LIVE 24 X 7
கஜகஸ்தான் நாட்டில் நடைபெற்ற உலக 'கேடட்' செஸ் சாம்பியன்ஷிப் தொடரின் 10 வயதுக்குட்பட்ட பெண்கள் பிரிவில் சாம்பியன் பட்டம் வென்று தமிழகத்திற்குப் பெருமை சேர்த்த இளம் வீராங்கனை ஷர்வானிகாவுக்கு, இன்று சென்னை விமான நிலையத்தில் தமிழ்நாடு விளையாட்டு மேம்பாட்டு ஆணையம் சார்பில் உற்சாக வரவேற்பு அளிக்கப்பட்டது.
ஷர்வானிகாவின் உலக சாதனை
கஜகஸ்தான் நாட்டின் அல்மாட்டியில் சர்வதேச செஸ் கூட்டமைப்பு (FIDE) சார்பில் நடைபெற்ற 'வளர்ந்து வரும் நட்சத்திரங்களுக்கான' உலக 'கேடட்' சாம்பியன்ஷிப் தொடரில், அரியலூரைச் சேர்ந்த இளம் வீராங்கனை ஷர்வானிகா சாம்பியன் பட்டத்தை வென்று அசத்தினார்.
கஜகஸ்தானிலிருந்து டெல்லி வழியாகத் தாயகம் திரும்பிய ஷர்வானிகாவை, தமிழ்நாடு விளையாட்டு மேம்பாட்டு ஆணைய அதிகாரிகள் மற்றும் உறவினர்கள் பூங்கொத்து கொடுத்து வரவேற்று தங்கள் மகிழ்ச்சியைத் தெரிவித்தனர்.
முதலமைச்சருக்கும், துணை முதலமைச்சருக்கும் நன்றி
விமான நிலையத்தில் செய்தியாளர்களைச் சந்தித்த ஷர்வானிகா, தனது வெற்றி குறித்துப் பேசும்போது, "கஜகஸ்தான் நாட்டில் நடைபெற்ற செஸ் போட்டியில் வெற்றி பெற்றது மிகவும் மகிழ்ச்சி அளிக்கிறது. தொடர்ந்து என்னை உற்சாகப்படுத்தி வரும் தமிழ்நாடு முதலமைச்சர் மற்றும் துணை முதலமைச்சருக்கு என்னுடைய மனமார்ந்த நன்றிகளைத் தெரிவித்துக் கொள்கிறேன்" என்று கூறினார். மேலும், செஸ் விளையாட்டில் இன்னும் பெரிய உயரத்தை எட்டுவதே தனது லட்சியம் என்றும் அவர் நம்பிக்கை தெரிவித்தார்.
தமிழக அரசின் ஆதரவுக்குப் பாராட்டு
மகளின் வெற்றிக்குப் பின்னால் உள்ள உந்துதல் குறித்துப் பேசிய அவரது தாய் அன்புரோஜா, தமிழக அரசின் ஆதரவைப் பெரிதும் பாராட்டினார். துணை முதலமைச்சர் விளையாட்டு வீரர்களுக்குத் தொடர்ந்து ஆதரவளித்து வருகிறார். அதுதான் இந்தத் தொடர் வெற்றிக்குக் காரணமாக உள்ளது. தமிழ்நாட்டில் விளையாட்டுத் துறை பெரிய அளவில் வளர்ச்சி அடைந்து வருகிறது.
தமிழ்நாடு அரசு மிகப்பெரிய அளவில் ஆதரவு கொடுப்பதால், இலக்கை எளிதாக அடைய முடிகிறது என்று அவர் கூறினார். மேலும், ஷர்வானிகாவின் அண்ணனைக் கண்டுதான் கொரோனா காலத்தில் விளையாட ஆரம்பித்த ஷர்வானிகா இன்று உலக சாம்பியன்ஷிப் பட்டத்தை வென்றுள்ளதாக அவர் பெருமிதத்துடன் தெரிவித்தார்.
ஷர்வானிகாவின் உலக சாதனை
கஜகஸ்தான் நாட்டின் அல்மாட்டியில் சர்வதேச செஸ் கூட்டமைப்பு (FIDE) சார்பில் நடைபெற்ற 'வளர்ந்து வரும் நட்சத்திரங்களுக்கான' உலக 'கேடட்' சாம்பியன்ஷிப் தொடரில், அரியலூரைச் சேர்ந்த இளம் வீராங்கனை ஷர்வானிகா சாம்பியன் பட்டத்தை வென்று அசத்தினார்.
கஜகஸ்தானிலிருந்து டெல்லி வழியாகத் தாயகம் திரும்பிய ஷர்வானிகாவை, தமிழ்நாடு விளையாட்டு மேம்பாட்டு ஆணைய அதிகாரிகள் மற்றும் உறவினர்கள் பூங்கொத்து கொடுத்து வரவேற்று தங்கள் மகிழ்ச்சியைத் தெரிவித்தனர்.
முதலமைச்சருக்கும், துணை முதலமைச்சருக்கும் நன்றி
விமான நிலையத்தில் செய்தியாளர்களைச் சந்தித்த ஷர்வானிகா, தனது வெற்றி குறித்துப் பேசும்போது, "கஜகஸ்தான் நாட்டில் நடைபெற்ற செஸ் போட்டியில் வெற்றி பெற்றது மிகவும் மகிழ்ச்சி அளிக்கிறது. தொடர்ந்து என்னை உற்சாகப்படுத்தி வரும் தமிழ்நாடு முதலமைச்சர் மற்றும் துணை முதலமைச்சருக்கு என்னுடைய மனமார்ந்த நன்றிகளைத் தெரிவித்துக் கொள்கிறேன்" என்று கூறினார். மேலும், செஸ் விளையாட்டில் இன்னும் பெரிய உயரத்தை எட்டுவதே தனது லட்சியம் என்றும் அவர் நம்பிக்கை தெரிவித்தார்.
தமிழக அரசின் ஆதரவுக்குப் பாராட்டு
மகளின் வெற்றிக்குப் பின்னால் உள்ள உந்துதல் குறித்துப் பேசிய அவரது தாய் அன்புரோஜா, தமிழக அரசின் ஆதரவைப் பெரிதும் பாராட்டினார். துணை முதலமைச்சர் விளையாட்டு வீரர்களுக்குத் தொடர்ந்து ஆதரவளித்து வருகிறார். அதுதான் இந்தத் தொடர் வெற்றிக்குக் காரணமாக உள்ளது. தமிழ்நாட்டில் விளையாட்டுத் துறை பெரிய அளவில் வளர்ச்சி அடைந்து வருகிறது.
தமிழ்நாடு அரசு மிகப்பெரிய அளவில் ஆதரவு கொடுப்பதால், இலக்கை எளிதாக அடைய முடிகிறது என்று அவர் கூறினார். மேலும், ஷர்வானிகாவின் அண்ணனைக் கண்டுதான் கொரோனா காலத்தில் விளையாட ஆரம்பித்த ஷர்வானிகா இன்று உலக சாம்பியன்ஷிப் பட்டத்தை வென்றுள்ளதாக அவர் பெருமிதத்துடன் தெரிவித்தார்.
