விஜயின் ரோடு ஷோவில் கைக்குழந்தையுடன் கூட்டத்தில் சிக்கிய எம்.எல்.ஏ பல்லவி!

விஜயின் ரோடு ஷோவில் கைக்குழந்தையுடன் கூட்டத்தில் சிக்கிய எம்.எல்.ஏ பல்லவி!

மதுராந்தகத்தில் முதலமைச்சர் விஜய் மேற்கொண்ட ரோடு ஷோவில், அவரை நேரில் காண வந்த எம்.எல்.ஏ பல்லவி, கைக்குழந்தையுடன் கூட்டத்தில் சிக்கிய சம்பவம் தொடர்பான வீடியோ பரபரப்பை ஏற்படுத்தித்தியுள்ளது.

Author: Santhosh V அரசியல்

மதுராந்தகத்தில் விஜயின் ரோடு ஷோ

மதுராந்தகம் மற்றும் தாராபுரம் சட்டப்பேரவைத் தொகுதிகளுக்கான இடைத்தேர்தல் அக்டோபர் 6-ம் தேதி நடைபெறவுள்ள நிலையில், அரசியல் கட்சிகளின் தேர்தல் பிரச்சாரம் தீவிரமடைந்துள்ளது.

மதுராந்தகம் தொகுதியில் தவெக சார்பில் போட்டியிடும் மரகதம் குமரவேலுக்கு ஆதரவாக முதலமைச்சர் விஜய் ஏற்கெனவே பிரசாரம் மேற்கொண்டிருந்தார். இந்த நிலையில், இரண்டாவது முறையாக அவர் மதுராந்தகம் தொகுதியில் தேர்தல் பிரச்சாரத்தில் ஈடுபட்டுள்ளார்.

இந்த முறை பொதுக்கூட்டத்தில் உரையாற்றுவதற்குப் பதிலாக, பொதுமக்களை நேரடியாகச் சந்திக்கும் வகையில் விஜய் ரோடு ஷோ மேற்கொண்டார். செங்கல்பட்டு மாவட்டம் மாமண்டூரில் பிற்பகல் சுமார் 2.30 மணியளவில் தொடங்கிய இந்த ரோடு ஷோ, மதுராந்தகம் நோக்கி நடைபெற்றது.

விஜயின் பிரசார வாகனம் சென்ற வழியெங்கும் பொதுமக்களும் தவெக தொண்டர்களும் திரண்டு நின்று உற்சாக வரவேற்பு அளித்தனர். பல இடங்களில் மலர்களைத் தூவி விஜயை வரவேற்றனர்.

35 இடங்களில் வாக்கு சேகரிப்பு

மாமண்டூரில் தொடங்கி மதுராந்தகம் வரை சுமார் 35 இடங்களில் பொதுமக்களைச் சந்திக்கும் வகையில் விஜயின் ரோடு ஷோ திட்டமிடப்பட்டிருந்தது.

பிரசார வாகனத்தில் தவெக வேட்பாளர் மரகதம் குமரவேலுடன் நின்றபடி விஜய் வாக்கு சேகரித்தார். வழிநெடுகிலும் திரண்டிருந்த பொதுமக்கள் மற்றும் தொண்டர்களை நோக்கி கை அசைத்தபடியும், அவர்களின் வரவேற்பை ஏற்றுக்கொண்டபடியும் விஜய் சென்றார்.

கைக்குழந்தையுடன் கூட்டத்தில் சிக்கிய எம்.எல்.ஏ பல்லவி

இதற்கிடையே, விஜயின் ரோடு ஷோவில் பதிவான காட்சிகளில் எம்.எல்.ஏ பல்லவி தொடர்பான வீடியோவும் பரபரப்பை ஏற்படுத்தியுள்ளது. முதலமைச்சர் விஜயை நேரில் காண வந்த பல்லவி, கைக்குழந்தையுடன் பொதுமக்கள் திரண்டிருந்த கூட்டத்துக்குள் கூட்டமாக சிக்கிக்கொண்ட வீடியோ பரபரப்பை ஏற்படுத்தியுள்ளது.