நகை பிரியர்களுக்கு ஷாக் நியூஸ்.. தங்கம் விலை அதிரடி உயர்வு!

தொடர்ந்து ஏற்ற இறக்கத்தைக் கண்டு வரும் தங்கம் விலை, இன்று மீண்டும் உயர்ந்துள்ளது. இன்று ஒரே நாளில் சவரனுக்கு ரூ.800 அதிகரித்து ரூ.92,000-க்கு விற்பனை செய்யப்படுகிறது. வெள்ளி விலையும் கணிசமாக உயர்ந்துள்ளது.

கடந்த மாத விலை நிலவரம்

கடந்த அக்டோபர் 17-ஆம் தேதி ஒரு கிராம் தங்கம் ரூ.12,200-க்கும், ஒரு சவரன் ரூ.97,600-க்கும் விற்பனை செய்யப்பட்டது. இதுவே இதுவரை இல்லாத உச்சபட்ச விலையாகப் பார்க்கப்பட்டது. அதன் பின்னர் விலை குறையத் தொடங்கி, கடந்த அக்டோபர் 28-ஆம் தேதி ஒரு சவரன் ரூ.89,000-க்குக் கீழ் வந்தது. அதனையடுத்துத் தங்கம் விலையில் ஏற்ற இறக்கமான நிலை நீடித்து வந்தது.

இன்றைய விலை விவரம்

தங்கம் விலை நேற்று (நவ.18) சவரனுக்கு ரூ.1,120 குறைந்து, ஒரு சவரன் ரூ.91,200-க்கும், ஒரு கிராம் ரூ.11,400-க்கும் விற்பனை செய்யப்பட்டது. இந்நிலையில், இன்று தங்கம் விலை மீண்டும் உயர்ந்துள்ளது.

இன்று ஆபரணத் தங்கம் விலை கிராமுக்கு ரூ.100 உயர்ந்து, ஒரு கிராம் ரூ.11,500-க்கு விற்பனை செய்யப்படுகிறது. சவரனுக்கு ரூ.800 உயர்ந்து, ஒரு சவரன் ரூ.92,000-க்கு விற்பனை செய்யப்படுகிறது.

வெள்ளி விலை நிலவரம்

தங்கத்தைப் போலவே, வெள்ளி விலையும் இன்று உயர்ந்துள்ளது. வெள்ளி கிராமுக்கு ரூ.3 உயர்ந்து, ஒரு கிராம் ரூ.173-க்கு விற்பனை செய்யப்படுகிறது. கிலோவுக்கு ரூ.3,000 உயர்ந்து, ஒரு கிலோ ரூ.1,73,000-க்கு விற்பனை செய்யப்படுகிறது.