LIVE 24 X 7
வங்கக் கடலில் உருவான 'டிட்வா' புயலால் ஏற்பட்டுள்ள வெள்ளப் பேரழிவில் தத்தளிக்கும் இலங்கைக்குப் பாகிஸ்தான் அனுப்பிய நிவாரணப் பொருட்களில், அதன் காலாவதித் தேதி முடிந்திருந்ததால், நெட்டிசன்கள் பாகிஸ்தானை கடுமையாக விமர்சித்து வருகின்றனர்.
இலங்கையில் 'டிட்வா' புயல் பேரழிவு நிலவரம்
கடந்த ஒரு வாரத்தில் கனமழை மற்றும் நிலச்சரிவுகளால் இலங்கையில் மட்டும் 369 பேர் உயிரிழந்துள்ளனர், மேலும் நூற்றுக்கணக்கானோர் மாயமாகியுள்ளனர். இதுவரை 1.50 லட்சத்துக்கும் மேற்பட்ட மக்கள் பாதுகாப்பான இடங்களுக்கு மாற்றப்பட்டுள்ளனர். இது கடந்த 20 ஆண்டுகளில் இலங்கையைத் தாக்கிய மிக மோசமான இயற்கை பேரிடர் எனக் கூறப்படுகிறது. இதையடுத்து, அந்நாட்டு அதிபர் அனுர குமார திசநாயகே, தேசிய அவசர நிலையை பிரகடனம் செய்துள்ளார். பாதிக்கப்பட்ட மக்களுக்கு உதவ இந்திய அரசு சார்பில் நிவாரணப் பொருட்களும் மீட்புப் படையினரும் அனுப்பி வைக்கப்பட்டுள்ளனர்.
பாகிஸ்தான் நிவாரணப் பொருட்களில் சர்ச்சை
இலங்கைக்கு உதவ நினைத்து பாகிஸ்தானும் நிவாரணப் பொருட்களை அனுப்பி வைத்தது. இது தொடர்பாக இலங்கைக்கான பாகிஸ்தான் தூதரகம் சமூக ஊடகத்தில் அறிக்கை வெளியிட்டது. அதில், "பாகிஸ்தானில் இருந்து நிவாரணப் பொருட்கள், இலங்கையில் தவிக்கும் நமது சகோதர சகோதரிகளுக்கு வழங்கப்பட்டது. இலங்கைக்குப் பாகிஸ்தான் என்றும் துணை நிற்கும்" என்று கூறி, நிவாரணப் பொருட்களின் புகைப்படத்தையும் இணைத்திருந்தது. ஆனால், அந்த நிவாரணப் பொருட்களில், அதன் காலாவதி தேதி 2024 அக்டோபர் மாதம் எனக் குறிப்பிடப்பட்டு இருந்தது.
நெட்டிசன்களின் கடும் விமர்சனம்
காலாவதித் தேதியுடன் கூடிய நிவாரணப் பொருட்களை அனுப்பியதைக் கண்ட நெட்டிசன்கள் பாகிஸ்தானை மிகக் கடுமையாக விமர்சித்து வருகின்றனர். "வெள்ளத்தால் தத்தளிக்கும் மக்களுக்குக் காலாவதியான நிவாரணப் பொருட்களை அனுப்பி அவர்களைப் பாகிஸ்தான் அவமானப்படுத்தி விட்டது" என்று சமூக ஊடகங்களில் கருத்து தெரிவித்து வருகின்றனர். இதுகுறித்து அதிகாரபூர்வ தகவல்கள் இன்னும் வெளியாகவில்லை.
இலங்கையில் 'டிட்வா' புயல் பேரழிவு நிலவரம்
கடந்த ஒரு வாரத்தில் கனமழை மற்றும் நிலச்சரிவுகளால் இலங்கையில் மட்டும் 369 பேர் உயிரிழந்துள்ளனர், மேலும் நூற்றுக்கணக்கானோர் மாயமாகியுள்ளனர். இதுவரை 1.50 லட்சத்துக்கும் மேற்பட்ட மக்கள் பாதுகாப்பான இடங்களுக்கு மாற்றப்பட்டுள்ளனர். இது கடந்த 20 ஆண்டுகளில் இலங்கையைத் தாக்கிய மிக மோசமான இயற்கை பேரிடர் எனக் கூறப்படுகிறது. இதையடுத்து, அந்நாட்டு அதிபர் அனுர குமார திசநாயகே, தேசிய அவசர நிலையை பிரகடனம் செய்துள்ளார். பாதிக்கப்பட்ட மக்களுக்கு உதவ இந்திய அரசு சார்பில் நிவாரணப் பொருட்களும் மீட்புப் படையினரும் அனுப்பி வைக்கப்பட்டுள்ளனர்.
பாகிஸ்தான் நிவாரணப் பொருட்களில் சர்ச்சை
இலங்கைக்கு உதவ நினைத்து பாகிஸ்தானும் நிவாரணப் பொருட்களை அனுப்பி வைத்தது. இது தொடர்பாக இலங்கைக்கான பாகிஸ்தான் தூதரகம் சமூக ஊடகத்தில் அறிக்கை வெளியிட்டது. அதில், "பாகிஸ்தானில் இருந்து நிவாரணப் பொருட்கள், இலங்கையில் தவிக்கும் நமது சகோதர சகோதரிகளுக்கு வழங்கப்பட்டது. இலங்கைக்குப் பாகிஸ்தான் என்றும் துணை நிற்கும்" என்று கூறி, நிவாரணப் பொருட்களின் புகைப்படத்தையும் இணைத்திருந்தது. ஆனால், அந்த நிவாரணப் பொருட்களில், அதன் காலாவதி தேதி 2024 அக்டோபர் மாதம் எனக் குறிப்பிடப்பட்டு இருந்தது.
நெட்டிசன்களின் கடும் விமர்சனம்
காலாவதித் தேதியுடன் கூடிய நிவாரணப் பொருட்களை அனுப்பியதைக் கண்ட நெட்டிசன்கள் பாகிஸ்தானை மிகக் கடுமையாக விமர்சித்து வருகின்றனர். "வெள்ளத்தால் தத்தளிக்கும் மக்களுக்குக் காலாவதியான நிவாரணப் பொருட்களை அனுப்பி அவர்களைப் பாகிஸ்தான் அவமானப்படுத்தி விட்டது" என்று சமூக ஊடகங்களில் கருத்து தெரிவித்து வருகின்றனர். இதுகுறித்து அதிகாரபூர்வ தகவல்கள் இன்னும் வெளியாகவில்லை.
