தங்கம் விலை மீண்டும் சரிவு.. சவரனுக்கு ரூ.800 குறைவு!

தொடர்ந்து ஏற்ற இறக்கத்துடன் காணப்பட்ட தங்கம் விலை, நேற்று ஒரே நாளில் ரூ.1,600 உயர்ந்த நிலையில், இன்று ரூ.800 குறைந்துள்ளது. தங்கத்தை போலவே வெள்ளி விலையும் இன்று சரிந்துள்ளது.

தங்கத்தின் விலை ஏற்ற இறக்கம்

தங்கம் விலையில் ஏற்ற-இறக்கம் தொடர்ந்து நீடிக்கிறது. கடந்த 13-ஆம் தேதி வரை விலை அதிகரித்து வந்து, பின்னர் குறைந்து காணப்பட்டது. அதன்படி, நேற்று முன்தினம் (நவம்பர் 18) ஒரு சவரன் ரூ.91,200-க்கு விற்பனை ஆனது. இந்த நிலையில் நேற்று மீண்டும் விலை அதிகரித்து இருந்தது.

நேற்று காலையில் கிராமுக்கு ரூ.100-ம், சவரனுக்கு ரூ.800-ம், பிற்பகலில் அதேபோல் கிராமுக்கு ரூ.100-ம், சவரனுக்கு ரூ.800-ம் என மொத்தம் நேற்று ஒரே நாளில் கிராமுக்கு ரூ.200-ம், சவரனுக்கு ரூ.1,600-ம் அதிகரித்து, ஒரு கிராம் ரூ.11,600-க்கும், ஒரு சவரன் ரூ.92,800-க்கும் விற்பனை ஆனது.

இன்றைய விலை நிலவரம்

இந்நிலையில் சென்னையில் இன்று 22 கேரட் ஆபரணத் தங்கத்தின் விலை குறைந்துள்ளது. தங்கம் விலை கிராமுக்கு ரூ.100 குறைந்து, ஒரு கிராம் ரூ.11,500-க்கு விற்பனை செய்யப்படுகிறது. தங்கம் விலை சவரனுக்கு ரூ.800 குறைந்து, ஒரு சவரன் ரூ.92,000-க்கு விற்பனை செய்யப்படுகிறது.

வெள்ளி விலை நிலவரம்

வெள்ளி விலையும் இன்று குறைந்துள்ளது. வெள்ளி விலை கிராமுக்கு ரூ.3 குறைந்து, ஒரு கிராம் ரூ.173-க்கு விற்பனை செய்யப்படுகிறது. கிலோவுக்கு ரூ.3,000 குறைந்து, பார் வெள்ளி ஒரு கிலோ ரூ.1,73,000-க்கு விற்பனை செய்யப்படுகிறது.