LIVE 24 X 7
மேற்கு வங்க சட்டப்பேரவை தேர்தலில் ஏற்பட்ட தோல்விக்குப் பிறகு, ஆளுங்கட்சியான திரிணாமுல் காங்கிரஸ் கடுமையான உட்கட்சிப் பூசலையும் பிளவுகளையும் சந்தித்து வருகிறது.
கடந்த 1998-ஆம் ஆண்டு காங்கிரஸிலிருந்து பிரிந்து, மம்தா பானர்ஜி திரிணாமுல் காங்கிரஸ் கட்சியைத் தொடங்கினார். மேற்கு வங்கத்தில் தொடர்ந்து 3 முறை ஆட்சி செய்து வந்த மம்தா பானர்ஜி, நடந்து முடிந்த தேர்தலில் கடும் சரிவை சந்தித்துள்ளார். திரிணாமுல் காங்கிரஸ் கட்சியின் 80 எம்.எல்.ஏ-க்களில் 52 பேர் ஏற்கனவே பிரிந்து தனி அணியாகச் செயல்பட்டு வரும் நிலையில், அக்கட்சியின் நாடாளுமன்ற எம்.பி-க்களும் பாஜக பக்கம் தாவ உள்ளதாகத் தகவல்கள் வெளியாகி வருகின்றன.
இந்தத் தொடர் பின்னடைவுகளால் கட்சி அழியும் நிலைக்குத் தள்ளப்பட்டுள்ளதாகக் கூறப்படும் சூழலில், திரிணாமுல் காங்கிரஸைக் காப்பாற்ற அதனை மீண்டும் காங்கிரஸுடன் இணைக்கப் பேச்சுவார்த்தை நடப்பதாக ஊடகங்களில் செய்திகள் பரவின. டெல்லியில் காங்கிரஸ் நாடாளுமன்றக் குழுத் தலைவர் சோனியா காந்தியை மம்தா பானர்ஜி நேரில் சந்தித்துப் பேசியது இந்த யூகங்களை மேலும் அதிகப்படுத்தியது.
வதந்திகளுக்கு முற்றுப்புள்ளி
இந்த இணைப்புச் செய்திகளை காங்கிரஸ் பொதுச் செயலாளர் ஜெய்ராம் ரமேஷ் திட்டவட்டமாக மறுத்துள்ளார். இது குறித்துத் தனது எக்ஸ் பக்கத்தில் பதிவிட்டுள்ள அவர், "சோனியா காந்தி மற்றும் மம்தா பானர்ஜி இடையேயான சந்திப்பு முற்றிலும் தனிப்பட்ட மற்றும் நட்பு ரீதியிலானது. இரு கட்சிகளையும் இணைக்கும் எந்தவொரு திட்டமும் பரிசீலனையில் இல்லை. பரப்பப்படும் செய்திகள் யாவும் முற்றிலும் உண்மைக்கு புறம்பானவை" என்று தெளிவுபடுத்தியுள்ளார்.
அதிருப்தியாளர்களின் நிலைப்பாடு
மறுபுறம், திரிணாமுல் காங்கிரஸின் அதிருப்தி எம்.எல்.ஏ-க்கள் குழுவின் தலைவரும், மேற்கு வங்க எதிர்க்கட்சித் தலைவருமான ரிதாப்ரதா பானர்ஜி பேசுகையில், தாங்கள் திரிணாமுல் காங்கிரஸிலேயேதான் தொடர்ந்து நீடிப்பதாகவும், காங்கிரஸில் இணையும் எண்ணம் இல்லை என்றும் தெரிவித்துள்ளார். இதற்கிடையே, தங்களின் ஒரே நோக்கம் 'இந்தியா' (INDIA) கூட்டணியை வலுப்படுத்துவது மட்டுமே என்று காங்கிரஸ் கூறியுள்ளது.
கடந்த 1998-ஆம் ஆண்டு காங்கிரஸிலிருந்து பிரிந்து, மம்தா பானர்ஜி திரிணாமுல் காங்கிரஸ் கட்சியைத் தொடங்கினார். மேற்கு வங்கத்தில் தொடர்ந்து 3 முறை ஆட்சி செய்து வந்த மம்தா பானர்ஜி, நடந்து முடிந்த தேர்தலில் கடும் சரிவை சந்தித்துள்ளார். திரிணாமுல் காங்கிரஸ் கட்சியின் 80 எம்.எல்.ஏ-க்களில் 52 பேர் ஏற்கனவே பிரிந்து தனி அணியாகச் செயல்பட்டு வரும் நிலையில், அக்கட்சியின் நாடாளுமன்ற எம்.பி-க்களும் பாஜக பக்கம் தாவ உள்ளதாகத் தகவல்கள் வெளியாகி வருகின்றன.
இந்தத் தொடர் பின்னடைவுகளால் கட்சி அழியும் நிலைக்குத் தள்ளப்பட்டுள்ளதாகக் கூறப்படும் சூழலில், திரிணாமுல் காங்கிரஸைக் காப்பாற்ற அதனை மீண்டும் காங்கிரஸுடன் இணைக்கப் பேச்சுவார்த்தை நடப்பதாக ஊடகங்களில் செய்திகள் பரவின. டெல்லியில் காங்கிரஸ் நாடாளுமன்றக் குழுத் தலைவர் சோனியா காந்தியை மம்தா பானர்ஜி நேரில் சந்தித்துப் பேசியது இந்த யூகங்களை மேலும் அதிகப்படுத்தியது.
வதந்திகளுக்கு முற்றுப்புள்ளி
இந்த இணைப்புச் செய்திகளை காங்கிரஸ் பொதுச் செயலாளர் ஜெய்ராம் ரமேஷ் திட்டவட்டமாக மறுத்துள்ளார். இது குறித்துத் தனது எக்ஸ் பக்கத்தில் பதிவிட்டுள்ள அவர், "சோனியா காந்தி மற்றும் மம்தா பானர்ஜி இடையேயான சந்திப்பு முற்றிலும் தனிப்பட்ட மற்றும் நட்பு ரீதியிலானது. இரு கட்சிகளையும் இணைக்கும் எந்தவொரு திட்டமும் பரிசீலனையில் இல்லை. பரப்பப்படும் செய்திகள் யாவும் முற்றிலும் உண்மைக்கு புறம்பானவை" என்று தெளிவுபடுத்தியுள்ளார்.
அதிருப்தியாளர்களின் நிலைப்பாடு
மறுபுறம், திரிணாமுல் காங்கிரஸின் அதிருப்தி எம்.எல்.ஏ-க்கள் குழுவின் தலைவரும், மேற்கு வங்க எதிர்க்கட்சித் தலைவருமான ரிதாப்ரதா பானர்ஜி பேசுகையில், தாங்கள் திரிணாமுல் காங்கிரஸிலேயேதான் தொடர்ந்து நீடிப்பதாகவும், காங்கிரஸில் இணையும் எண்ணம் இல்லை என்றும் தெரிவித்துள்ளார். இதற்கிடையே, தங்களின் ஒரே நோக்கம் 'இந்தியா' (INDIA) கூட்டணியை வலுப்படுத்துவது மட்டுமே என்று காங்கிரஸ் கூறியுள்ளது.
