திமுக எம்எல்ஏ ரகுபதி வெற்றி செல்லுமா? சென்னை உயர் நீதிமன்றம் அதிரடி உத்தரவு!

புதுக்கோட்டை மாவட்டம் திருமயம் சட்டமன்றத் தொகுதி திமுக எம்.எல்.ஏ ரகுபதியின் வெற்றியை எதிர்த்துத் தமிழக வெற்றிக் கழகத்தின் (தவெக) வேட்பாளர் சிந்தாமணி தொடர்ந்த தேர்தல் வழக்கைச் சென்னை உயர் நீதிமன்றம் நிராகரித்து உத்தரவிட்டுள்ளது.

தேர்தல் வழக்கு பின்னணி

கடந்த சட்டமன்றத் தேர்தலில் திருமயம் தொகுதியில் திமுக சார்பில் போட்டியிட்ட முன்னாள் அமைச்சர் ரகுபதி, 1,492 வாக்குகள் வித்தியாசத்தில் வெற்றி பெற்றதாக அறிவிக்கப்பட்டது. இந்த முடிவை எதிர்த்து தவெக வேட்பாளரான சிந்தாமணி, சென்னை உயர் நீதிமன்றத்தில் தேர்தல் வழக்கைத் தாக்கல் செய்திருந்தார்.

உயர் நீதிமன்றத்தின் உத்தரவு

சிந்தாமணி தொடர்ந்த இந்தத் தேர்தல் வழக்கை விசாரிப்பிலிருந்து நிராகரிக்கக் கோரி திமுக எம்.எல்.ஏ ரகுபதி சார்பில் மனுத்தாக்கல் செய்யப்பட்டது. இந்த மனுவை விசாரித்த நீதிபதி ஜி.கே.இளந்திரையன், ரகுபதியின் மனுவை ஏற்றுக் கொண்டு, தவெக வேட்பாளர் சிந்தாமணியின் தேர்தல் வழக்கைச் செல்லாது என நிராகரித்து உத்தரவிட்டார்.

முன்னதாக, ரகுபதியின் வெற்றியை எதிர்த்துப் பொன்.பன்னீர்செல்வம் என்ற வாக்காளரும் தேர்தல் வழக்கு ஒன்றைத் தாக்கல் செய்திருந்தார். ஆனால், அவர் நேரில் ஆஜராகாமல் வழக்கறிஞர் மூலம் வழக்கைச் சமர்ப்பித்ததால், அந்த மனு விசாரணைக்கு உகந்தது அல்ல எனக் கூறி ஏற்கனவே நீதிபதி ஜி.கே.இளந்திரையனால் தள்ளுபடி செய்யப்பட்டது குறிப்பிடத்தக்கது.