காஞ்சிபுரம் மாவட்டம் வளர்ச்சி ஒருங்கிணைப்பு மற்றும் கண்காணிப்பு குழு கூட்டம் அதன் தலைவர் டிஆர்.பாலு எம்பி தலைமையில் காஞ்சிபுரம் மாவட்ட ஆட்சியர் அலுவலக வளாகத்தில் நடைபெற்றது. கூட்டத்தில் காஞ்சிபுரம் மாவட்டத்தில் நடைபெற்று வரும் பல்வேறு துறை வளர்ச்சி திட்ட பணிகள் மற்றும் அவற்றின் தற்போதைய நிலைகள் குறித்து துறை சார்ந்த அலுவலர்களிடம் கேட்டறிந்து ஆய்வு மேற்கொள்ளப்பட்டு வளர்ச்சி திட்ட பணிகளை திறம்பட முடிக்க ஆலோசனைகளை டிஆர். பாலு எம்பி அதிகாரிகளுக்கு வழங்கினார்.

இதனைத் தொடர்ந்து, நாடாளுமன்ற உறுப்பினர் டிஆர்.பாலு செய்தியாளர்களை சந்தித்தார். அப்போது பேசிய அவர்,

1974 ஆம் ஆண்டு சர்வதேச எல்லை வகுப்பு இந்தியா இலங்கை இடையே ஒப்பந்தம் செய்யும் பொழுது அது குறித்து நாடாளுமன்ற ஒப்புதல் பெற வேண்டும் என்பது விதி, ஆனால் அன்றைய ஆட்சியில் இருந்த திமுகவும் காங்கிரசும் மத்திய அமைச்சர் மற்றும் உறுப்பினர்கள் ஒப்புதல் இல்லாமல் இரு அதிகாரிகளை வைத்து ஒப்புதல் பெறப்பட்டுள்ளது, இதனை அமல்படுத்தும் போது 1976 ஆம் ஆண்டு திமுக ஆட்சி இல்லை, கச்சத்தீவு விவகாரத்தில் திமுகவிற்கும், காங்கிரஸ் கட்சிக்கும் சம்பந்தம் இல்லை என்று கூறினார்.

கச்சத்தீவு இலங்கைக்கு கொடுக்கப்பட்ட விவகாரத்தில் நாடாளுமன்றத்தில் விவாதிக்கப்படவில்லை, ஒப்பந்தத்தில் அமைச்சர்கள கையெழுத்திடவில்லை, அரசாங்கம் ஒத்துக் கொள்ளவில்லை அதில் இரண்டு அதிகாரிகள் மட்டுமே கையெழுத்து போட்டுள்ளார்கள். நிலத்திற்கு சொந்தக்காரர்கள் கையெழுத்திடாமல் தோட்டக்காரரும், வேலைக்காரரும் போன்ற அதிகாரிகள் இரண்டு பேர் கையெழுத்துப் போட்டால் எவ்வாறு செல்லுபடியாகும் என்று கேள்வி எழுப்பியுள்ளார்.

இதனை அனைத்து தரப்பு மக்களும் தெளிவு புரிந்து கொள்ள வேண்டும். மேலும், மத்திய நிதி அமைச்சர் நிர்மலா சீதாராமன் மகா புத்திசாலி அவரது பேச்சுக்கெல்லாம் பதில் சொல்லும் அளவிற்கு இல்லை, நாங்கள் எல்லாம் சாதாரணமானவர்கள் என செய்தியாளர்களிடம் தெரிவித்தார்.