தமிழ் திரையுலகின் முன்னணி நடிகரான அஜித், துப்பாக்கிச் சுடுதல், கார் மற்றும் பைக் ரேஸில் அதிக ஆர்வம் செலுத்தி வருகிறார். அண்மையில், துபாயில் நடைபெற்ற 24H சீரிஸ் கார் ரேஸில் நடிகர் அஜித்தின் அணி பங்கேற்றது. 24 மணிநேரம் நடைபெற்ற இந்த ரேஸில் தொடர்ச்சியாக காரினை ஓட்ட வேண்டும். ஒரு அணியில் மூன்று முதல் நான்கு ஓட்டுநர்கள் இருப்பார்கள். அவர்கள் தலா 6 மணி நேரம் என்ற கணக்கில் 24 மணி நேரம் காரினை ஓட்ட வேண்டும்.

இந்த போட்டியில் அஜித்தின் ரேஸிங் அணி 3-ஆவது இடம் பிடித்து சாதனை படைத்தது. இவர்களுக்கு பலரும் தங்களது வாழ்த்துகளை தெரிவித்தனர், இந்நிலையில், தற்போது பெல்ஜியத்தில் நடைபெற்ற கார் ரேஸில் நடிகர் அஜித் பங்கேற்ற அணி இரண்டாவது இடத்தை பிடித்து அசதியுள்ளது.

இதுகுறித்து அவரது மேலாளர் சுரேஷ் சந்திரா வெளியிட்டுள்ள சமூக வலைதளப் பதிவில், “இந்திய மோட்டார் ஸ்போர்ட்டிற்கு ஒரு பெருமையான தருணம்! பெல்ஜியத்தில் உள்ள மதிப்புமிக்க ஸ்பா ஃபிராங்கோர்சாம்ப்ஸ் சர்க்யூட்டில் அஜித்குமார் மற்றும் அவரது குழுவினர் குறிப்பிடத்தக்க P2 போடியம் ஃபினிஷிங்கைப் பெற்றனர். உலகளாவிய பந்தய மேடையில் ஆர்வம், துல்லியம் மற்றும் விடாமுயற்சிக்கு இது ஒரு சான்று' என குறிப்பிட்டுள்ளார்.

ஆதிக் ரவிச்சந்திரன் இயக்கத்தில் அஜித் நடிப்பில் சமீபத்தில் வெளியான ‘குட் பேட் அக்லி’ திரைப்படம் ரசிகர்கள் மத்தியில் நல்ல வரவேற்பை பெற்று வருவது குறிப்பிடத்தக்கது.

A proud moment for Indian motorsport!#AjithKumar and his team secure a remarkable P2 podium finish at the prestigious Spa Francorchamps circuit in Belgium. A testament to passion, precision, and perseverance on the global racing stage.#AjithKumar #AjithKumarRacing #AKRacing…

— Suresh Chandra (@SureshChandraa) April 20, 2025