LIVE 24 X 7
ஆஸ்திரேலியாவில் தனது கணவரின் குடும்ப உறுப்பினர்கள் மூவருக்கு விஷம் கலந்த காளான் உணவை கொடுத்து கொன்ற எரின் பேட்டர்சன் என்ற பெண்ணுக்கு 33 ஆண்டுகள் சிறை தண்டனை விதிக்கப்பட்டுள்ளது. இந்த சம்பவம் உலக அளவில் பெரும் பரபரப்பை ஏற்படுத்தியிருந்தது.
சம்பவத்தின் பின்னணி
கடந்த ஜூலை 2023-ல், மெல்போர்னுக்கு அருகில் உள்ள லியோங்காத்தா என்ற சிறிய நகரத்தில், எரின் பேட்டர்சன் தனது வீட்டில் ஒரு விருந்துக்கு ஏற்பாடு செய்தார். அந்த விருந்தில், தனது கணவரின் பெற்றோர் டான் மற்றும் கெயில் பேட்டர்சன், கெயிலின் சகோதரி ஹெதர் வில்கின்சன் மற்றும் அவரது கணவர் இயான் வில்கின்சன் ஆகியோர் கலந்து கொண்டனர். எரின் சமைத்த "பீஃப் வெலிங்டன்" என்ற உணவை சாப்பிட்ட பிறகு, நால்வரும் உடல்நலம் பாதிக்கப்பட்டு மருத்துவமனையில் சேர்க்கப்பட்டனர்.
இதில், டான், கெயில் மற்றும் ஹெதர் ஆகிய மூவரும் உயிரிழந்தனர். அதிர்ஷ்டவசமாக, இயான் மட்டும் உயிர் பிழைத்தார். இந்த வழக்கை விசாரித்த போலீசார், எரின் பேட்டர்சன் உணவுடன் "டெத் கேப்" என்று அழைக்கப்படும் விஷத்தன்மை கொண்ட காளான்களைக் கலந்தது தெரியவந்தது.
விசாரணை மற்றும் தீர்ப்பு
நீண்ட விசாரணைக்குப் பிறகு, ஜூலை மாதம் எரின் பேட்டர்சன் மூவர் கொலையிலும், ஒருவர் கொலை முயற்சி வழக்கிலும் குற்றவாளி என நீதிபதி கிறிஸ்டோபர் பீலே தீர்ப்பளித்தார். மேலும், “உங்கள் குற்றங்கள் நேரடிப் பாதிக்கப்பட்டவர்களை மட்டுமல்லாமல், ஏராளமானோரையும் பாதித்துள்ளன. நீங்கள் மூன்று உயிர்களைப் பறித்ததுடன், இயான் வில்கின்சனின் ஆரோக்கியத்திற்கும் நிரந்தர சேதத்தை ஏற்படுத்தியுள்ளீர்கள். அதே சமயம், தனது குழந்தைகள் மீது மிகுந்த அன்பு வைத்திருந்த அவர்களின் தாத்தா, பாட்டியை நீங்கள் அவர்களிடம் இருந்து பறித்துள்ளீர்கள்,” என்று நீதிபதி கூறினார்.
இதற்கிடையில், தன் மீதுள்ள குற்றச்சாட்டுகளை மறுத்த எரின், காளான்கள் தவறுதலாக உணவில் சேர்க்கப்பட்டுவிட்டன என்று வாதிட்ட போதிலும், அதனை நீதிமன்றம் ஏற்கவில்லை.
இதைத்தொடர்ந்து, நேற்று (செப்.7) தண்டனை விவரங்கள் வாசிக்கப்பட்டது. எரின் பேட்டர்சனுக்கு மூன்று கொலைகளுக்கும் ஆயுள் தண்டனையும், கொலை முயற்சிக்கு 25 ஆண்டுகளும் என ஒட்டுமொத்தமாக 33 ஆண்டுகள் பரோல் இல்லாத சிறைத்தண்டனை விதித்து நீதிபதி உத்தரவிட்டார்.
சம்பவத்தின் பின்னணி
கடந்த ஜூலை 2023-ல், மெல்போர்னுக்கு அருகில் உள்ள லியோங்காத்தா என்ற சிறிய நகரத்தில், எரின் பேட்டர்சன் தனது வீட்டில் ஒரு விருந்துக்கு ஏற்பாடு செய்தார். அந்த விருந்தில், தனது கணவரின் பெற்றோர் டான் மற்றும் கெயில் பேட்டர்சன், கெயிலின் சகோதரி ஹெதர் வில்கின்சன் மற்றும் அவரது கணவர் இயான் வில்கின்சன் ஆகியோர் கலந்து கொண்டனர். எரின் சமைத்த "பீஃப் வெலிங்டன்" என்ற உணவை சாப்பிட்ட பிறகு, நால்வரும் உடல்நலம் பாதிக்கப்பட்டு மருத்துவமனையில் சேர்க்கப்பட்டனர்.
இதில், டான், கெயில் மற்றும் ஹெதர் ஆகிய மூவரும் உயிரிழந்தனர். அதிர்ஷ்டவசமாக, இயான் மட்டும் உயிர் பிழைத்தார். இந்த வழக்கை விசாரித்த போலீசார், எரின் பேட்டர்சன் உணவுடன் "டெத் கேப்" என்று அழைக்கப்படும் விஷத்தன்மை கொண்ட காளான்களைக் கலந்தது தெரியவந்தது.
விசாரணை மற்றும் தீர்ப்பு
நீண்ட விசாரணைக்குப் பிறகு, ஜூலை மாதம் எரின் பேட்டர்சன் மூவர் கொலையிலும், ஒருவர் கொலை முயற்சி வழக்கிலும் குற்றவாளி என நீதிபதி கிறிஸ்டோபர் பீலே தீர்ப்பளித்தார். மேலும், “உங்கள் குற்றங்கள் நேரடிப் பாதிக்கப்பட்டவர்களை மட்டுமல்லாமல், ஏராளமானோரையும் பாதித்துள்ளன. நீங்கள் மூன்று உயிர்களைப் பறித்ததுடன், இயான் வில்கின்சனின் ஆரோக்கியத்திற்கும் நிரந்தர சேதத்தை ஏற்படுத்தியுள்ளீர்கள். அதே சமயம், தனது குழந்தைகள் மீது மிகுந்த அன்பு வைத்திருந்த அவர்களின் தாத்தா, பாட்டியை நீங்கள் அவர்களிடம் இருந்து பறித்துள்ளீர்கள்,” என்று நீதிபதி கூறினார்.
இதற்கிடையில், தன் மீதுள்ள குற்றச்சாட்டுகளை மறுத்த எரின், காளான்கள் தவறுதலாக உணவில் சேர்க்கப்பட்டுவிட்டன என்று வாதிட்ட போதிலும், அதனை நீதிமன்றம் ஏற்கவில்லை.
இதைத்தொடர்ந்து, நேற்று (செப்.7) தண்டனை விவரங்கள் வாசிக்கப்பட்டது. எரின் பேட்டர்சனுக்கு மூன்று கொலைகளுக்கும் ஆயுள் தண்டனையும், கொலை முயற்சிக்கு 25 ஆண்டுகளும் என ஒட்டுமொத்தமாக 33 ஆண்டுகள் பரோல் இல்லாத சிறைத்தண்டனை விதித்து நீதிபதி உத்தரவிட்டார்.
