LIVE 24 X 7
கர்நாடகத்தில் முதல்வர் சித்தராமையா தலைமையிலான காங்கிரஸ் ஆட்சி நடைபெற்று வரும் நிலையில், துணை முதல்வர் டி.கே. சிவக்குமார் வரும் ஜனவரி மாதம் 6-ஆம் தேதி புதிய முதல்வராகப் பதவியேற்பதற்கு 99% வாய்ப்பு இருப்பதாக ஆளும் காங்கிரஸ் கட்சியின் சட்டப்பேரவை உறுப்பினர் ஹெச்.ஏ. இக்பால் ஹுசைன் தெரிவித்துள்ளார். இது கர்நாடக அரசியல் வட்டாரத்தில் மீண்டும் சலசலப்பை ஏற்படுத்தியுள்ளது.
ஆட்சிக் காலப் பகிர்வு மற்றும் போட்டி
கர்நாடகத்தில் 2023-ஆம் ஆண்டு காங்கிரஸ் ஆட்சி அமைந்தபோது, முதல்வர் பதவிக்கு சித்தராமையா மற்றும் டி.கே. சிவக்குமார் இடையே கடும் போட்டி ஏற்பட்டது. முதல்வர் பதவியை இருவரும் ஆட்சிக் காலத்தில் பாதியாகப் (தலா 2.5 ஆண்டுகள்) பகிர்ந்து கொள்ள வேண்டும் என்று அப்போது ரகசிய ஒப்பந்தம் போடப்பட்டதாக அரசியல் வட்டாரங்களில் பேசப்பட்டது.
அதன்படி, சித்தராமையா ஆட்சி அதிகாரத்தில் இரண்டரை ஆண்டுகள் நிறைவடைந்துவிட்டதால், முதல்வர் பதவியை தனக்கு வழங்க வேண்டும் என்று துணை முதல்வர் டி.கே. சிவக்குமார் திடீரென வலியுறுத்தினார். இது கர்நாடக அரசியலில் பெரும் புயலைக் கிளப்பியது. இதற்கிடையில், காங்கிரஸ் மேலிட உத்தரவுப்படி சித்தராமையா மற்றும் டி.கே.சிவக்குமார் இருவரும் ஒன்றாகச் சிற்றுண்டி சாப்பிட்டு, தங்களுக்குள் எந்த கருத்து வேறுபாடும் இல்லை என்று விளக்கமளித்திருந்தனர்.
எம்.எல்.ஏ.வின் அதிரடி அறிவிப்பு
இந்த நிலையில், கர்நாடகத்தின் ராமநகரா சட்டப்பேரவை உறுப்பினர் ஹெச்.ஏ. இக்பால் ஹுசைன், வரும் ஜனவரி 6-ஆம் தேதி டி.கே. சிவக்குமார் முதல்வராகப் பதவியேற்க வாய்ப்புள்ளதாகத் தெரிவித்துள்ளார். இதுகுறித்துச் செய்தியாளர்களிடம் பேசிய அவர், “முதல்வர் பதவியில் இருந்து சித்தராமையா விலக வேண்டும். டி.கே.சிவகுமார் முதல்வர் ஆவதற்கு ஒரு வாய்ப்பு வழங்கப்பட வேண்டும். வரும் ஜனவரி 6-ஆம் தேதி டி.கே. சிவக்குமார் முதல்வராகப் பதவியேற்க 99 சதவிகிதம் வாய்ப்புள்ளது. எல்லாரும் இதைதான் கூறுகின்றனர். எனக்குத் தெரியாது, அது ஒரு தோராயமான எண் தான். அது ஜனவரி 6 அல்லது ஜனவரி 9, இவ்விரண்டில் ஏதோவொரு தேதியில் இது நடைபெறும்” என்று கூறியுள்ளார்.
அதிகாரப்பூர்வமற்ற தகவல்
முன்னதாக, முதல்வர் சித்தராமையா மற்றும் துணை முதல்வர் டி.கே. சிவக்குமார் இருவரும் இணைந்து, முதல்வர் பதவியில் எந்தவொரு மாற்றமும் இல்லை எனவும், காங்கிரஸ் கட்சியின் தலைவர்களின் முடிவுகளுக்கு நாங்கள் கட்டுப்படுவோம் எனவும் அறிவித்திருந்தது குறிப்பிடத்தக்கது. இருப்பினும், தற்போது எம்.எல்.ஏ. இக்பால் ஹுசைன் கணித்துள்ள இந்தத் தகவலை உறுதி செய்யும் வகையில் அதிகாரப்பூர்வ அறிவிப்பு எதுவும் இதுவரை வெளியாகவில்லை.
ஆட்சிக் காலப் பகிர்வு மற்றும் போட்டி
கர்நாடகத்தில் 2023-ஆம் ஆண்டு காங்கிரஸ் ஆட்சி அமைந்தபோது, முதல்வர் பதவிக்கு சித்தராமையா மற்றும் டி.கே. சிவக்குமார் இடையே கடும் போட்டி ஏற்பட்டது. முதல்வர் பதவியை இருவரும் ஆட்சிக் காலத்தில் பாதியாகப் (தலா 2.5 ஆண்டுகள்) பகிர்ந்து கொள்ள வேண்டும் என்று அப்போது ரகசிய ஒப்பந்தம் போடப்பட்டதாக அரசியல் வட்டாரங்களில் பேசப்பட்டது.
அதன்படி, சித்தராமையா ஆட்சி அதிகாரத்தில் இரண்டரை ஆண்டுகள் நிறைவடைந்துவிட்டதால், முதல்வர் பதவியை தனக்கு வழங்க வேண்டும் என்று துணை முதல்வர் டி.கே. சிவக்குமார் திடீரென வலியுறுத்தினார். இது கர்நாடக அரசியலில் பெரும் புயலைக் கிளப்பியது. இதற்கிடையில், காங்கிரஸ் மேலிட உத்தரவுப்படி சித்தராமையா மற்றும் டி.கே.சிவக்குமார் இருவரும் ஒன்றாகச் சிற்றுண்டி சாப்பிட்டு, தங்களுக்குள் எந்த கருத்து வேறுபாடும் இல்லை என்று விளக்கமளித்திருந்தனர்.
எம்.எல்.ஏ.வின் அதிரடி அறிவிப்பு
இந்த நிலையில், கர்நாடகத்தின் ராமநகரா சட்டப்பேரவை உறுப்பினர் ஹெச்.ஏ. இக்பால் ஹுசைன், வரும் ஜனவரி 6-ஆம் தேதி டி.கே. சிவக்குமார் முதல்வராகப் பதவியேற்க வாய்ப்புள்ளதாகத் தெரிவித்துள்ளார். இதுகுறித்துச் செய்தியாளர்களிடம் பேசிய அவர், “முதல்வர் பதவியில் இருந்து சித்தராமையா விலக வேண்டும். டி.கே.சிவகுமார் முதல்வர் ஆவதற்கு ஒரு வாய்ப்பு வழங்கப்பட வேண்டும். வரும் ஜனவரி 6-ஆம் தேதி டி.கே. சிவக்குமார் முதல்வராகப் பதவியேற்க 99 சதவிகிதம் வாய்ப்புள்ளது. எல்லாரும் இதைதான் கூறுகின்றனர். எனக்குத் தெரியாது, அது ஒரு தோராயமான எண் தான். அது ஜனவரி 6 அல்லது ஜனவரி 9, இவ்விரண்டில் ஏதோவொரு தேதியில் இது நடைபெறும்” என்று கூறியுள்ளார்.
அதிகாரப்பூர்வமற்ற தகவல்
முன்னதாக, முதல்வர் சித்தராமையா மற்றும் துணை முதல்வர் டி.கே. சிவக்குமார் இருவரும் இணைந்து, முதல்வர் பதவியில் எந்தவொரு மாற்றமும் இல்லை எனவும், காங்கிரஸ் கட்சியின் தலைவர்களின் முடிவுகளுக்கு நாங்கள் கட்டுப்படுவோம் எனவும் அறிவித்திருந்தது குறிப்பிடத்தக்கது. இருப்பினும், தற்போது எம்.எல்.ஏ. இக்பால் ஹுசைன் கணித்துள்ள இந்தத் தகவலை உறுதி செய்யும் வகையில் அதிகாரப்பூர்வ அறிவிப்பு எதுவும் இதுவரை வெளியாகவில்லை.
