LIVE 24 X 7
இந்தியாவில் சுற்றுப்பயணம் மேற்கொண்டுள்ள தென்ஆப்பிரிக்க கிரிக்கெட் அணிக்கு எதிரான 5 போட்டிகள் கொண்ட டி20 தொடரின் கடைசி ஆட்டம் இன்று குஜராத் மாநிலம் ஆமதாபாத்தில் உள்ள நரேந்திர மோடி மைதானத்தில் நடைபெறுகிறது. இதுவரை நடந்த நான்கு ஆட்டங்களில், இந்தியா 2-1 என்ற கணக்கில் முன்னிலை வகிப்பதால், தொடரை வெல்லும் முனைப்பில் உள்ளது.
போட்டியின் எதிர்பார்ப்பு
இந்தத் தொடரில் கட்டாக் மற்றும் தர்மசாலாவில் நடந்த ஆட்டங்களில் இந்தியாவும், சண்டிகாரில் நடந்த ஆட்டத்தில் தென்ஆப்பிரிக்காவும் வெற்றி பெற்றது. லக்னோவில் நடக்கவிருந்த நான்காவது ஆட்டம், கடுமையான பனிமூட்டம் காரணமாக 'டாஸ்' கூடப் போடப்படாமல் ரத்து செய்யப்பட்டது. இந்நிலையில், இவ்விரு அணிகளும் இந்த ஆண்டில் விளையாடப்போகும் கடைசி சர்வதேசப் போட்டி இது என்பதால், வெற்றியைத் தமதாக்க இரு அணிகளும் ஆர்வமாக உள்ளன.
இந்திய அணியின் பலம் - பலவீனம்
இந்திய அணியில் தொடக்க வீரர்கள் அபிஷேக் ஷர்மா, திலக் வர்மா மற்றும் ஹர்திக் பாண்ட்யா ஆகியோர் சிறப்பான ஃபார்மில் உள்ளனர். எனினும், அணியின் கேப்டன் சூர்யகுமார் ஃபார்மில் இல்லை. அவர் தனது கடைசி 21 இன்னிங்சில் ஒரு அரைசதம் கூட அடிக்கவில்லை. இந்த ஆட்டத்திலாவது அவர் நிலைத்து நிற்பார் என்பது எதிர்பார்ப்புக்குரியது. காயம் காரணமாக அவதிப்படும் துணை கேப்டன் சுப்மன் கில் ஆடுவது சந்தேகம் என்பதால், அவருக்குப் பதிலாக சஞ்சு சாம்சன் அணியில் இடம் பெற வாய்ப்புள்ளது. தனிப்பட்ட காரணங்களுக்காக முந்தைய ஆட்டத்தில் விலகிய வேகப்பந்து வீச்சாளர் ஜஸ்பிரித் பும்ரா அணிக்குத் திரும்பி விட்டார். வருண் சக்ரவர்த்தி, அர்ஷ்தீப்சிங் ஆகியோர் பந்துவீச்சில் மிரட்டத் தயாராக இருக்கிறார்கள்.
தென்ஆப்பிரிக்காவின் தடுமாற்றம் மற்றும் மைதான நிலவரம்
தென்ஆப்பிரிக்க அணியின் பேட்டிங் சீரற்றதாகவே காணப்படுகிறது. இரண்டாவது ஆட்டத்தில் 213 ரன்கள் குவித்த அந்த அணி, மற்ற இரண்டு ஆட்டங்களிலும் 120 ரன்களைக்கூடத் தாண்டவில்லை. இதனால், தவறுகளைத் திருத்திக்கொண்டு அதிக ரன் திரட்டுவதை அவர்கள் எதிர்நோக்கியுள்ளனர். இது பேட்டிங்கிற்கு உகந்த ஆடுகளம் என்பதால், இந்த ஆட்டத்தில் அதிக ரன்கள் எதிர்பார்க்கலாம்.
ஆமதாபாத் மைதானத்தில் இதுவரை நடந்த ஏழு டி20 போட்டிகளில் இந்திய அணி ஐந்து வெற்றிகளைப் பதிவு செய்துள்ளது. 2023-ஆம் ஆண்டு நியூசிலாந்துக்கு எதிராக 234 ரன்கள் குவித்தது இங்கு அதிகபட்ச ஸ்கோர் ஆகும்.
போட்டி நேரம் மற்றும் உத்தேச அணி
தொடரைக் கைப்பற்ற இந்தியாவும், சமன் செய்ய தென்ஆப்பிரிக்காவும் முனைப்புடன் இருப்பதால், இன்றைய ஆட்டத்தில் சுவாரஸ்யத்துக்குக் குறைவிருக்காது. இந்த ஆட்டம் இன்று இரவு 7 மணிக்குத் தொடங்குகிறது. இதனை ஸ்டார் ஸ்போர்ட்ஸ் சேனலில் நேரடி ஒளிபரப்பு செய்யப்படுகிறது.
உத்தேச இந்திய அணி: அபிஷேக் ஷர்மா, சுப்மன் கில் அல்லது சஞ்சு சாம்சன், சூர்யகுமார் யாதவ் (கேப்டன்), திலக் வர்மா, ஜிதேஷ் ஷர்மா, ஹர்திக் பாண்ட்யா, ஷிவம் துபே, ஹர்ஷித் ராணா அல்லது வாஷிங்டன் சுந்தர், அர்ஷ்தீப்சிங், ஜஸ்பிரித் பும்ரா, வருண் சக்ரவர்த்தி.
உத்தேச தென்ஆப்பிரிக்கா அணி: குயின்டான் டி காக், ரீஜா ஹென்ரிக்ஸ், எய்டன் மார்க்ரம் (கேப்டன்), டிவால்ட் பிரேவிஸ், டேவிட் மில்லர், டோனோவன் பெரேரா, மார்கோ யான்சென், கார்பின் பாஷ், ஜார்ஜ் லின்டே அல்லது கேஷவ் மகராஜ் அல்லது அன்ரிச் நோர்டியா, லுங்கி இங்கிடி, பார்த்மேன்.
போட்டியின் எதிர்பார்ப்பு
இந்தத் தொடரில் கட்டாக் மற்றும் தர்மசாலாவில் நடந்த ஆட்டங்களில் இந்தியாவும், சண்டிகாரில் நடந்த ஆட்டத்தில் தென்ஆப்பிரிக்காவும் வெற்றி பெற்றது. லக்னோவில் நடக்கவிருந்த நான்காவது ஆட்டம், கடுமையான பனிமூட்டம் காரணமாக 'டாஸ்' கூடப் போடப்படாமல் ரத்து செய்யப்பட்டது. இந்நிலையில், இவ்விரு அணிகளும் இந்த ஆண்டில் விளையாடப்போகும் கடைசி சர்வதேசப் போட்டி இது என்பதால், வெற்றியைத் தமதாக்க இரு அணிகளும் ஆர்வமாக உள்ளன.
இந்திய அணியின் பலம் - பலவீனம்
இந்திய அணியில் தொடக்க வீரர்கள் அபிஷேக் ஷர்மா, திலக் வர்மா மற்றும் ஹர்திக் பாண்ட்யா ஆகியோர் சிறப்பான ஃபார்மில் உள்ளனர். எனினும், அணியின் கேப்டன் சூர்யகுமார் ஃபார்மில் இல்லை. அவர் தனது கடைசி 21 இன்னிங்சில் ஒரு அரைசதம் கூட அடிக்கவில்லை. இந்த ஆட்டத்திலாவது அவர் நிலைத்து நிற்பார் என்பது எதிர்பார்ப்புக்குரியது. காயம் காரணமாக அவதிப்படும் துணை கேப்டன் சுப்மன் கில் ஆடுவது சந்தேகம் என்பதால், அவருக்குப் பதிலாக சஞ்சு சாம்சன் அணியில் இடம் பெற வாய்ப்புள்ளது. தனிப்பட்ட காரணங்களுக்காக முந்தைய ஆட்டத்தில் விலகிய வேகப்பந்து வீச்சாளர் ஜஸ்பிரித் பும்ரா அணிக்குத் திரும்பி விட்டார். வருண் சக்ரவர்த்தி, அர்ஷ்தீப்சிங் ஆகியோர் பந்துவீச்சில் மிரட்டத் தயாராக இருக்கிறார்கள்.
தென்ஆப்பிரிக்காவின் தடுமாற்றம் மற்றும் மைதான நிலவரம்
தென்ஆப்பிரிக்க அணியின் பேட்டிங் சீரற்றதாகவே காணப்படுகிறது. இரண்டாவது ஆட்டத்தில் 213 ரன்கள் குவித்த அந்த அணி, மற்ற இரண்டு ஆட்டங்களிலும் 120 ரன்களைக்கூடத் தாண்டவில்லை. இதனால், தவறுகளைத் திருத்திக்கொண்டு அதிக ரன் திரட்டுவதை அவர்கள் எதிர்நோக்கியுள்ளனர். இது பேட்டிங்கிற்கு உகந்த ஆடுகளம் என்பதால், இந்த ஆட்டத்தில் அதிக ரன்கள் எதிர்பார்க்கலாம்.
ஆமதாபாத் மைதானத்தில் இதுவரை நடந்த ஏழு டி20 போட்டிகளில் இந்திய அணி ஐந்து வெற்றிகளைப் பதிவு செய்துள்ளது. 2023-ஆம் ஆண்டு நியூசிலாந்துக்கு எதிராக 234 ரன்கள் குவித்தது இங்கு அதிகபட்ச ஸ்கோர் ஆகும்.
போட்டி நேரம் மற்றும் உத்தேச அணி
தொடரைக் கைப்பற்ற இந்தியாவும், சமன் செய்ய தென்ஆப்பிரிக்காவும் முனைப்புடன் இருப்பதால், இன்றைய ஆட்டத்தில் சுவாரஸ்யத்துக்குக் குறைவிருக்காது. இந்த ஆட்டம் இன்று இரவு 7 மணிக்குத் தொடங்குகிறது. இதனை ஸ்டார் ஸ்போர்ட்ஸ் சேனலில் நேரடி ஒளிபரப்பு செய்யப்படுகிறது.
உத்தேச இந்திய அணி: அபிஷேக் ஷர்மா, சுப்மன் கில் அல்லது சஞ்சு சாம்சன், சூர்யகுமார் யாதவ் (கேப்டன்), திலக் வர்மா, ஜிதேஷ் ஷர்மா, ஹர்திக் பாண்ட்யா, ஷிவம் துபே, ஹர்ஷித் ராணா அல்லது வாஷிங்டன் சுந்தர், அர்ஷ்தீப்சிங், ஜஸ்பிரித் பும்ரா, வருண் சக்ரவர்த்தி.
உத்தேச தென்ஆப்பிரிக்கா அணி: குயின்டான் டி காக், ரீஜா ஹென்ரிக்ஸ், எய்டன் மார்க்ரம் (கேப்டன்), டிவால்ட் பிரேவிஸ், டேவிட் மில்லர், டோனோவன் பெரேரா, மார்கோ யான்சென், கார்பின் பாஷ், ஜார்ஜ் லின்டே அல்லது கேஷவ் மகராஜ் அல்லது அன்ரிச் நோர்டியா, லுங்கி இங்கிடி, பார்த்மேன்.
