ஜிஎஸ்டி சீர்திருத்தத்தால் மக்களின் கைகளில் பணம் புரளும் - நிர்மலா சீதாராமன் நம்பிக்கை!

சரக்கு மற்றும் சேவை வரி (ஜிஎஸ்டி) சீர்திருத்தங்கள் காரணமாக மக்களின் கைகளில் பணம் புழங்குவது அதிகரிக்கும் என்று மத்திய நிதியமைச்சர் நிர்மலா சீதாராமன் நம்பிக்கை தெரிவித்துள்ளார். கூட்டாட்சித் தத்துவத்திற்கு ஜிஎஸ்டி கவுன்சில் ஒரு சிறந்த உதாரணமாகத் திகழ்வதாகவும் அவர் புகழாரம் சூட்டியுள்ளார்.

ஜிஎஸ்டி கவுன்சிலின் முக்கியத்துவம் குறித்துப் பேசிய நிதியமைச்சர், மாநில அரசுகள் மற்றும் மத்திய அரசின் கூட்டு முயற்சியால், ஜிஎஸ்டி கவுன்சில் வரி விதிப்பு தொடர்பான பல்வேறு சிக்கல்களுக்குத் தீர்வு கண்டுள்ளது. இது கூட்டாட்சி ஒத்துழைப்புக்கு ஒரு சிறந்த உதாரணமாக உள்ளது" என்றார். மேலும், பொருளாதார வளர்ச்சிக்குத் தேவையான நிதி சீர்திருத்தங்களை மேற்கொள்வதில் மத்திய அரசு உறுதியாக இருப்பதாகவும் அவர் தெரிவித்தார்.

ஜிஎஸ்டி வரி விதிப்பில் மேற்கொள்ளப்படும் சீர்திருத்தங்கள், பல்வேறு பொருட்களின் விலையைக் குறைத்து, பொதுமக்களின் வாங்கும் திறனை அதிகரிக்கும். இதனால், மக்களின் கைகளில் பணம் புழங்குவது அதிகரித்து, பொருளாதார வளர்ச்சிக்கு அது ஊக்கமளிக்கும் என்று நிர்மலா சீதாராமன் நம்பிக்கை தெரிவித்தார். இந்தச் சீர்திருத்தங்கள், இந்தியா ஒரு வலிமையான பொருளாதார நாடாக உருவெடுக்க வழிவகுக்கும் என்றும் அவர் குறிப்பிட்டார்.