LIVE 24 X 7
ஐபிஎல் 2026 தொடரின் 5-வது லீக் ஆட்டத்தில், இன்று லக்னோ சூப்பர் ஜெயன்ட்ஸ் மற்றும் டெல்லி கேப்பிட்டல்ஸ் அணிகள் பலப்பரீட்சை நடத்துகின்றன. லக்னோவில் நடைபெறும் இந்த ஆட்டத்தில் இரு அணிகளும் வெற்றிக் கணக்கைத் தொடங்க மல்லுக்கட்டவுள்ளன.
ரிஷப் பண்ட் தலைமையிலான லக்னோ சூப்பர் ஜெயன்ட்ஸ் அணி, அக்ஷர் பட்டேல் தலைமையிலான டெல்லி கேப்பிட்டல்ஸ் அணியை எதிர்கொள்கிறது. கடந்த சீசனில் எதிர்பார்த்த அளவிற்கு ஜொலிக்காத ரிஷப் பண்ட், இந்த முறை கேப்டனாகவும் பேட்டராகவும் தனது திறமையை நிரூபிக்க வேண்டிய கட்டாயத்தில் உள்ளார். மறுபுறம், கடந்த முறை நூலிழையில் பிளே-ஆஃப் வாய்ப்பைத் தவறவிட்ட டெல்லி அணி, இந்த முறை வலுவான தொடக்கத்தைப் பெற முனைப்பு காட்டி வருகிறது.
நட்சத்திர வீரர்களின் பலப்பரீட்சை
லக்னோ அணியில் மிட்செல் மார்ஷ், நிக்கோலஸ் பூரன், மார்க்ரம் போன்ற அதிரடி பேட்ஸ்மேன்கள் உள்ளனர். பந்துவீச்சில் முகமது ஷமி, ஆவேஷ்கான் ஆகியோருடன், காயத்திலிருந்து மீண்டுள்ள 150 கி.மீ வேகப்பந்து வீச்சாளர் மயங்க் யாதவ் பெரும் எதிர்பார்ப்பை ஏற்படுத்தியுள்ளார். டெல்லி அணியில் லோகேஷ் ராகுல், பதும் நிசாங்கா, டேவிட் மில்லர் போன்ற அனுபவ வீரர்களுடன், அக்ஷர் பட்டேல் மற்றும் குல்தீப் யாதவ் சுழற்பந்து வீச்சில் பலம் சேர்க்கின்றனர்.
ரஞ்சி ஹீரோ மற்றும் ஸ்டார்க் இல்லாத பின்னடைவு
டெல்லி அணிக்கு மிட்செல் ஸ்டார்க் தாமதமாக இணைவது பின்னடைவாகக் கருதப்படுகிறது. இருப்பினும், ரஞ்சி கோப்பையில் ஜம்மு-காஷ்மீர் அணி சாம்பியன் பட்டம் வெல்ல உதவிய வேகப்பந்து வீச்சாளர் ஆகிப் நபியை ரூ. 8.4 கோடிக்கு டெல்லி வாங்கியுள்ளது. ரஞ்சி தொடரில் 60 விக்கெட்டுகளை வீழ்த்திய அவரது பந்துவீச்சு இன்றைய போட்டியில் முக்கியக் கவனத்தைப் பெறும் என எதிர்பார்க்கப்படுகிறது.
நேருக்கு நேர் மோதல்
இதுவரை இவ்விரு அணிகளும் ஐபிஎல் வரலாற்றில் 7 முறை நேருக்கு நேர் மோதியுள்ளன. இதில் டெல்லி கேப்பிட்டல்ஸ் 4 முறையும், லக்னோ சூப்பர் ஜெயன்ட்ஸ் 3 முறையும் வெற்றி பெற்றுள்ளன. புள்ளி விவரப்படி டெல்லி முன்னிலையில் இருந்தாலும், சொந்த மண்ணில் லக்னோ அணி ஆதிக்கம் செலுத்த வாய்ப்புள்ளது.
ரிஷப் பண்ட் தலைமையிலான லக்னோ சூப்பர் ஜெயன்ட்ஸ் அணி, அக்ஷர் பட்டேல் தலைமையிலான டெல்லி கேப்பிட்டல்ஸ் அணியை எதிர்கொள்கிறது. கடந்த சீசனில் எதிர்பார்த்த அளவிற்கு ஜொலிக்காத ரிஷப் பண்ட், இந்த முறை கேப்டனாகவும் பேட்டராகவும் தனது திறமையை நிரூபிக்க வேண்டிய கட்டாயத்தில் உள்ளார். மறுபுறம், கடந்த முறை நூலிழையில் பிளே-ஆஃப் வாய்ப்பைத் தவறவிட்ட டெல்லி அணி, இந்த முறை வலுவான தொடக்கத்தைப் பெற முனைப்பு காட்டி வருகிறது.
நட்சத்திர வீரர்களின் பலப்பரீட்சை
லக்னோ அணியில் மிட்செல் மார்ஷ், நிக்கோலஸ் பூரன், மார்க்ரம் போன்ற அதிரடி பேட்ஸ்மேன்கள் உள்ளனர். பந்துவீச்சில் முகமது ஷமி, ஆவேஷ்கான் ஆகியோருடன், காயத்திலிருந்து மீண்டுள்ள 150 கி.மீ வேகப்பந்து வீச்சாளர் மயங்க் யாதவ் பெரும் எதிர்பார்ப்பை ஏற்படுத்தியுள்ளார். டெல்லி அணியில் லோகேஷ் ராகுல், பதும் நிசாங்கா, டேவிட் மில்லர் போன்ற அனுபவ வீரர்களுடன், அக்ஷர் பட்டேல் மற்றும் குல்தீப் யாதவ் சுழற்பந்து வீச்சில் பலம் சேர்க்கின்றனர்.
ரஞ்சி ஹீரோ மற்றும் ஸ்டார்க் இல்லாத பின்னடைவு
டெல்லி அணிக்கு மிட்செல் ஸ்டார்க் தாமதமாக இணைவது பின்னடைவாகக் கருதப்படுகிறது. இருப்பினும், ரஞ்சி கோப்பையில் ஜம்மு-காஷ்மீர் அணி சாம்பியன் பட்டம் வெல்ல உதவிய வேகப்பந்து வீச்சாளர் ஆகிப் நபியை ரூ. 8.4 கோடிக்கு டெல்லி வாங்கியுள்ளது. ரஞ்சி தொடரில் 60 விக்கெட்டுகளை வீழ்த்திய அவரது பந்துவீச்சு இன்றைய போட்டியில் முக்கியக் கவனத்தைப் பெறும் என எதிர்பார்க்கப்படுகிறது.
நேருக்கு நேர் மோதல்
இதுவரை இவ்விரு அணிகளும் ஐபிஎல் வரலாற்றில் 7 முறை நேருக்கு நேர் மோதியுள்ளன. இதில் டெல்லி கேப்பிட்டல்ஸ் 4 முறையும், லக்னோ சூப்பர் ஜெயன்ட்ஸ் 3 முறையும் வெற்றி பெற்றுள்ளன. புள்ளி விவரப்படி டெல்லி முன்னிலையில் இருந்தாலும், சொந்த மண்ணில் லக்னோ அணி ஆதிக்கம் செலுத்த வாய்ப்புள்ளது.
