LIVE 24 X 7
சட்டமன்றத் தேர்தல் நெருங்கி வரும் சூழலில், யாருடன் கூட்டணி என்பது தொடர்பாக, ஓ.பன்னீர்செல்வம் தனது ஆதரவாளர்களுடன் தேனி மாவட்டம் பெரியகுளம் கைலாசப்பட்டியில் ஆலோசனை நடத்தினார். இந்த கூட்டத்திற்குப் பிறகு, அதிமுக-வின் ஒற்றை இலக்கு 'இணைப்பு' மட்டுமே என்று அவர் தெரிவித்துள்ளார்.
தொண்டர்கள் உரிமை மீட்புப் போராட்டம்
செய்தியாளர்களிடம் பேசிய ஓபிஎஸ், "அதிமுக என்பது தொண்டர்களுக்கான இயக்கம். அந்த அடிப்படை உரிமையை மீட்கவே நாங்கள் நீதிமன்றப் போராட்டத்தை நடத்தி வருகிறோம். கடந்த நாடாளுமன்றத் தேர்தலில் ராமநாதபுரத்தில் நான் போட்டியிட்டது, எங்களுடன் எத்தனை தொண்டர்கள் இருக்கிறார்கள் என்பதைக் காட்டத்தான். அங்கு எனக்கு எதிராக 6 ஓ.பன்னீர்செல்வங்களை நிறுத்தி சதி செய்தார்கள். ஆனால், அந்தச் சூழ்ச்சிகளை முறியடித்து அதிமுக-வின் அடிப்படை உரிமையை மீட்டெடுப்பதே எங்களின் நோக்கம்" என்று தெரிவித்தார்.
"இணைந்தால் வெற்றி நிச்சயம்"
தொடர்ந்து பேசிய அவர், "அதிமுக வெற்றி பெற வேண்டும் என்று எடப்பாடி பழனிசாமியும், டி.டி.வி.தினகரனும் தற்போது பேசி வருகின்றனர். ஒரு காலத்தில் எதிரும் புதிருமாக இருந்தவர்களே இன்று இணைந்திருக்கும்போது, எங்களையும் ஏன் இணைக்கக் கூடாது? அனைவரும் ஒன்றாக இணைந்தால், தேசிய ஜனநாயகக் கூட்டணி மாபெரும் வெற்றியைப் பெறும். அதிமுக-வை யாராலும் வெல்ல முடியாத இயக்கமாக ஜெயலலிதா உருவாக்கினார்; அதனை மீண்டும் மீட்டெடுக்க வேண்டும் என்பதே எங்களின் தலையாய கோரிக்கை" என்றார்.
நிர்வாகிகளின் 'மனதின் குரல்'
கூட்டத்தில் நிர்வாகிகளிடம் அவர்களின் கருத்துகளை எழுதித் தரச் சொன்னதால் சிறு சலசலப்பு ஏற்பட்டதாகக் கூறப்பட்ட நிலையில், அதற்கு ஓபிஎஸ் விளக்கம் அளித்தார். "நிர்வாகிகளின் மனதின் குரலை அறியவே அப்படிச் சொன்னேன். அதிமுக ஒன்றாக இணைய வேண்டும் என்பதுதான் அனைவரின் விருப்பமாக உள்ளது. தொண்டர்களின் குரலாகவே நான் என்றும் ஒலிப்பேன்" என்று அவர் தெரிவித்தார்.
எங்களை சேர்ந்துகொள்ள தயாரா?
இறுதியாக செய்தியாளர்களிடம் பேசிய ஓ.பன்னீர்செல்வம், "தேர்தலில் போட்டியிடுவதற்காக மட்டும் இந்த இயக்கம் தொடங்கப்படவில்லை; சிதறிக் கிடக்கும் அதிமுக-வை ஒருங்கிணைப்பதே எங்களின் இலக்கு. கட்சியில் இணைய நான் தயாராகவே இருக்கிறேன். இதற்கு டி.டி.வி.தினகரனும், எடப்பாடி பழனிசாமியும் தயாரா?" என்ற கேள்வியையும் முன்வைத்தார்.
தொண்டர்கள் உரிமை மீட்புப் போராட்டம்
செய்தியாளர்களிடம் பேசிய ஓபிஎஸ், "அதிமுக என்பது தொண்டர்களுக்கான இயக்கம். அந்த அடிப்படை உரிமையை மீட்கவே நாங்கள் நீதிமன்றப் போராட்டத்தை நடத்தி வருகிறோம். கடந்த நாடாளுமன்றத் தேர்தலில் ராமநாதபுரத்தில் நான் போட்டியிட்டது, எங்களுடன் எத்தனை தொண்டர்கள் இருக்கிறார்கள் என்பதைக் காட்டத்தான். அங்கு எனக்கு எதிராக 6 ஓ.பன்னீர்செல்வங்களை நிறுத்தி சதி செய்தார்கள். ஆனால், அந்தச் சூழ்ச்சிகளை முறியடித்து அதிமுக-வின் அடிப்படை உரிமையை மீட்டெடுப்பதே எங்களின் நோக்கம்" என்று தெரிவித்தார்.
"இணைந்தால் வெற்றி நிச்சயம்"
தொடர்ந்து பேசிய அவர், "அதிமுக வெற்றி பெற வேண்டும் என்று எடப்பாடி பழனிசாமியும், டி.டி.வி.தினகரனும் தற்போது பேசி வருகின்றனர். ஒரு காலத்தில் எதிரும் புதிருமாக இருந்தவர்களே இன்று இணைந்திருக்கும்போது, எங்களையும் ஏன் இணைக்கக் கூடாது? அனைவரும் ஒன்றாக இணைந்தால், தேசிய ஜனநாயகக் கூட்டணி மாபெரும் வெற்றியைப் பெறும். அதிமுக-வை யாராலும் வெல்ல முடியாத இயக்கமாக ஜெயலலிதா உருவாக்கினார்; அதனை மீண்டும் மீட்டெடுக்க வேண்டும் என்பதே எங்களின் தலையாய கோரிக்கை" என்றார்.
நிர்வாகிகளின் 'மனதின் குரல்'
கூட்டத்தில் நிர்வாகிகளிடம் அவர்களின் கருத்துகளை எழுதித் தரச் சொன்னதால் சிறு சலசலப்பு ஏற்பட்டதாகக் கூறப்பட்ட நிலையில், அதற்கு ஓபிஎஸ் விளக்கம் அளித்தார். "நிர்வாகிகளின் மனதின் குரலை அறியவே அப்படிச் சொன்னேன். அதிமுக ஒன்றாக இணைய வேண்டும் என்பதுதான் அனைவரின் விருப்பமாக உள்ளது. தொண்டர்களின் குரலாகவே நான் என்றும் ஒலிப்பேன்" என்று அவர் தெரிவித்தார்.
எங்களை சேர்ந்துகொள்ள தயாரா?
இறுதியாக செய்தியாளர்களிடம் பேசிய ஓ.பன்னீர்செல்வம், "தேர்தலில் போட்டியிடுவதற்காக மட்டும் இந்த இயக்கம் தொடங்கப்படவில்லை; சிதறிக் கிடக்கும் அதிமுக-வை ஒருங்கிணைப்பதே எங்களின் இலக்கு. கட்சியில் இணைய நான் தயாராகவே இருக்கிறேன். இதற்கு டி.டி.வி.தினகரனும், எடப்பாடி பழனிசாமியும் தயாரா?" என்ற கேள்வியையும் முன்வைத்தார்.
