மருதமலையில் உள்ள கோயிலில் நடிகை திரிஷா சாமி தரிசனம் செய்தார்.

நடிகர் சூர்யா நடித்து வரும் ‘சூர்யா 45' என்ற திரைப்படம் கடந்த 27ஆம் தேதி மாசாணியம்மன் கோவிலில் படப்பிடிப்பு பூஜையுடன் தொடங்கியது. இதைத்தொடர்ந்து கோவை வேளாண் பல்கலைக் கழகத்தில் படபிடிப்பானது நடந்து வருகிறது.இதில் சூர்யா கதாநாயகனாகவும், திரிஷா உள்ளிட்ட முக்கிய திரைப்பட நடிகர்கள் நடித்து வருகின்றனர். 

இந்நிலையில் இன்று ஏழாம் படை வீடு என்று அழைக்கப்படும் மருதமலை கோவிலுக்கு சாமி தரிசனம் செய்ய நடிகை திரிஷா வந்தார்.‌ தமிழ் திரையுலகின் முன்னணி நடிகையாக உள்ள திரிஷா பல படங்களில் நடித்து வருகிறார். 

2022ஆம் ஆண்டு ’மௌனம் பேசியதே’ திரைப்படத்தின் மூலமாக முக்கிய கதாபாத்திரத்தில் தோன்றி நடித்தார். இந்த படம் வணிக ரீதியாக வெற்றி பெற்றது. அதைத் தொடர்ந்து, நடிகர் விக்ரமுடன் சாமி உள்ளிட்ட திரைப்படங்களில் நடிகை திரிஷா கதாநாயகியாக நடித்துள்ளார். குறிப்பாக நடிகர் விஜய்யுடன் நடித்த அனைத்து படங்களும் வசூல் ரீதியாக நல்ல வரவேற்பை பெற்றிருந்தது. இந்த நிலையில் திரிஷா திரைத்துறைக்கு வந்து 22 வருடங்கள் நிறைவு செய்துள்ளதை நேற்று கேக் வெட்டி கொண்டாடி உள்ளார். 

இந்த நிலையில் தான் திரைத்துறைக்கு வந்து 22 ஆண்டுகள் நிறைவு செய்ததை தொடர்ந்து கோவை, மருதமலை உள்ள கோயிலில் சாமி தரிசனம் செய்தார். இதனால் கோயில் வளாகத்தில் பரபரப்பு ஏற்பட்டது.