LIVE 24 X 7
பிரபல கிரிக்கெட் வீரரின் பெயரைப் பயன்படுத்தி இன்ஸ்டாகிராமில் போலிப் பக்கம் தொடங்கி, லட்சக்கணக்கில் பண மோசடி செய்த கணினிப் பொறியியல் பட்டதாரி இளைஞரைச் சைபர் கிரைம் போலீசார் கைது செய்துள்ளனர். இவர் மோசடிப் பணத்தைக் கொண்டு திருமணம் செய்தது விசாரணையில் அம்பலமாகியுள்ளது.
அரசு வேலை மோசடி அம்பலம்
சென்னை சாலிகிராமத்தைச் சேர்ந்த கீதா என்பவருக்கு கடந்த ஜூன் மாதம் இன்ஸ்டாகிராம் மூலம் அறிமுகமான ராகுல் (29), தான் ஒரு பிரபல கிரிக்கெட் வீரரின் தீவிர ரசிகன் என்று கூறியுள்ளார். ராகுல், தமிழ்நாடு கிரிக்கெட் அணியின் வீரரான பாபா இந்திரஜித் பெயரில் உள்ள இன்ஸ்டாகிராம் பக்கத்தைப் பின்தொடருமாறு கீதாவைக் கேட்டுக்கொண்டுள்ளார்.
கீதா அந்தப் பக்கத்தைப் பின்தொடர்ந்ததும், அவருக்கு ஒரு செல்போன் எண்ணில் இருந்து அழைப்பு வந்துள்ளது. அதில் பேசிய நபர், தான்தான் பாபா இந்திரஜித் என்று அறிமுகப்படுத்திக் கொண்டு, தனது செல்வாக்கைப் பயன்படுத்தி அரசு வேலை வாங்கித் தருவதாகக் கூறி கீதாவை நம்ப வைத்துள்ளார். அதற்கு செயலாக்கச் செலவுகள் (Processing and Formalities) ஆகும் என்று கூறியதன் பேரில், கீதா கடந்த ஜூன் மாதம் முதல் செப்டம்பர் மாதம் வரை பல தவணைகளாக ஜிபே மூலம் மொத்தம் ரூ.5,08,700 அனுப்பி உள்ளார்.
ஆனால், வேலை வாங்கித் தராமல் ஏமாற்றியது தெரிந்த பிறகு, கீதா தான் பணம் அனுப்பிய வங்கிக் கணக்கை ஆய்வு செய்துள்ளார். அப்போதுதான், சமூக வலைதளத்தில் நண்பராக இருந்த ராகுல்தான் கிரிக்கெட் வீரரின் பெயரில் போலிப் பக்கம் தொடங்கித் தன்னைப் பணம் மோசடி செய்தது தெரிய வந்துள்ளது. கீதாவின் புகாரின் பேரில் சைபர் கிரைம் போலீசார் ராகுலைக் கைது செய்தனர்.
மோசடியின் பின்னணியும் அதிர்ச்சித் தகவல்களும்
கைது செய்யப்பட்ட ராகுல், கணினிப் பொறியியல் படித்த பட்டதாரி ஆவார். கொரோனா காலத்தில் வேலை இழந்த இவர், 2023ஆம் ஆண்டு ஒரு மருந்து கம்பெனியில் வேலைக்குச் சேர்ந்த நிலையில், அங்கிருந்தும் பணி நீக்கப்பட்டுள்ளார்.
இந்தச் சூழலில், கன்னியாகுமாரியைச் சேர்ந்த தன் தோழி ஒருவருக்குச் சென்னையில் ஐ.டி. கம்பெனியில் வேலை வாங்கித் தருவதாகக் கூறி அவரிடம் இருந்து ரூ.1.13 லட்சம் மோசடி செய்துள்ளார். இது தொடர்பாகத் தோழி அளித்த புகாரின் பேரில் கன்னியாகுமாரி சைபர் கிரைம் போலீசார் ராகுலை விசாரித்தபோது, பணத்தைத் திருப்பித் தருவதாக எழுதி கொடுத்துள்ளார்.
பணமா சம்பாதிக்க என்ன செய்யலாம் என யோசித்த ராகுல், தனக்குத் தெரிந்த "கை வந்த கலை"யான சைபர் மோசடியைத் தொடர முடிவு செய்துள்ளார். பாபா இந்திரஜித்தின் தீவிர ரசிகர் என்பதால், அவரது பெயரிலேயே போலி இன்ஸ்டாகிராம் பக்கத்தை உருவாக்கி இந்த மோசடிகளை அரங்கேற்றியுள்ளார்.
பிற மோசடி உத்திகள்
ராகுல், பாபா இந்திரஜித் பெயரில் வாட்ஸ்அப், மின்னஞ்சல் போன்றவற்றை போலியாகத் தயாரித்து மோசடியில் ஈடுபட்டு வந்துள்ளார்.
மேலும், ராகுல் சில பெண்களின் பெயரில் போலி இன்ஸ்டாகிராம் பக்கத்தை உருவாக்கி, பல ஆண்களுடன் ஆபாசச் சேட்டிங் செய்து டேட்டிங் செய்யலாமா எனக் கேட்டு வந்துள்ளார். சில பெண்களின் நிர்வாண வீடியோக்களைப் பதிவிட்டு, வீடியோ கால் செய்தால் பணம் அனுப்ப வேண்டும் என்று பெண் போலவே பேசி ஏமாற்றியதும் விசாரணையில் தெரிய வந்துள்ளது.
இந்த மோசடி மூலம் கிடைத்த பணத்தைக் கொண்டு ராகுல் திருமணம் செய்து கொண்டதுடன், மாதந்தோறும் சம்பளம் பணம் போல இந்த மோசடிப் பணத்தைக் கொடுத்து வந்ததும் விசாரணையில் அம்பலமானது.
சைபர் கிரைம் போலீசார் ராகுலிடம் இருந்து குற்றச் செயலுக்குப் பயன்படுத்திய இரண்டு செல்போன்களைப் பறிமுதல் செய்தனர். கைது செய்யப்பட்ட ராகுல் நீதிமன்றத்தில் ஆஜர்படுத்தப்பட்டுச் சிறையில் அடைக்கப்பட்டார்.
அரசு வேலை மோசடி அம்பலம்
சென்னை சாலிகிராமத்தைச் சேர்ந்த கீதா என்பவருக்கு கடந்த ஜூன் மாதம் இன்ஸ்டாகிராம் மூலம் அறிமுகமான ராகுல் (29), தான் ஒரு பிரபல கிரிக்கெட் வீரரின் தீவிர ரசிகன் என்று கூறியுள்ளார். ராகுல், தமிழ்நாடு கிரிக்கெட் அணியின் வீரரான பாபா இந்திரஜித் பெயரில் உள்ள இன்ஸ்டாகிராம் பக்கத்தைப் பின்தொடருமாறு கீதாவைக் கேட்டுக்கொண்டுள்ளார்.
கீதா அந்தப் பக்கத்தைப் பின்தொடர்ந்ததும், அவருக்கு ஒரு செல்போன் எண்ணில் இருந்து அழைப்பு வந்துள்ளது. அதில் பேசிய நபர், தான்தான் பாபா இந்திரஜித் என்று அறிமுகப்படுத்திக் கொண்டு, தனது செல்வாக்கைப் பயன்படுத்தி அரசு வேலை வாங்கித் தருவதாகக் கூறி கீதாவை நம்ப வைத்துள்ளார். அதற்கு செயலாக்கச் செலவுகள் (Processing and Formalities) ஆகும் என்று கூறியதன் பேரில், கீதா கடந்த ஜூன் மாதம் முதல் செப்டம்பர் மாதம் வரை பல தவணைகளாக ஜிபே மூலம் மொத்தம் ரூ.5,08,700 அனுப்பி உள்ளார்.
ஆனால், வேலை வாங்கித் தராமல் ஏமாற்றியது தெரிந்த பிறகு, கீதா தான் பணம் அனுப்பிய வங்கிக் கணக்கை ஆய்வு செய்துள்ளார். அப்போதுதான், சமூக வலைதளத்தில் நண்பராக இருந்த ராகுல்தான் கிரிக்கெட் வீரரின் பெயரில் போலிப் பக்கம் தொடங்கித் தன்னைப் பணம் மோசடி செய்தது தெரிய வந்துள்ளது. கீதாவின் புகாரின் பேரில் சைபர் கிரைம் போலீசார் ராகுலைக் கைது செய்தனர்.
மோசடியின் பின்னணியும் அதிர்ச்சித் தகவல்களும்
கைது செய்யப்பட்ட ராகுல், கணினிப் பொறியியல் படித்த பட்டதாரி ஆவார். கொரோனா காலத்தில் வேலை இழந்த இவர், 2023ஆம் ஆண்டு ஒரு மருந்து கம்பெனியில் வேலைக்குச் சேர்ந்த நிலையில், அங்கிருந்தும் பணி நீக்கப்பட்டுள்ளார்.
இந்தச் சூழலில், கன்னியாகுமாரியைச் சேர்ந்த தன் தோழி ஒருவருக்குச் சென்னையில் ஐ.டி. கம்பெனியில் வேலை வாங்கித் தருவதாகக் கூறி அவரிடம் இருந்து ரூ.1.13 லட்சம் மோசடி செய்துள்ளார். இது தொடர்பாகத் தோழி அளித்த புகாரின் பேரில் கன்னியாகுமாரி சைபர் கிரைம் போலீசார் ராகுலை விசாரித்தபோது, பணத்தைத் திருப்பித் தருவதாக எழுதி கொடுத்துள்ளார்.
பணமா சம்பாதிக்க என்ன செய்யலாம் என யோசித்த ராகுல், தனக்குத் தெரிந்த "கை வந்த கலை"யான சைபர் மோசடியைத் தொடர முடிவு செய்துள்ளார். பாபா இந்திரஜித்தின் தீவிர ரசிகர் என்பதால், அவரது பெயரிலேயே போலி இன்ஸ்டாகிராம் பக்கத்தை உருவாக்கி இந்த மோசடிகளை அரங்கேற்றியுள்ளார்.
பிற மோசடி உத்திகள்
ராகுல், பாபா இந்திரஜித் பெயரில் வாட்ஸ்அப், மின்னஞ்சல் போன்றவற்றை போலியாகத் தயாரித்து மோசடியில் ஈடுபட்டு வந்துள்ளார்.
மேலும், ராகுல் சில பெண்களின் பெயரில் போலி இன்ஸ்டாகிராம் பக்கத்தை உருவாக்கி, பல ஆண்களுடன் ஆபாசச் சேட்டிங் செய்து டேட்டிங் செய்யலாமா எனக் கேட்டு வந்துள்ளார். சில பெண்களின் நிர்வாண வீடியோக்களைப் பதிவிட்டு, வீடியோ கால் செய்தால் பணம் அனுப்ப வேண்டும் என்று பெண் போலவே பேசி ஏமாற்றியதும் விசாரணையில் தெரிய வந்துள்ளது.
இந்த மோசடி மூலம் கிடைத்த பணத்தைக் கொண்டு ராகுல் திருமணம் செய்து கொண்டதுடன், மாதந்தோறும் சம்பளம் பணம் போல இந்த மோசடிப் பணத்தைக் கொடுத்து வந்ததும் விசாரணையில் அம்பலமானது.
சைபர் கிரைம் போலீசார் ராகுலிடம் இருந்து குற்றச் செயலுக்குப் பயன்படுத்திய இரண்டு செல்போன்களைப் பறிமுதல் செய்தனர். கைது செய்யப்பட்ட ராகுல் நீதிமன்றத்தில் ஆஜர்படுத்தப்பட்டுச் சிறையில் அடைக்கப்பட்டார்.
