வங்கதேச அணியின் கோரிக்கையை நிராகரித்த ஐசிசி.. என்ன காரணம்?

வங்காளதேசத்தில் இந்துக்கள் அடித்துக் கொல்லப்பட்ட சம்பவத்தைத் தொடர்ந்து, இந்தியாவில் எழுந்த எதிர்ப்புகள் காரணமாக, வங்காளதேச கிரிக்கெட் வாரியம், தங்கள் அணி விளையாடும் சர்வதேசப் போட்டிகளை இந்தியாவில் நடத்தக் கூடாது என்று சர்வதேச கிரிக்கெட் கவுன்சிலிடம் (ICC) கோரிக்கை விடுத்திருந்தது. இந்தக் கோரிக்கையை ஐ.சி.சி. தற்போது நிராகரித்துள்ளது.

எதிர்ப்புகளின் பின்னணி

வங்காளதேசத்தில் இந்து மதத்தைச் சேர்ந்த இருவர் கொலை செய்யப்பட்ட சம்பவம் பெரும் அதிர்ச்சியை ஏற்படுத்தியது. இந்த சம்பவம் இந்தியாவில் பெரும் எதிர்ப்பலைகள் உருவாகின. இதன் காரணமாக, வங்காளதேச வீரர் முஸ்தபிசூர் ரஹ்மானை ஐ.பி.எல். போட்டிகளில் விளையாட அனுமதிக்கக் கூடாது என்றும், மீறிப் போட்டிகள் நடத்தப்பட்டால் ஆடுகளத்தைப் சூறையாடுவோம் என்றும் சில ஆன்மீகத் தலைவர்கள் மிரட்டல் விடுத்தனர்.

மேலும், ஐபிஎல் ஏலத்தில் முஸ்தபிசூர் ரஹ்மானை கொல்கத்தா அணிக்காக விளையாட வாங்கிய ஷாருக்கானை சிலர் தேச துரோகி என்றும் கடுமையாக விமர்சித்தனர். அரசியல் தலைவர்கள் மற்றும் பல்வேறு தரப்பிலிருந்து எழுந்த எதிர்ப்புகளின் விளைவாக, கொல்கத்தா ஐ.பி.எல். அணியில் இருந்த முஸ்தபிசூர் ரஹ்மான் விடுவிக்கப்பட்டார்.

வங்கதேசத்தின் கோரிக்கை நிராகரிப்பு

தங்கள் வீரருக்கு ஏற்பட்ட நிலை மற்றும் இந்தியாவிலிருந்து வந்த எதிர்ப்புகளைத் தொடர்ந்து, வங்காளதேச கிரிக்கெட் வாரியம் தங்கள் அணி விளையாடும் சர்வதேசப் போட்டிகளை இந்தியாவில் நடத்தக் கூடாது என்றும் பொடியை இலங்கைக்கு மாற்ற வேண்டும் என்றும் ஐ.சி.சி-யிடம் கோரிக்கை வைத்தது.

ஆனால், வங்காளதேச அணியின் இந்தக் கோரிக்கையை ஐ.சி.சி. நிராகரித்துள்ளது. வங்காளதேச அணிக்கு இந்தியாவில் எந்தவிதப் பாதுகாப்பு அச்சுறுத்தலும் இல்லை என்றும், போட்டிகளை வேறு இடத்திற்கு மாற்ற வேண்டும் என்ற கோரிக்கைக்கு எந்த அடிப்படையும் இல்லை என்றும் கூறி, ஐ.சி.சி. அந்தக் கோரிக்கையைத் தள்ளுபடி செய்துள்ளது.