நடத்தையில் சந்தேகம்: முன்னாள் காதலிக்கு கத்திக்குத்து.. இளைஞர் தற்கொலை!

முன்னாள் காதலியின் நடத்தையில் சந்தேகம் கொண்ட ஒரு இளைஞன், அவரைக் கத்தியால் குத்திவிட்டுத் தானும் தற்கொலை செய்துகொண்ட சம்பவம் மும்பையில் பெரும் அதிர்ச்சியை ஏற்படுத்தியுள்ளது.

சம்பவத்தின் பின்னணி

மும்பையைச் சேர்ந்த சோனு பராய் (24) மற்றும் மனிஷா யாதவ் ஆகியோர் காதல் உறவில் இருந்தனர். எட்டு நாட்களுக்கு முன்பு இருவரும் தங்களது உறவை முறிந்துகொண்டதாக கூறப்படுகிறது. ஆனால், சோனு பராய் தொடர்ந்து மனிஷாவின் நடத்தையில் சந்தேகம் கொண்டு, அவருக்கு வேறு ஒருவருடன் தொடர்பு இருப்பதாகச் சந்தேகித்து வந்துள்ளார்.

இந்த நிலையில், இன்று காலை கடைசியாக ஒருமுறை சந்திக்க வேண்டும் என்று கூறி, மனிஷாவை ஒரு தனியார் நர்சிங் ஹோம் அருகே வரவழைத்துள்ளார் சோனு பராய்.

தாக்குதலும் துயரமும்

இருவரும் சந்தித்தபோது அவர்களுக்குள் கடுமையான வாக்குவாதம் ஏற்பட்டுள்ளது. ஆத்திரத்தின் உச்சிக்குச் சென்ற சோனு பராய், தான் மறைத்து வைத்திருந்த கத்தியால் மனிஷா யாதவைத் தொடர்ச்சியாகக் சரமாரியாக தாக்கியுள்ளார்.

காதலியைத் தாக்கிய பிறகு, சோனு பராய் தானும் அதே கத்தியால் குத்திக்கொண்டுள்ளார். இந்த சம்பவத்தை கண்ட சிலர் ஆம்புலன்ஸை வரவழைத்து இருவரையும் மருத்துவமனைக்கு அனுப்பிவைத்தனர். ரத்த வெள்ளத்தில் கிடந்த சோனு பராய், சிகிச்சைக்குக் கொண்டு செல்லும் வழியிலே உயிரிழந்தார். கத்திக்குத்துக் காயங்களுடன் மீட்கப்பட்ட மனிஷா யாதவ் மருத்துவமனையில் அனுமதிக்கப்பட்டுச் சிகிச்சை பெற்று வருகிறார்.

இந்த சம்பவம் குறித்து தகவலறிந்த போலீசார் சம்பவ இடத்தில் சிசிடிவி காட்சிகளை ஆய்வு செய்து விசாரணை மேற்கொண்டு வருகின்றனர்.