கடந்த சில நாட்களாகவே மும்மொழி கொள்கை தொடர்பாக மத்திய கல்வி அமைச்சர் தர்மேந்திர பிரதானுக்கும், தமிழ்நாடு அரசிற்கும் மோதல் போக்கு நீடித்து வருகிறது. இந்நிலையில் தான் கடந்த 10-ஆம் தேதி நாடாளுமன்ற பட்ஜெட் கூட்டத்தொடரின் இரண்டாவது அமர்வு தொடங்கி நடைபெற்று வருகிறது.

இதில், புதிய கல்விக் கொள்கைக்கு எதிராக கேள்வி எழுப்பிய திமுக எம்.பிக்களை அநாகரீகமானவர்கள், ஜனநாயகம் இல்லாதவர்கள், தமிழ்நாட்டு மாணவர்களின் எதிர்காலத்தை சீரழிக்கிறார்கள் என்று மத்திய கல்வி அமைச்சர் தர்மேந்திர பிரதான் விமர்சித்தார். இதனால் ஆத்திரமடைந்த திமுக எம்.பிக்கள் மத்திய அமைச்சருக்கு கண்டனம் தெரிவித்து போராட்டத்தில் ஈடுபட்டனர். 

இதையடுத்து நேற்று (மார்ச் 11) மாநிலங்களவையில் நடைபெற்ற தேசிய கல்விக் கொள்கை மீதான விவாதத்தின் போது  ‘தான் பேசியது யாரின் மனதையாவது புண்படுத்தியிருந்தால் மன்னிப்பு கேட்டுக் கொள்கிறேன். 100 முறை கூட மன்னிப்பு கேட்கத் தயாராக இருக்கிறேன்’ என்று தர்மேந்திர பிரதான் தெரிவித்தார்.

தர்மேந்திர பிரதான் பதிவு:

இந்நிலையில், பிஎம்-ஸ்ரீ திட்​டத்தை அமல்​படுத்​து​வது தொடர்​பாக தமிழ்​நாடு கல்வி துறை அனுப்பிய ஒப்​புதல் கடிதத்தை மத்​திய கல்வி அமைச்​சர் தர்​மேந்​திர பிர​தான் தனது சமூக வலைதளத்தில் வெளியிட்டுள்ளார். அதில், “பிஎம்-ஸ்ரீ பள்​ளி​களை அமைப்​ப​தற்கு தமிழ்​நாடு ஒப்​புதல் அளித்​தது தொடர்​பாக நாடாளு​மன்​றத்தை நான் தவறாக வழிநடத்​தி​ய​தாக திமுக நாடாளு​மன்ற உறுப்​பினர்​களும், முதலமைச்சர் ஸ்டா​லினும் என்​மீது   குற்​றச்​சாட்டை சுமத்​தி​யிருந்​தனர். 

நாடாளு​மன்​றத்​தில் தெரி​வித்த கருத்​தில் நான் உறு​தி​யாக உள்​ளேன். கடந்த 2024-ம்​ ஆண்டு மார்ச் 15 தேதி​யிட்டு தமிழ்​நாடு பள்​ளிக்​கல்​வித்​துறை அனுப்​பிய ஒப்​புதல் கடிதத்தை பகிர்ந்து கொள்​கிறேன். 

திமுக நாடாளு​மன்ற உறுப்​பினர்​களும், முதலமைச்சர் ஸ்டா​லினும் எவ்​வளவு பொய்​களை அடுக்​கி​னாலும் உண்மை ஒரு நாள் வெளிவந்தே தீரும். தமிழ்​நாட்டு மக்​களின் ஏராள​மான பிரச்​சினை​களுக்கு திமுக தீர்வு காணவேண்​டி​யுள்​ளது. அதனை திசை திருப்​பும் உத்​தி​யாகவே மொழிகுறித்த பிரச்​சினையை திமுக கையில் எடுத்​துள்​ளது. 

தேசிய கல்விக் கொள்கை குறித்​த நிலைப்​பாட்​டில் ஏற்​பட்​டுள்ள இந்த திடீர் மாற்​றம் நிச்​ச​யம் அரசி​யல் லாபங்​களுக்​காக​வும், அரசி​யல் எதிர்​காலத்தை மீட்​டெடுப்​ப​தற்​காகவும் மட்​டும்​தான். திமுக அரசின் இந்த பிற்​போக்கு அரசி​யல், தமிழக மாணவர்​களின் வள மான எதிர்​காலத்​துக்கு மிகப்​பெரிய தீங்கு விளை​விப்​ப​தாக அமை​யும்.

தேசிய கல்விக் கொள்கை 2020-ஐ அரசி​யல் கண்​ணோட்​டத்​துடன் பார்க்க வேண்​டாம் என முதல்​வர் ஸ்டா​லினை அன்​புடன் கேட்டுக்​கொள்​கிறேன். அரசி​யல் லாபத்தை தவிர்த்து தமிழகத்​தில் உள்ள நமது குழந்​தைகள் நலனுக்கு முன்​னுரிமை தர வேண்​டு​கிறேன்” என்று குறிப்பிட்டிருந்தார். 

அன்பில் மகேஷ் விளக்கம்:

தேசிய கல்விக் கொள்கை குறித்து அன்பில் மகேஷ் தனது சமூக வலைதளத்தில் வெளியிட்டுள்ள பதிவில், “மத்​திய அமைச்​சர் தர்​மேந்​திர பிர​தான் தவறான தகவல்​களை பரப்​புவ​தால் உண்​மை​கள் மாறி​வி​டாது. தேசிய கல்விக் கொள்​கையை தமிழகம் தொடர்ந்து எதிர்த்து வரு​கிறது.எங்​கள் நிலைப்​பாட்​டில் திடீர் மாற்​றம் இல்​லை.

தமிழக அரசின் 2024 மார்ச் 15-ம் தேதி​யிட்ட கடித​மும் தேசிய கல்விக் கொள்​கையை ஏற்​ப​தாக இல்​லை. மாணவர்​களுக்கு நன்மை பயக்​கும்​போது மட்​டுமே மத்​திய அரசின் திட்​டங்​களை ஏற்​கிறோம். அதற்​காக அனைத்து திட்​டங்​களை​யும் கண்​மூடித்​தன​மாக ஏற்க முடி​யாது. அந்த கடிதத்​தில், ஒரு குழு அமைக்​கப்​பட்டு அதன்​பரிந்​துரைகளின்​படி திட்​டத்​தில் சேரு​வது குறித்து முடிவு செய்​வோம் என்று தெளி​வாகக் கூறப்​பட்​டுள்​ளது.

மேலும், தேசிய கல்விக் கொள்​கையை திணித்து தமிழகத்​தின் கலாச்​சா​ரத்​தை​யும், மரபை​யும் சிதைக்க முயற்​சிப்​பவர்​கள்​தான் தற்​போது அரசி​யல் செய்​கின்​றனர். தமிழக குழந்​தைகள் நலனுக்கு எது சிறந்​தது என்​பதை தேர்ந்​தெடுக்​கும் உரிமையை அங்​கீகரித்து ஆதரிப்​ப​தன் மூலம் நீங்​கள் தமிழகத்​தின் எதிர்​காலத்​துக்​கும் சிறந்த சேவையை செய்​கிறீர்​கள்” என்று குறிப்பிட்டுள்ளார்.

Yesterday, DMK MPs and Hon’ble CM Stalin accused me of misleading the Parliament regarding Tamil Nadu’s consent for establishment of PM-SHRI Schools.

I stand by my statement made in the Parliament and am sharing the consent letter from Tamil Nadu School Education Department… pic.twitter.com/vp6GtPEp1q

— Dharmendra Pradhan (@dpradhanbjp) March 11, 2025