நார்வே செஸ் 2025: குகேஷுக்கு பிறந்த நாளில் முதல் வெற்றி

நார்வே கிளாசிக்கல் செஸ் போட்டி அந்நாட்டில் உள்ள ஸ்டாவஞ்சர் நகரில் தற்போது நடைபெற்று வருகிறது. இந்த போட்டியில் மொத்தம் 6 வீரர்கள் கலந்து கொண்டுள்ளனர். இந்தத் தொடரின் மூன்றாவது சுற்று ஆட்டத்தில் அமெரிக்காவின் ஹிகாரு நகமுராவை இந்தியாவின் குகேஷ் எதிர்கொண்ட நிலையில், ஆட்டத்தின் 42-வது நகர்த்தலில் குகேஷ் வெற்றி பெற்றார். இதன் வெற்றியின் மூலம் உலக சாம்பியனான குகேஷ் 3 புள்ளிகள் பெற்றுள்ளார்.

முதல் இரண்டு சுற்றுகளில் உலகின் 1வது இடத்தில் உள்ள நார்வே வீரர் மேக்னஸ் கார்ல்சன் மற்றும் சக இந்திய வீரர் அர்ஜுன் எரிகைசி ஆகியோரிடம் தொடர்ச்சியான தோல்விகளைச் சந்தித்தார். கடந்த இரண்டு சுற்றுகளில் சமநிலையில் இருந்தார்.

மூன்றாவது சுற்றில் நடந்த இந்தப் போட்டியில், அவர் அமெரிக்காவைச் சேர்ந்த புகழ்பெற்ற வீரர் ஹிகரு நகமுராவை வீழ்த்தினார். இந்த வெற்றி குகேஷுக்கு மிகவும் முக்கியமானதாகக் கருதப்படுகிறது. ஏனெனில் இது அவரது பிறந்தநாளில் நிகழ்ந்த ஒரு சிறப்பான தருணமாக அமைந்தது.

நார்வே செஸ் போட்டி உலகின் மிக உயரிய செஸ் போட்டிகளில் ஒன்றாகும். இதில் உலகின் தலைசிறந்த வீரர்கள் பங்கேற்பது வழக்கமாக உள்ளது. இப்போட்டியின் மூன்றாவது சுற்று வரை அவர் முதல் வெற்றியைப் பெறவில்லை என்றாலும், இந்த வெற்றி அவருக்கு புதிய உத்வேகத்தை அளித்துள்ளது.

பிறந்த நாளில் கிடைத்த இந்த வெற்றி, அவரது ரசிகர்களிடையே மகிழ்ச்சியை ஏற்படுத்தியுள்ளது. தொடரின் அடுத்த சுற்றுகளில் குகேஷ் எப்படி முன்னேறுகிறார் என்பது சுவாரசியமாக உள்ளது.