LIVE 24 X 7
சென்னை தி.நகர் தொகுதியில் வாக்காளர் பட்டியல் நீக்கம் தொடர்பாக அதிமுக முன்னாள் எம்.எல்.ஏ. அளித்த புகார் குறித்த வழக்கில், தமிழகம் உள்ளிட்ட தேர்தலைச் சந்திக்க உள்ள மாநிலங்களில் சிறப்பு தீவிர வாக்காளர் பட்டியல் திருத்தப் பணிகள் அடுத்த வாரம் தொடங்க உள்ளன என்று இந்தியத் தேர்தல் ஆணையம் சென்னை உயர்நீதிமன்றத்தில் தெரிவித்துள்ளது.
தி.நகர் தொகுதியில் முறைகேடு புகார்
சென்னை தி.நகர் தொகுதியின் முன்னாள் அதிமுக எம்.எல்.ஏ.வான சத்தியநாராயணன் சென்னை உயர்நீதிமன்றத்தில் மனு ஒன்றைத் தாக்கல் செய்திருந்தார். அந்த மனுவில், தி.நகர் தொகுதியில் உள்ள வாக்குச்சாவடி அதிகாரிகளாகப் பணியாற்றும் திமுகவினர் ஆளுங்கட்சிக்குச் சாதகமாகச் செயல்பட்டு, சுமார் 13 ஆயிரம் அதிமுக ஆதரவாளர்களின் பெயர்களை வாக்காளர் பட்டியலில் இருந்து நீக்கியுள்ளதாகக் குற்றம் சாட்டப்பட்டிருந்தது.
மேலும், 1998ஆம் ஆண்டு தி.நகர் தொகுதியில் 2 லட்சத்து 8 ஆயிரத்து 349 வாக்காளர்கள் இருந்த நிலையில், 30 ஆண்டுகளுக்குப் பிறகு 2021ஆம் ஆண்டு வெறும் 36 ஆயிரத்து 656 வாக்காளர்கள் மட்டுமே அதிகரித்துள்ளனர். எனவே, மக்கள்தொகைக்கும் வாக்காளர்களின் எண்ணிக்கைக்கும் பெரும் வித்தியாசம் இருப்பதாகவும் அவர் சுட்டிக் காட்டினார். இதுதொடர்பாகத் தேர்தல் ஆணைய அதிகாரிகளுக்குப் புகார் அளித்தும் எந்த நடவடிக்கையும் எடுக்கப்படவில்லை என்றும் மனுவில் தெரிவிக்கப்பட்டிருந்தது.
மனுதாரரின் கோரிக்கை
இந்தச் சூழலில், தேர்தல் நியாயமாகவும் நேர்மையாகவும் நடைபெறுவதை உறுதிசெய்யும் வகையில், 2026ஆம் ஆண்டு சட்டமன்றத் தேர்தலுக்கு முன், தி.நகர் தொகுதியின் வாக்காளர் பட்டியலை மீண்டும் சரிபார்த்து, தவறான சேர்க்கை மற்றும் நீக்கங்களைக் களைந்து, புதிய இறுதி வாக்காளர் பட்டியலை வெளியிடத் தேர்தல் ஆணையத்துக்கு உத்தரவிட வேண்டும் என்றும் சத்தியநாராயணன் கோரிக்கை விடுத்திருந்தார்.
இந்த வழக்கு, தலைமை நீதிபதி எம்.எம். ஸ்ரீவஸ்தவா மற்றும் நீதிபதி ஜி. அருள் முருகன் ஆகியோர் அடங்கிய அமர்வில் விசாரணைக்கு வந்தபோது, மனுதாரர் தரப்பில், தொகுதியில் மொத்தமாக நடந்த வாக்காளர் சேர்க்கை மற்றும் நீக்கங்களைச் சரி செய்யக் கோரிப் பல மனுக்கள் அனுப்பியும் நடவடிக்கை இல்லை எனக் கூறப்பட்டது. அத்துடன், தமிழில் உள்ள ஆவணங்களை மொழிபெயர்த்துத் தாக்கல் செய்ய ஏதுவாக விசாரணையைத் தள்ளி வைக்கவும் கோரப்பட்டது.
தேர்தல் ஆணையத்தின் விளக்கம்
இதற்குப் பதிலளித்த தேர்தல் ஆணையம் தரப்பு, நாடு முழுவதும் தேர்தலை எதிர்கொள்ளவுள்ள தமிழகம் உள்ளிட்ட மாநிலங்களில், பீகாரைப் போன்ற சிறப்பு தீவிர வாக்காளர் பட்டியல் திருத்தப் பணிகள் அடுத்த வாரத்தில் தொடங்க உள்ளன என்றும், அப்போது மனுதாரர் தெரிவித்த அனைத்துப் புகார்களும் கவனிக்கப்பட்டுத் திருத்தம் செய்யப்படும் என்றும் நீதிமன்றத்தில் தெரிவிக்கப்பட்டது.
மனுதாரர் தரப்பு கோரிக்கையை ஏற்றுக்கொண்ட நீதிபதிகள், வழக்கை அடுத்த வாரத்துக்குத் தள்ளி வைத்தனர். அத்துடன், பீகார் சிறப்பு தீவிர திருத்தப் பணிகளுக்கு எதிரான வழக்கில் உச்ச நீதிமன்றம் பிறப்பித்த உத்தரவு நகல்களைத் தாக்கல் செய்யுமாறு தேர்தல் ஆணையத்துக்கு உத்தரவிட்டனர்.
தி.நகர் தொகுதியில் முறைகேடு புகார்
சென்னை தி.நகர் தொகுதியின் முன்னாள் அதிமுக எம்.எல்.ஏ.வான சத்தியநாராயணன் சென்னை உயர்நீதிமன்றத்தில் மனு ஒன்றைத் தாக்கல் செய்திருந்தார். அந்த மனுவில், தி.நகர் தொகுதியில் உள்ள வாக்குச்சாவடி அதிகாரிகளாகப் பணியாற்றும் திமுகவினர் ஆளுங்கட்சிக்குச் சாதகமாகச் செயல்பட்டு, சுமார் 13 ஆயிரம் அதிமுக ஆதரவாளர்களின் பெயர்களை வாக்காளர் பட்டியலில் இருந்து நீக்கியுள்ளதாகக் குற்றம் சாட்டப்பட்டிருந்தது.
மேலும், 1998ஆம் ஆண்டு தி.நகர் தொகுதியில் 2 லட்சத்து 8 ஆயிரத்து 349 வாக்காளர்கள் இருந்த நிலையில், 30 ஆண்டுகளுக்குப் பிறகு 2021ஆம் ஆண்டு வெறும் 36 ஆயிரத்து 656 வாக்காளர்கள் மட்டுமே அதிகரித்துள்ளனர். எனவே, மக்கள்தொகைக்கும் வாக்காளர்களின் எண்ணிக்கைக்கும் பெரும் வித்தியாசம் இருப்பதாகவும் அவர் சுட்டிக் காட்டினார். இதுதொடர்பாகத் தேர்தல் ஆணைய அதிகாரிகளுக்குப் புகார் அளித்தும் எந்த நடவடிக்கையும் எடுக்கப்படவில்லை என்றும் மனுவில் தெரிவிக்கப்பட்டிருந்தது.
மனுதாரரின் கோரிக்கை
இந்தச் சூழலில், தேர்தல் நியாயமாகவும் நேர்மையாகவும் நடைபெறுவதை உறுதிசெய்யும் வகையில், 2026ஆம் ஆண்டு சட்டமன்றத் தேர்தலுக்கு முன், தி.நகர் தொகுதியின் வாக்காளர் பட்டியலை மீண்டும் சரிபார்த்து, தவறான சேர்க்கை மற்றும் நீக்கங்களைக் களைந்து, புதிய இறுதி வாக்காளர் பட்டியலை வெளியிடத் தேர்தல் ஆணையத்துக்கு உத்தரவிட வேண்டும் என்றும் சத்தியநாராயணன் கோரிக்கை விடுத்திருந்தார்.
இந்த வழக்கு, தலைமை நீதிபதி எம்.எம். ஸ்ரீவஸ்தவா மற்றும் நீதிபதி ஜி. அருள் முருகன் ஆகியோர் அடங்கிய அமர்வில் விசாரணைக்கு வந்தபோது, மனுதாரர் தரப்பில், தொகுதியில் மொத்தமாக நடந்த வாக்காளர் சேர்க்கை மற்றும் நீக்கங்களைச் சரி செய்யக் கோரிப் பல மனுக்கள் அனுப்பியும் நடவடிக்கை இல்லை எனக் கூறப்பட்டது. அத்துடன், தமிழில் உள்ள ஆவணங்களை மொழிபெயர்த்துத் தாக்கல் செய்ய ஏதுவாக விசாரணையைத் தள்ளி வைக்கவும் கோரப்பட்டது.
தேர்தல் ஆணையத்தின் விளக்கம்
இதற்குப் பதிலளித்த தேர்தல் ஆணையம் தரப்பு, நாடு முழுவதும் தேர்தலை எதிர்கொள்ளவுள்ள தமிழகம் உள்ளிட்ட மாநிலங்களில், பீகாரைப் போன்ற சிறப்பு தீவிர வாக்காளர் பட்டியல் திருத்தப் பணிகள் அடுத்த வாரத்தில் தொடங்க உள்ளன என்றும், அப்போது மனுதாரர் தெரிவித்த அனைத்துப் புகார்களும் கவனிக்கப்பட்டுத் திருத்தம் செய்யப்படும் என்றும் நீதிமன்றத்தில் தெரிவிக்கப்பட்டது.
மனுதாரர் தரப்பு கோரிக்கையை ஏற்றுக்கொண்ட நீதிபதிகள், வழக்கை அடுத்த வாரத்துக்குத் தள்ளி வைத்தனர். அத்துடன், பீகார் சிறப்பு தீவிர திருத்தப் பணிகளுக்கு எதிரான வழக்கில் உச்ச நீதிமன்றம் பிறப்பித்த உத்தரவு நகல்களைத் தாக்கல் செய்யுமாறு தேர்தல் ஆணையத்துக்கு உத்தரவிட்டனர்.
