நகை பிரியர்களுக்கு ஷாக் நியூஸ்.. தங்கம் விலை அதிரடி உயர்வு!

கடந்த ஒரு வாரமாக ஏற்ற இறக்கத்துடன் காணப்பட்ட தங்கம் விலை, இன்று சென்னையில் அதிரடியாக உயர்ந்துள்ளது. சவரன் விலை ரூ.94,720-ஐ தாண்டி புதிய உச்சத்தை நோக்கிச் சென்று கொண்டிருக்கிறது. வெள்ளி விலையும் கணிசமாக உயர்ந்துள்ளது.

தங்கம் விலை நிலவரம்

தங்கம் விலை ஒரு நாள் ஏறுவதும் மறுநாள் இறங்குவதுமான சூழல் நீடித்து வரும் நிலையில், கடந்த நவம்பர் 25-ம் தேதி ஒரு கிராம் ரூ.11,720-க்கும், ஒரு சவரன் ரூ.93,760-க்கும் விற்பனையானது. அதைத் தொடர்ந்து, நவம்பர் 26-ம் தேதி கிராமுக்கு ரூ.80-ம், சவரனுக்கு ரூ.640-ம் உயர்ந்து, ஒரு சவரன் ரூ.94,400-க்கு விற்பனையானது. நேற்று (நவம்பர் 27) தங்கம் விலை கிராமுக்கு ரூ.30 குறைந்து ஒரு சவரன் ரூ.94,160-க்கு விற்பனையானது.

இந்நிலையில், சென்னையில் இன்று 22 கேரட் ஆபரணத் தங்கத்தின் விலையில் அதிரடி உயர்வு காணப்படுகிறது. கிராமுக்கு ரூ.70 உயர்ந்து, ஒரு கிராம் ரூ.11,840-க்கு விற்பனை செய்யப்படுகிறது. சவரனுக்கு ரூ.560 உயர்ந்து, ஒரு சவரன் ரூ.94,720-க்கு விற்பனை செய்யப்படுகிறது.

வெள்ளி விலை உயர்வு

தங்கத்தைப் போலவே வெள்ளி விலையும் இன்று உயர்ந்துள்ளது. கிராமுக்கு ரூ.3 உயர்ந்து, ஒரு கிராம் வெள்ளி ரூ.183-க்கு விற்பனை செய்யப்படுகிறது. கிலோவுக்கு ரூ.3,000 உயர்ந்து, பார் வெள்ளி ஒரு கிலோ ரூ.1,83,000-க்கு விற்பனை செய்யப்படுகிறது.