மகாராஷ்டிரா மாநிலம் புனே ஷிரூர் பகுதியைச் சேர்ந்த 19 வயது இளம்பெண் ஒருவர் தனது ஆண் உறவினர் ஒருவருடன் வீட்டின் அருகே உள்ள ஒரு மறைவான இடத்தில் அமர்ந்து பேசிகொண்டிருந்ததாக கூறப்படுகிறது. அப்போது அங்கு இருசக்கர வாகனத்தில் வந்த இரண்டு மர்ம நபர்கள் அவர்கள் இருவரையும் செல்போனில் வீடியோ எடுத்துள்ளனர்.

இதை பார்த்து அதிர்ச்சியடைந்த அந்த இளம்பெண் ஏன் எங்களை வீடியோ எடுக்கிறீர்கள்? என்று கேட்டுள்ளார். அதற்கு அந்த மர்ம நபர்கள், அந்த இளம் பெண் மற்றும் உறவினரை கத்தியை காட்டி மிரட்டி அவர்களை நெருக்கமாக இருக்க சொல்லி கட்டாயப்படுத்தி உள்ளனர். மேலும், அவர்கள் நெருக்கமாக இருந்ததை தங்களது செல்போனில் வீடியோ எடுத்து உறவினர்களுக்கு அனுப்பி விடுவோம் என மிரட்டியுள்ளனர்.

தொடர்ந்து அப்பெண்ணின் உறவினரை அங்கிருந்து அடித்து விரட்டி விட்டு அந்த இளம் பெண்ணை இருவரும் பாலியல் வன்கொடுமை செய்துள்ளனர். பின்னர் அந்த பெண் அணிந்திருந்த மூக்குத்தி, கம்மல், செயின் ஆகியவற்றை பறித்துக் கொண்டு அந்த இடத்தில் இருந்து தப்பி சென்றுள்ளனர்.

மேலும்: நடிகை ராஷ்மிகாவுக்கு பாடம் கற்பிக்க வேண்டாமா? காங்கிரஸ் எம்.எல்.ஏ ஆவேசம்

இதனால் செய்வதறியாமல் தவித்த அந்த இளம்பெண் 112 என்ற எண்ணிற்கு போன் செய்து கட்டுப்பாட்டு அறைக்கு தகவல் தெரிவித்துள்ளார். தகவலறிந்து சம்பவ இடத்திற்கு விரைந்து வந்த ரஞ்சன்கான் போலீசார் இச்சம்பவம் தொடர்பாக விசாரணை மேற்கொண்டுள்ளனர். அதுமட்டுமல்லாமல், பாதிக்கப்பட்ட இளம்பெண் கூறிய அங்கு அடையாளங்களை வைத்து அந்த இரண்டு மர்ம நபர்களையும் சில மணி நேரங்களில் கைது செய்த போலீசார் அப்பெண்ணியிடம் இருந்து பறிந்து சென்ற நகைகளை பறிமுதல் செய்து இருவரையும் மார்ச் 7-ஆம் தேதி வரை நீதிமன்ற காவலில் வைத்துள்ளனர்.

கடந்த வாரம் புனே பேருந்து நிலையத்தில் பேருந்திற்காக காத்திருந்த இளம்பெண்ணை அரசு பேருந்திற்குள் வைத்தே இளைஞர் ஒருவர் பாலியல் வன்கொடுமை செய்த சம்பவம் பெரும் பரபரப்பை ஏற்படுத்தியிருந்த நிலையில் மீண்டும் உறவினர் ஒருவருடன் பேசிக்கொண்டிருந்த இளம்பெண் பாலியல் வன்கொடுமை செய்யப்பட்டுள்ள சம்பவம் அதிர்ச்சியை ஏற்படுத்தியுள்ளது.