் தேதி இதுவரை இல்லாத அளவுக்கு தங்கம் புதிய உச்சத்தை தொட்டது. குறிப்பாக ஒரு சவரன் ரூ.68,480க்கு விற்பனையானது. அதைத்தொடர்ந்து ஏப்.4ல் சவரனுக்கு ரூ.1,280 குறைந்தது.

விலை சரிவு

இதன்மூலம் தங்கம் விலை கடந்த 3 நாட்களில் சவரனுக்கு ரூ.2,200 குறைந்து விற்பனை செய்யப்படுகிறது. அமெரிக்க வரி விதிப்பால் தங்கத்தின் விலை இன்னும் குறையும் என எதிர்பார்க்கப்படுகிறது.

மேலும், வெள்ளி விலை கிராமுக்கு ரூ.1 குறைந்து ரூ.103-க்கும், ஒரு கிலோ வெள்ளி(கட்டி) ரூ.3,000 குறைந்து ரூ.1,03,000க்கும் விற்பனை செய்யப்படுகிறது.