LIVE 24 X 7
நடிகர் அஜித் குமார் நடிப்பில் வெளியான 'குட் பேட் அக்லி' திரைப்படத்தில் இளையராஜாவின் பாடல்களைப் பயன்படுத்த விதிக்கப்பட்ட இடைக்காலத் தடையை நீக்கக் கோரி, படத் தயாரிப்பு நிறுவனமான மைத்திரி மூவி மேக்கர்ஸ் நிறுவனம் தாக்கல் செய்த மனுவைச் சென்னை உயர் நீதிமன்றம் இன்று தள்ளுபடி செய்து உத்தரவிட்டது. பாடல்களை உருமாற்றம் செய்வதைத் தடுக்க இளையராஜாவுக்கு உரிமை உள்ளது என்று நீதிமன்றம் கூறியுள்ளது.
வழக்கின் பின்னணியும் தடையின் காரணமும்
'குட் பேட் அக்லி' திரைப்படத்தில் 'இளமை இதோ இதோ', 'ஒத்த ரூபாயும் தாரேன்', 'என் ஜோடி மஞ்ச குருவி' ஆகிய இளையராஜாவின் பாடல்கள் அவரது அனுமதியின்றி பயன்படுத்தப்பட்டதாகக் கூறி, அவர் சார்பில் வழக்குத் தொடரப்பட்டது. வழக்கை விசாரித்த சென்னை உயர் நீதிமன்றம், இந்தப் பாடல்களைப் பயன்படுத்த இடைக்காலத் தடை விதித்து உத்தரவிட்டது.
தயாரிப்பாளர் மனுவும் வாதப் பிரதிவாதங்களும்
இந்தத் தடையை நீக்கக் கோரி மைத்திரி மூவி மேக்கர்ஸ் நிறுவனம் மனுத்தாக்கல் செய்திருந்தது. அதில், பாடல்களின் உரிமையைச் சோனி நிறுவனத்திடம் இருந்து பெற்றுப் பயன்படுத்தியதாகவும், தற்போது இளையராஜா பாடல்களைத் திரைப்படத்தில் இருந்து நீக்கிவிட்டதாகவும் தெரிவிக்கப்பட்டிருந்தது. இந்த மனுவை நீதிபதி என். செந்தில்குமார் விசாரித்தார். இளையராஜா தரப்பில், பதிப்புரிமைச் சட்டப்படி இசையமைப்பாளர்களிடம் தான் பாடல் உரிமை உள்ளது என்றும், தயாரிப்பாளர்களிடம் முழு உரிமை இருந்தாலும், பாடல்களைத் தனியாக எடுத்து மூன்றாம் நபருக்கு விற்க அவர்களுக்கு உரிமை இல்லை என்றும், மேலும் மூன்று பாடல்கள் உருமாற்றம் செய்யப்பட்டுள்ளன என்றும் வாதிடப்பட்டது. தயாரிப்பு நிறுவனம் தரப்பில், தயாரிப்பாளர்களிடம் தான் முழு உரிமை உள்ளது என்றும், இளையராஜாவிடம் இசை உரிமை இருந்தால் அதை அவர் நிரூபிக்க வேண்டும் என்றும் வாதிடப்பட்டது.
உயர் நீதிமன்றத்தின் இறுதி உத்தரவு
அனைத்து வாதங்களும் முடிவடைந்த நிலையில், இன்று (டிசம்பர் 3) நீதிபதி என். செந்தில்குமார் இந்த மனு மீது உத்தரவிட்டார். பாடல்களை உருமாற்றம் செய்வதைத் தடுக்கவும், அனுமதி இன்றிப் பயன்படுத்துவதைத் தடுக்கவும் இளையராஜாவுக்கு உரிமை உள்ளது. அதனால், இந்த வழக்கில் ஏற்கனவே பிறப்பித்த இடைக்கால உத்தரவில் தலையிட எந்தக் காரணமும் இல்லை என்று கூறி, மைத்திரி மூவி மேக்கர்ஸ் நிறுவனத்தின் மனுவைத் தள்ளுபடி செய்து நீதிபதி உத்தரவிட்டார். மேலும், பிரதான வழக்கின் விசாரணையை 2026 ஆம் ஆண்டு ஜனவரி 6 ஆம் தேதிக்கு நீதிபதி தள்ளி வைத்தார்.
வழக்கின் பின்னணியும் தடையின் காரணமும்
'குட் பேட் அக்லி' திரைப்படத்தில் 'இளமை இதோ இதோ', 'ஒத்த ரூபாயும் தாரேன்', 'என் ஜோடி மஞ்ச குருவி' ஆகிய இளையராஜாவின் பாடல்கள் அவரது அனுமதியின்றி பயன்படுத்தப்பட்டதாகக் கூறி, அவர் சார்பில் வழக்குத் தொடரப்பட்டது. வழக்கை விசாரித்த சென்னை உயர் நீதிமன்றம், இந்தப் பாடல்களைப் பயன்படுத்த இடைக்காலத் தடை விதித்து உத்தரவிட்டது.
தயாரிப்பாளர் மனுவும் வாதப் பிரதிவாதங்களும்
இந்தத் தடையை நீக்கக் கோரி மைத்திரி மூவி மேக்கர்ஸ் நிறுவனம் மனுத்தாக்கல் செய்திருந்தது. அதில், பாடல்களின் உரிமையைச் சோனி நிறுவனத்திடம் இருந்து பெற்றுப் பயன்படுத்தியதாகவும், தற்போது இளையராஜா பாடல்களைத் திரைப்படத்தில் இருந்து நீக்கிவிட்டதாகவும் தெரிவிக்கப்பட்டிருந்தது. இந்த மனுவை நீதிபதி என். செந்தில்குமார் விசாரித்தார். இளையராஜா தரப்பில், பதிப்புரிமைச் சட்டப்படி இசையமைப்பாளர்களிடம் தான் பாடல் உரிமை உள்ளது என்றும், தயாரிப்பாளர்களிடம் முழு உரிமை இருந்தாலும், பாடல்களைத் தனியாக எடுத்து மூன்றாம் நபருக்கு விற்க அவர்களுக்கு உரிமை இல்லை என்றும், மேலும் மூன்று பாடல்கள் உருமாற்றம் செய்யப்பட்டுள்ளன என்றும் வாதிடப்பட்டது. தயாரிப்பு நிறுவனம் தரப்பில், தயாரிப்பாளர்களிடம் தான் முழு உரிமை உள்ளது என்றும், இளையராஜாவிடம் இசை உரிமை இருந்தால் அதை அவர் நிரூபிக்க வேண்டும் என்றும் வாதிடப்பட்டது.
உயர் நீதிமன்றத்தின் இறுதி உத்தரவு
அனைத்து வாதங்களும் முடிவடைந்த நிலையில், இன்று (டிசம்பர் 3) நீதிபதி என். செந்தில்குமார் இந்த மனு மீது உத்தரவிட்டார். பாடல்களை உருமாற்றம் செய்வதைத் தடுக்கவும், அனுமதி இன்றிப் பயன்படுத்துவதைத் தடுக்கவும் இளையராஜாவுக்கு உரிமை உள்ளது. அதனால், இந்த வழக்கில் ஏற்கனவே பிறப்பித்த இடைக்கால உத்தரவில் தலையிட எந்தக் காரணமும் இல்லை என்று கூறி, மைத்திரி மூவி மேக்கர்ஸ் நிறுவனத்தின் மனுவைத் தள்ளுபடி செய்து நீதிபதி உத்தரவிட்டார். மேலும், பிரதான வழக்கின் விசாரணையை 2026 ஆம் ஆண்டு ஜனவரி 6 ஆம் தேதிக்கு நீதிபதி தள்ளி வைத்தார்.
