ரூ.94,000-ஐ கடந்த தங்கம் விலை... வாடிக்கையாளர்கள் அதிர்ச்சி!

கடந்த சில வாரங்களாக தங்கம் விலை ஏற்ற இறக்கத்துடன் இருந்து வரும் நிலையில், நேற்று (நவம்பர் 25) ஏற்பட்ட அதிரடி உயர்வைத் தொடர்ந்து, இன்றும் தங்கம் விலை மீண்டும் உயர்ந்து ஒரு சவரன் ரூ.94,000-ஐ கடந்துள்ளது. இந்த தொடர் விலை ஏற்றதால் வாடிக்கையாளர்கள் அதிர்ச்சி அடைந்த்துள்ளனர்.

தொடர்ச்சியான விலை உயர்வு நிலவரம்

நேற்று முன்தினம் (நவம்பர் 24) ஒரு கிராம் ரூ.11,520-க்கும், ஒரு சவரன் ரூ.92,160-க்கும் விற்பனை ஆனது. நேற்றைய நிலவரப்படி, கிராமுக்கு ரூ.200-ம், சவரனுக்கு ரூ.1,600-ம் உயர்ந்து, ஒரு சவரன் ரூ.93,760-க்கு விற்பனை செய்யப்பட்டது. இதன் மூலம் தங்கம் மீண்டும் ரூ.93 ஆயிரத்தைக் கடந்திருந்தது.

இன்றைய தங்கம் விலை

இந்த நிலையில், இன்றும் தங்கம் விலை மேலும் உயர்ந்துள்ளது. 22 கேரட் தங்கம் கிராமுக்கு ரூ.80 உயர்ந்து, ஒரு கிராம் ரூ.11,800-க்கு விற்பனை செய்யப்படுகிறது. சவரனுக்கு ரூ.640 உயர்ந்து, ஒரு சவரன் ரூ.94,400-க்கு விற்பனையாகிறது.

வெள்ளி விலை நிலவரம்

வெள்ளியின் விலையும் இன்று உயர்ந்துள்ளது. கிராமுக்கு ரூ.2 உயர்ந்து, ஒரு கிராம் வெள்ளி ரூ.176-க்கு விற்பனை செய்யப்படுகிறது. கிலோவுக்கு ரூ.2,000 உயர்ந்து, பார் வெள்ளி ஒரு கிலோ ரூ.1,76,000-க்கு விற்பனை செய்யப்படுகிறது.