தங்கத்தை தொடர்ந்து வெள்ளி விலையும் உயர்வு.. எவ்வளவு தெரியுமா?

கடந்த சில நாட்களாக ஏற்ற, இறக்கத்துடன் இருந்து வந்த தங்கம் விலை, இன்று மீண்டும் உயர்ந்துள்ளது. ஒரு சவரன் தங்கம் இன்று ரூ.320 உயர்ந்துள்ளது. இந்த விலை உயர்வு, பண்டிகை மற்றும் திருமணக் காலங்களில் நகை வாங்கத் திட்டமிட்டவர்களைக் கவலையடையச் செய்துள்ளது.

கடந்த 22 மற்றும் 23 ஆம் தேதி தங்கம் விலை அதிகரித்து, ஒரு சவரன் ரூ.85,120-க்கு விற்பனையாகி வரலாற்று உச்சத்தை எட்டியது. அதன்பின்னர், நேற்று முன்தினம் ரூ.320-ம், நேற்று ரூ.720-ம் குறைந்து, ஒரு சவரன் ரூ.84,080-க்கு விற்பனையானது.

இந்த நிலையில், இன்று தங்கம் விலை மீண்டும் உயர்ந்துள்ளது. கிராமுக்கு ரூ.40 அதிகரித்து, ஒரு கிராம் தங்கம் ரூ.10,550-க்கு விற்பனை செய்யப்படுகிறது. இதனால், சவரனுக்கு ரூ.320 உயர்ந்து, ஒரு சவரன் ரூ.84,400-க்கு விற்கப்படுகிறது.

வெள்ளி விலையும் உயர்வு

தங்கத்தைப் போலவே, வெள்ளி விலையும் இன்று அதிகரித்துள்ளது. கிராமுக்கு ரூ.3 உயர்ந்து, ஒரு கிராம் வெள்ளி ரூ.153-க்கும், ஒரு கிலோ பார் வெள்ளி ரூ.3,000 உயர்ந்து, ரூ.1,53,000-க்கும் விற்பனையாகிறது.

சர்வதேச சந்தையில் ஏற்படும் பொருளாதார மாற்றங்கள், டாலரின் மதிப்பு மற்றும் உலகளாவிய சந்தை நிலவரங்கள் ஆகியவை இந்த விலை உயர்வுக்குக் காரணமாக இருக்கலாம் என வல்லுநர்கள் தெரிவிக்கின்றனர்.