LIVE 24 X 7
கடந்த 2013-ஆம் ஆண்டு நடைபெற்ற ஐபிஎல் சூதாட்டம் தொடர்பான தொலைக்காட்சி விவாதத்தில் அவதூறு கருத்துக்கள் வெளியானதாகக் கூறி தொடரப்பட்ட ரூ.100 கோடி மானநஷ்ட ஈடு வழக்கில், கிரிக்கெட் வீரர் மகேந்திர சிங் தோனியின் வாக்குமூலம் தொடர்பான மனுவில் சென்னை உயர்நீதிமன்றம் முக்கிய உத்தரவை பிறப்பித்துள்ளது.
இந்த வழக்கில், ஓய்வுபெற்ற ஐபிஎஸ் அதிகாரி சம்பத்குமார் தரப்பில் தாக்கல் செய்யப்பட்ட மனுவுக்கு, தோனி அக்டோபர் 9-ஆம் தேதிக்குள் பதில் அளிக்க வேண்டும் என நீதிமன்றம் உத்தரவிட்டுள்ளது.
2014-ல் தொடரப்பட்ட வழக்கு :
2013-ஆம் ஆண்டு ஐபிஎல் போட்டிகளில் நடைபெற்றதாக கூறப்பட்ட சூதாட்ட விவகாரம் தொடர்பாக தனியார் தொலைக்காட்சி ஒன்றில் நடைபெற்ற விவாத நிகழ்ச்சியில், தன்னை குறிவைத்து அவதூறான கருத்துக்கள் தெரிவிக்கப்பட்டதாக ஓய்வுபெற்ற ஐபிஎஸ் அதிகாரி சம்பத்குமார் குற்றம் சாட்டினார்.
இதையடுத்து, சம்பந்தப்பட்ட தொலைக்காட்சி நிறுவனத்துக்கு எதிராகவும், தனது பெயருக்கு ஏற்பட்ட பாதிப்புக்காக ரூ.100 கோடி இழப்பீடு கோரியும், சென்னை உயர்நீதிமன்றத்தில் 2014-ஆம் ஆண்டு வழக்கு தொடரப்பட்டது.
இந்த வழக்கில் கிரிக்கெட் வீரர் மகேந்திர சிங் தோனியும் தொடர்புடைய தரப்பாக உள்ளார்.
தோனியின் வாக்குமூலத்தை பதிவு செய்ய கோரிக்கை :
இந்த வழக்கின் விசாரணையின் ஒரு பகுதியாக, தோனியின் வாக்குமூலத்தை பதிவு செய்வதற்காக வழக்கறிஞர் ஆணையரை நியமித்து சென்னை உயர்நீதிமன்றம் ஏற்கனவே உத்தரவிட்டிருந்தது.
இந்நிலையில், தோனியின் வாக்குமூலத்தை வீடியோ பதிவு முறையில் மேற்கொள்ள வேண்டும் எனக் கோரி சம்பத்குமார் தரப்பில் புதிய மனு தாக்கல் செய்யப்பட்டது.
மனுவில் முன்வைக்கப்பட்ட கோரிக்கைகள் :
சம்பத்குமார் தரப்பில் தாக்கல் செய்யப்பட்ட மனுவில், தோனியின் வாக்குமூலப் பதிவை கண்காணிக்க நீதிபதி ஒருவரை நியமிக்க வேண்டும் என கோரிக்கை விடுக்கப்பட்டுள்ளது. மேலும், பதிவு செய்யப்படும் வீடியோவில் எந்தவித மாற்றங்களும் அல்லது எடிட்டிங் பணிகளும் மேற்கொள்ளாமல் முழுமையாக வழங்க வேண்டும் என்றும் மனுவில் தெரிவிக்கப்பட்டுள்ளது.
அதேபோல், வாக்குமூலப் பதிவு நீதிமன்றம் அல்லது அரசு கட்டிடங்களில் மட்டுமே நடைபெற வேண்டும் என்றும், தனியார் பங்களாக்கள் அல்லது நட்சத்திர விடுதிகள் போன்ற இடங்களில் பதிவு மேற்கொள்ளக் கூடாது என்றும் சம்பத்குமார் தரப்பு தனது மனுவில் கோரியுள்ளது.
அக்டோபர் 9-க்குள் பதில் அளிக்க உத்தரவு :
இந்த மனு, சென்னை உயர்நீதிமன்ற நீதிபதி கோவிந்தராஜன் திலகவதி முன்பு விசாரணைக்கு வந்தது.
மனுவை விசாரித்த நீதிபதி, இதுதொடர்பாக மகேந்திர சிங் தோனி அக்டோபர் 9-ஆம் தேதிக்குள் தனது பதிலை தாக்கல் செய்ய வேண்டும் என உத்தரவிட்டு, விசாரணையை ஒத்திவைத்தார்.
இந்த வழக்கில், ஓய்வுபெற்ற ஐபிஎஸ் அதிகாரி சம்பத்குமார் தரப்பில் தாக்கல் செய்யப்பட்ட மனுவுக்கு, தோனி அக்டோபர் 9-ஆம் தேதிக்குள் பதில் அளிக்க வேண்டும் என நீதிமன்றம் உத்தரவிட்டுள்ளது.
2014-ல் தொடரப்பட்ட வழக்கு :
2013-ஆம் ஆண்டு ஐபிஎல் போட்டிகளில் நடைபெற்றதாக கூறப்பட்ட சூதாட்ட விவகாரம் தொடர்பாக தனியார் தொலைக்காட்சி ஒன்றில் நடைபெற்ற விவாத நிகழ்ச்சியில், தன்னை குறிவைத்து அவதூறான கருத்துக்கள் தெரிவிக்கப்பட்டதாக ஓய்வுபெற்ற ஐபிஎஸ் அதிகாரி சம்பத்குமார் குற்றம் சாட்டினார்.
இதையடுத்து, சம்பந்தப்பட்ட தொலைக்காட்சி நிறுவனத்துக்கு எதிராகவும், தனது பெயருக்கு ஏற்பட்ட பாதிப்புக்காக ரூ.100 கோடி இழப்பீடு கோரியும், சென்னை உயர்நீதிமன்றத்தில் 2014-ஆம் ஆண்டு வழக்கு தொடரப்பட்டது.
இந்த வழக்கில் கிரிக்கெட் வீரர் மகேந்திர சிங் தோனியும் தொடர்புடைய தரப்பாக உள்ளார்.
தோனியின் வாக்குமூலத்தை பதிவு செய்ய கோரிக்கை :
இந்த வழக்கின் விசாரணையின் ஒரு பகுதியாக, தோனியின் வாக்குமூலத்தை பதிவு செய்வதற்காக வழக்கறிஞர் ஆணையரை நியமித்து சென்னை உயர்நீதிமன்றம் ஏற்கனவே உத்தரவிட்டிருந்தது.
இந்நிலையில், தோனியின் வாக்குமூலத்தை வீடியோ பதிவு முறையில் மேற்கொள்ள வேண்டும் எனக் கோரி சம்பத்குமார் தரப்பில் புதிய மனு தாக்கல் செய்யப்பட்டது.
மனுவில் முன்வைக்கப்பட்ட கோரிக்கைகள் :
சம்பத்குமார் தரப்பில் தாக்கல் செய்யப்பட்ட மனுவில், தோனியின் வாக்குமூலப் பதிவை கண்காணிக்க நீதிபதி ஒருவரை நியமிக்க வேண்டும் என கோரிக்கை விடுக்கப்பட்டுள்ளது. மேலும், பதிவு செய்யப்படும் வீடியோவில் எந்தவித மாற்றங்களும் அல்லது எடிட்டிங் பணிகளும் மேற்கொள்ளாமல் முழுமையாக வழங்க வேண்டும் என்றும் மனுவில் தெரிவிக்கப்பட்டுள்ளது.
அதேபோல், வாக்குமூலப் பதிவு நீதிமன்றம் அல்லது அரசு கட்டிடங்களில் மட்டுமே நடைபெற வேண்டும் என்றும், தனியார் பங்களாக்கள் அல்லது நட்சத்திர விடுதிகள் போன்ற இடங்களில் பதிவு மேற்கொள்ளக் கூடாது என்றும் சம்பத்குமார் தரப்பு தனது மனுவில் கோரியுள்ளது.
அக்டோபர் 9-க்குள் பதில் அளிக்க உத்தரவு :
இந்த மனு, சென்னை உயர்நீதிமன்ற நீதிபதி கோவிந்தராஜன் திலகவதி முன்பு விசாரணைக்கு வந்தது.
மனுவை விசாரித்த நீதிபதி, இதுதொடர்பாக மகேந்திர சிங் தோனி அக்டோபர் 9-ஆம் தேதிக்குள் தனது பதிலை தாக்கல் செய்ய வேண்டும் என உத்தரவிட்டு, விசாரணையை ஒத்திவைத்தார்.
