LIVE 24 X 7
தமிழ் சினிமாவின் முன்னணி நடிகை நயன்தாரா முக்கிய கதாபாத்திரத்தில் நடிக்கும் பிரம்மாண்டத் திரைப்படமான 'மூக்குத்தி அம்மன் 2' படத்தின் முதல் பார்வை (First Look), இன்று (அக்டோபர் 2, 2025) விஜயதசமியை முன்னிட்டு வெளியாகி இணையத்தில் வைரலாகி வருகிறது.
படத்தின் சிறப்பம்சங்கள்
ஹாரர் மற்றும் கலக்கல் காமெடிப் படங்களுக்குப் பெயர் பெற்ற சுந்தர் சி இந்தப் படத்தை இயக்குகிறார். சுந்தர் சி நடிப்பில் இறுதியாக 'கேங்கர்ஸ்' திரைப்படம் வெளியாகி இருந்தது. 2020ஆம் ஆண்டு ஆர்.ஜே.பாலாஜி இயக்கத்தில் வெளியான 'மூக்குத்தி அம்மன்' திரைப்படத்தின் தொடர்ச்சியாக இந்தப் படம் உருவாகி வருவதாகக் கூறப்படுகிறது.
இன்று வெளியான முதல் பார்வை போஸ்டரில், நடிகை நயன்தாரா அம்மன் வேடத்தில் அமர்ந்திருப்பது போலக் காட்சியளிக்கிறது. இந்தப் படத்தில் நயன்தாரா இரண்டு வேடங்களில் நடிப்பதாகத் தகவல்கள் தெரிவிக்கின்றன.
'மூக்குத்தி அம்மன் 1' படத்தை ஒப்பிடும்போது, 'மூக்குத்தி அம்மன் 2' மிக பிரம்மாண்டமாகத் தயாராகி வருவதால், ரசிகர்களிடையே படத்தின் மீதான எதிர்பார்ப்பு அதிகரித்துள்ளது. இசை மற்றும் தயாரிப்பு: இந்தப் படத்திற்கு ஹிப்ஹாப் ஆதி இசையமைக்கிறார். இதை வேல்ஸ் பிலிம்ஸ் இண்டர்நேஷனல் சார்பில் தயாரிப்பாளர் ஐசாரி கே கணேஷ் தயாரிக்கிறார்.
நடிகர்கள் பட்டாளம்
நயன்தாரா முன்னணி கதாபாத்திரத்தில் நடிக்கும் இந்தத் திரைப்படத்தில், சுந்தர் சி ஒரு சிறப்பு வேடத்தில் நடிக்கிறார். இவர்களுடன் ஊர்வசி, தான்யா விஜய், ரெஜினா கசான்ட்ரா, யோகி பாபு, அபிநயா, சிங்கம்புலி, மைனா நந்தினி, ராமச்சந்திரா ராஜு மற்றும் இனியா உட்படப் பல முக்கிய நடிகர்கள் இணைந்து நடிக்கின்றனர்.
கடந்த மார்ச் 2025-இல் படப்பிடிப்பு தொடங்கப்பட்டு, தற்போது இறுதிக்கட்டத்தை எட்டியுள்ள 'மூக்குத்தி அம்மன் 2' திரைப்படம், வரும் 2026ஆம் ஆண்டு வெளியாகும் என எதிர்பார்க்கப்படுகிறது.
