LIVE 24 X 7
திருப்பத்தூர் மாவட்டம், தோரணம்பதி கிராமத்தில் கூலித் தொழிலாளி மோகன் என்பவரின் வீட்டில் வைத்திருந்த 27 சவரன் நகை மற்றும் ரூ. 50 ஆயிரம் பணம் மாயமான சம்பவம், அப்பகுதியில் பெரும் பரபரப்பை ஏற்படுத்தியுள்ளது. ஒரு ரூபாய் கூடச் செலவு செய்யாமல் மகளின் திருமணத்திற்காகச் சேர்த்த அனைத்தும் பறிபோனதால், மோகனின் குடும்பத்தினர் கண்ணீர் மல்கக் கதறி வருகின்றனர். மேலும், புகார் அளித்தும் போலீசார் உரிய நடவடிக்கை எடுக்கவில்லை என்றும் அவர்கள் குற்றஞ்சாட்டியுள்ளனர்.
சம்பவ விவரப்படி, தோரணம்பதி கிராமத்தைச் சேர்ந்த கூலித் தொழிலாளி மோகன் (51) மற்றும் அவரது மனைவி கவிதா ஆகியோர் கடினமாக உழைத்து, தங்கள் இளைய மகள் தமிழரசிக்கு (சென்னையில் ஐ.டி. நிறுவனத்தில் பணிபுரிகிறார்) திருமணம் செய்து வைப்பதற்காக இந்த 27 சவரன் நகையையும், ரூ. 50 ஆயிரம் பணத்தையும் சேர்த்திருந்தனர்.
திருட்டு நடந்த விதம்:
மோகன் மற்றும் கவிதா இருவரும் கூலி வேலைக்குச் செல்லும் வழக்கம் கொண்டவர்கள். வேலை முடிந்து யார் முதலில் வீட்டுக்கு வருகிறார்களோ, அவர்கள் வீட்டைத் திறக்க ஏதுவாக, சாவியை வீட்டின் வெளியே ஒரு குறிப்பிட்ட இடத்தில் மறைத்து வைப்பதை வழக்கமாகக் கொண்டிருந்ததாகக் கூறப்படுகிறது. இதனை நோட்டமிட்ட மர்ம நபர்கள், ஆள் இல்லாத நேரத்தில் அந்தச் சாவியை எடுத்து வீட்டைத் திறந்து உள்ளே புகுந்து, 27 சவரன் நகை மற்றும் ரூ. 50 ஆயிரம் பணத்தைக் கொள்ளையடித்துச் சென்றுள்ளனர்.
குற்றச்சாட்டு:
இந்தச் சம்பவம் குறித்து மோகன், திருப்பத்தூர் கிராமிய காவல் நிலையத்தில் புகார் அளித்துள்ளார். ஆனால், புகாரின் பேரில் போலீசார் வந்து கைரேகை மட்டும் பதிவு செய்துவிட்டுச் சென்றுவிட்டதாகவும், அதன் பிறகு எந்தவித நடவடிக்கையும் எடுக்கவில்லை என்றும் மோகனின் மகள் தமிழரசி கடும் குற்றச்சாட்டை முன்வைத்துள்ளார். "ஒத்த ரூபாய் கூடச் செலவு பண்ணாமச் சேர்த்து வச்சதெல்லாம் போச்சே! எங்க நகை பணத்தை எங்களுக்குக் கண்டுபிடிச்சுக் கொடுங்க. போலீஸ் ஏன் இப்படிப் பண்றாங்க என்று எங்களுக்குத் தெரியல" என்று கதறிய குடும்பத்தினர், தங்கள் நகையை மீட்டுத் தர வேண்டும் எனக் கண்ணீருடன் கோரிக்கை விடுத்துள்ளனர். இந்தத் துயரச் சம்பவம் அப்பகுதியில் பெரும் சோகத்தை ஏற்படுத்தியுள்ளது.
சம்பவ விவரப்படி, தோரணம்பதி கிராமத்தைச் சேர்ந்த கூலித் தொழிலாளி மோகன் (51) மற்றும் அவரது மனைவி கவிதா ஆகியோர் கடினமாக உழைத்து, தங்கள் இளைய மகள் தமிழரசிக்கு (சென்னையில் ஐ.டி. நிறுவனத்தில் பணிபுரிகிறார்) திருமணம் செய்து வைப்பதற்காக இந்த 27 சவரன் நகையையும், ரூ. 50 ஆயிரம் பணத்தையும் சேர்த்திருந்தனர்.
திருட்டு நடந்த விதம்:
மோகன் மற்றும் கவிதா இருவரும் கூலி வேலைக்குச் செல்லும் வழக்கம் கொண்டவர்கள். வேலை முடிந்து யார் முதலில் வீட்டுக்கு வருகிறார்களோ, அவர்கள் வீட்டைத் திறக்க ஏதுவாக, சாவியை வீட்டின் வெளியே ஒரு குறிப்பிட்ட இடத்தில் மறைத்து வைப்பதை வழக்கமாகக் கொண்டிருந்ததாகக் கூறப்படுகிறது. இதனை நோட்டமிட்ட மர்ம நபர்கள், ஆள் இல்லாத நேரத்தில் அந்தச் சாவியை எடுத்து வீட்டைத் திறந்து உள்ளே புகுந்து, 27 சவரன் நகை மற்றும் ரூ. 50 ஆயிரம் பணத்தைக் கொள்ளையடித்துச் சென்றுள்ளனர்.
குற்றச்சாட்டு:
இந்தச் சம்பவம் குறித்து மோகன், திருப்பத்தூர் கிராமிய காவல் நிலையத்தில் புகார் அளித்துள்ளார். ஆனால், புகாரின் பேரில் போலீசார் வந்து கைரேகை மட்டும் பதிவு செய்துவிட்டுச் சென்றுவிட்டதாகவும், அதன் பிறகு எந்தவித நடவடிக்கையும் எடுக்கவில்லை என்றும் மோகனின் மகள் தமிழரசி கடும் குற்றச்சாட்டை முன்வைத்துள்ளார். "ஒத்த ரூபாய் கூடச் செலவு பண்ணாமச் சேர்த்து வச்சதெல்லாம் போச்சே! எங்க நகை பணத்தை எங்களுக்குக் கண்டுபிடிச்சுக் கொடுங்க. போலீஸ் ஏன் இப்படிப் பண்றாங்க என்று எங்களுக்குத் தெரியல" என்று கதறிய குடும்பத்தினர், தங்கள் நகையை மீட்டுத் தர வேண்டும் எனக் கண்ணீருடன் கோரிக்கை விடுத்துள்ளனர். இந்தத் துயரச் சம்பவம் அப்பகுதியில் பெரும் சோகத்தை ஏற்படுத்தியுள்ளது.
