சாவன் மாதம்: காசியாபாத் KFC-வில் அசைவத்திற்கு தடை!

உத்தரப்பிரதேசத்தில் இந்துக்களின் புனிதமான சாவன் மாதத்தை முன்னிட்டு, காசியாபாத் மாவட்டத்தில் உள்ள பிரபல KFC உணவகத்தில், 'இந்து ரக்ஷா தல்' அமைப்பினரால் கடும் முற்றுகை போடப்பட்டது. இந்தச் சமூகவாத அமைப்பினர், சாவன் மாதத்தில் அசைவம் விற்பனை செய்யக் கூடாது எனக் கோரியதால், உணவக மேலாண்மை சைவ உணவுகள் மட்டுமே விற்பனை செய்யும் நிலைக்குச் சென்றுள்ளது.

சாவன் மாதம் சிவபக்தர்களால் விரதம் இருக்கும் நாட்களாகக் கருதப்படுகிறது. இதனை முன்னிட்டு, "சாவன் மாதத்தில் சைவம் மட்டுமே விற்கப்பட வேண்டும். அப்படி இல்லையெனில் கடையை மூட வைப்போம்" என இந்து ரக்ஷா தல் உறுப்பினர்கள் கடையைச் சூழ்ந்துகொண்டு மிரட்டல் விடுத்தனர்.

அந்தகட்டத்தில் போலீசார் சம்பவ இடத்திற்கு விரைந்து சென்று அமைதியை நிலைநிறுத்தினர். KFC நிர்வாகம் அமைப்பினரின் அழுத்தங்களுக்கு இடம் கொடுத்து, தற்போது அந்தக் கிளையில் சைவ உணவுகள் மட்டுமே விற்பனை செய்யப்படும் என்று அறிவித்துள்ளது.

இந்தச் சம்பவம், மத உணர்வுகள் மற்றும் வர்த்தகச் சுதந்திரத்துக்கிடையேயான முரண்பாடுகளை மீண்டும் ஒரு முறை சமூகத்தில் முன்வைத்துள்ளது. சமூக ஊடகங்களில் இந்தச் சம்பவம்குறித்து வித்தியாசமான கருத்துகள் வெளியாகி வருகின்றன. சைவம் மட்டும் விற்பதாக இருந்தால்தான் கடையை நடத்த அனுமதிப்போம் எனப் போராட்டத்தில் ஈடுபட்டவர்கள் மிரட்டல் விடுத்திருந்தனர் குறிப்பிடத்தக்கது.