LIVE 24 X 7
கேரளா மற்றும் மேற்கு வங்க மாநிலங்களில் நிபா வைரஸ் பாதிப்பு அவ்வப்போது கண்டறியப்பட்டு வரும் நிலையில், தமிழகத்தில் முன்னெச்சரிக்கை நடவடிக்கைகளைத் தீவிரப்படுத்தத் தமிழக சுகாதாரத்துறை உத்தரவிட்டுள்ளது. இது தொடர்பாகப் பொதுச் சுகாதாரத் துறை இயக்குநர் டாக்டர் சோமசுந்தரம் வெளியிட்டுள்ள செய்திக்குறிப்பில், பொதுமக்கள் பின்பற்ற வேண்டிய பாதுகாப்பு வழிமுறைகள் விரிவாக விளக்கப்பட்டுள்ளன.
பரவும் விதம் மற்றும் அறிகுறிகள்
நிபா வைரஸ் என்பது விலங்குகள் மூலம் மனிதர்களுக்குப் பரவக்கூடிய ஒரு வகை தொற்று நோயாகும். குறிப்பாகப் பழங்களை உண்ணும் வௌவால்கள், குதிரைகள், பன்றிகள் மற்றும் நாய்கள் மூலம் இது பரவுகிறது. வௌவால்கள் கடித்த அல்லது அவற்றின் உமிழ்நீர் படிந்த பழங்களை உண்பதன் மூலமும், பாதிக்கப்பட்ட நபர்களுடன் நெருங்கிய தொடர்பில் இருப்பதன் மூலமும் இந்தத் தொற்று ஏற்படுகிறது.
பாதிப்பு ஏற்பட்ட 6 முதல் 21 நாட்களுக்குள் காய்ச்சல், தலைவலி, வாந்தி, மூச்சுத்திணறல், குழப்பமான மனநிலை மற்றும் வலிப்பு போன்ற அறிகுறிகள் தென்படும் எனத் தெரிவிக்கப்பட்டுள்ளது.
பதநீர் மற்றும் கள்ளுக்குத் தடை ஏன்?
பனை மற்றும் தென்னை மரங்களில் பதநீர், கள்ளு சேகரிக்கப்படும் பானைகளில் வௌவால்கள் அமரவோ அல்லது எச்சம் இடவோ வாய்ப்புகள் அதிகம். இதனால் வௌவால்களின் உமிழ்நீர் அந்தப் பானங்களில் கலந்து வைரஸ் பரவும் அபாயம் உள்ளதால், பதநீர் மற்றும் கள்ளு அருந்துவதைத் தவிர்க்க வேண்டும் எனச் சுகாதாரத்துறை அறிவுறுத்தியுள்ளது. மேலும், மரங்களிலிருந்து தானாகக் கீழே விழுந்த பழங்களை உண்ண வேண்டாம் என்றும், பழங்களை நன்கு கழுவிய பின்பே பயன்படுத்த வேண்டும் என்றும் கேட்டுக்கொள்ளப்பட்டுள்ளது.
எல்லையோர மாவட்டங்களில் தீவிர கண்காணிப்பு
நிபா வைரஸ் பரவலைத் தடுக்க மாவட்ட சுகாதார அலுவலர்களுக்குத் தேவையான உத்தரவுகள் பிறப்பிக்கப்பட்டுள்ளன. குறிப்பாக, அண்டை மாநில எல்லைகளைப் பகிர்ந்து கொள்ளும் மாவட்டங்களில் சிறப்பு கவனம் செலுத்தவும், தூர்வாரப்படாத கிணறுகள் மற்றும் வௌவால்கள் அதிகம் வசிக்கும் இடங்களைக் கண்காணிக்கவும் அறிவுறுத்தப்பட்டுள்ளது.
மேற்கு வங்கம் அல்லது கேரளா போன்ற பாதிப்புள்ள பகுதிகளுக்குப் பயணம் செய்தவர்கள், மேலே குறிப்பிட்ட அறிகுறிகள் இருந்தால் உடனடியாக அரசு மருத்துவமனையை அணுக வேண்டும். தமிழக அரசு அனைத்து முன்னெச்சரிக்கை நடவடிக்கைகளையும் எடுத்து வருவதால், பொதுமக்கள் தேவையற்ற அச்சம் கொள்ளத் தேவையில்லை என்றும் அந்த அறிக்கையில் கூறப்பட்டுள்ளது.
பரவும் விதம் மற்றும் அறிகுறிகள்
நிபா வைரஸ் என்பது விலங்குகள் மூலம் மனிதர்களுக்குப் பரவக்கூடிய ஒரு வகை தொற்று நோயாகும். குறிப்பாகப் பழங்களை உண்ணும் வௌவால்கள், குதிரைகள், பன்றிகள் மற்றும் நாய்கள் மூலம் இது பரவுகிறது. வௌவால்கள் கடித்த அல்லது அவற்றின் உமிழ்நீர் படிந்த பழங்களை உண்பதன் மூலமும், பாதிக்கப்பட்ட நபர்களுடன் நெருங்கிய தொடர்பில் இருப்பதன் மூலமும் இந்தத் தொற்று ஏற்படுகிறது.
பாதிப்பு ஏற்பட்ட 6 முதல் 21 நாட்களுக்குள் காய்ச்சல், தலைவலி, வாந்தி, மூச்சுத்திணறல், குழப்பமான மனநிலை மற்றும் வலிப்பு போன்ற அறிகுறிகள் தென்படும் எனத் தெரிவிக்கப்பட்டுள்ளது.
பதநீர் மற்றும் கள்ளுக்குத் தடை ஏன்?
பனை மற்றும் தென்னை மரங்களில் பதநீர், கள்ளு சேகரிக்கப்படும் பானைகளில் வௌவால்கள் அமரவோ அல்லது எச்சம் இடவோ வாய்ப்புகள் அதிகம். இதனால் வௌவால்களின் உமிழ்நீர் அந்தப் பானங்களில் கலந்து வைரஸ் பரவும் அபாயம் உள்ளதால், பதநீர் மற்றும் கள்ளு அருந்துவதைத் தவிர்க்க வேண்டும் எனச் சுகாதாரத்துறை அறிவுறுத்தியுள்ளது. மேலும், மரங்களிலிருந்து தானாகக் கீழே விழுந்த பழங்களை உண்ண வேண்டாம் என்றும், பழங்களை நன்கு கழுவிய பின்பே பயன்படுத்த வேண்டும் என்றும் கேட்டுக்கொள்ளப்பட்டுள்ளது.
எல்லையோர மாவட்டங்களில் தீவிர கண்காணிப்பு
நிபா வைரஸ் பரவலைத் தடுக்க மாவட்ட சுகாதார அலுவலர்களுக்குத் தேவையான உத்தரவுகள் பிறப்பிக்கப்பட்டுள்ளன. குறிப்பாக, அண்டை மாநில எல்லைகளைப் பகிர்ந்து கொள்ளும் மாவட்டங்களில் சிறப்பு கவனம் செலுத்தவும், தூர்வாரப்படாத கிணறுகள் மற்றும் வௌவால்கள் அதிகம் வசிக்கும் இடங்களைக் கண்காணிக்கவும் அறிவுறுத்தப்பட்டுள்ளது.
மேற்கு வங்கம் அல்லது கேரளா போன்ற பாதிப்புள்ள பகுதிகளுக்குப் பயணம் செய்தவர்கள், மேலே குறிப்பிட்ட அறிகுறிகள் இருந்தால் உடனடியாக அரசு மருத்துவமனையை அணுக வேண்டும். தமிழக அரசு அனைத்து முன்னெச்சரிக்கை நடவடிக்கைகளையும் எடுத்து வருவதால், பொதுமக்கள் தேவையற்ற அச்சம் கொள்ளத் தேவையில்லை என்றும் அந்த அறிக்கையில் கூறப்பட்டுள்ளது.
