ஹேக் செய்யப்பட்ட பிரபல நடிகரின் இன்ஸ்டாகிராம் கணக்கு

மலையாள திரையுலகின் முன்னணி நடிகர்களுள் ஒருவர் உன்னி முகுந்தன். இவர், தமிழில் நடிகர்கள் சசிகுமார், சூரி ஆகியோர் நடிப்பில் உருவான கருடன் படத்தில் முக்கிய கதாபாத்திரத்தில் நடித்திருந்தார்.

நடிகர் உன்னி முகுந்தன்

மேலும் உன்னி முகுந்தன் நடிப்பில் வெளியான ‘மார்கோ’ திரைப்படம் ரசிகர்களிடையே பெரும் வரவேற்பை பெற்றும் 100 கோடி ரூபாய் வசூல் பட்டியலில் இணைந்தது. மார்கோவில் அதிரடி சண்டைக் காட்சிகள் நிறைந்ததாகவும், அதீத வன்முறை காட்சிகள் நிறைந்து காணப்பட்டதாகவும் மறுபுறம் கடும் விமர்சனங்களை பெற்றது. ‘மார்கோ’ திரைப்படம் மூலம் உன்னிமுகுந்தனுக்கு நல்லவரவேற்பு கிடைத்தது.

இந்த நிலையில் நடிகர் உன்னிமுகுந்தனின் கணக்கை அடையாளம் தெரியாத சில மர்ம நபர்கள் ஹேக் செய்துள்ளதாக, நடிகர் உன்னிமுகுந்தன் அவரது பேஸ்புக் பக்கத்தில் தெரிவித்துள்ளார்.

இன்ஸ்டாகிராம் கணக்கு ஹேக்



இது குறித்து நடிகர் உன்னி முகுந்தன் வெளியிட்ட பதிவில், “ஹேக் செய்யப்பட்ட இன்ஸ்டாகிராம் கணக்கை மீட்கும் முயற்சிகள் மேற்கொள்ளப்பட்டு வருவதாகவும், அதைப் பற்றிய தகவல்களை அங்கீகரிக்கப்பட்ட சேனல்கள் வழியாக தான் தொடர்ந்து தெரிவிப்பதாகவும் தெரிவித்துள்ளார்.

கடந்த சில மாதங்களில் முன்பு நடிகை ஸ்ருதிஹாசன் உள்ளிட்ட திரை பிரபலங்களின் சமூக வலைதள கணக்குகள் மர்ம நபர்களால் ஹேக் செய்யப்பட்டது. இதேபோல் நடிகை குஷ்பு மற்றும் இசையமைப்பாளர் டி.இமான் ஆகியோரின் எக்ஸ் தளப்பக்கங்களும் ஹேக் செய்யப்பட்டு பின்னர் மீட்கப்பட்டது.