புதிய உச்சத்தை தொட்ட தங்கம் விலை.. நகை பிரியர்கள் அதிர்ச்சி!

சென்னையில் இன்று (ஜன.12) ஆபரணத் தங்கத்தின் விலை அதிரடியாக உயர்ந்து, வரலாறு காணாத புதிய உச்சத்தைப் பதிவு செய்துள்ளது.

விலை நிலவரம் - புதிய உச்சம்

நேற்று முன் தினம் (சனிக்கிழமை) ஒரு சவரன் தங்கம் ரூ.1,03,200க்கும், ஒரு கிராம் ரூ.12,900க்கும் விற்பனை செய்யப்பட்ட நிலையில், விடுமுறை தினமான நேற்று விலையில் மாற்றமில்லை. ஆனால், இன்று ஒரே நாளில் சவரனுக்கு ரூ.1,760 அதிகரித்து, ஒரு சவரன் தங்கம் ரூ.1,04,960 என்ற புதிய உச்சத்தை எட்டியுள்ளது. அதேபோல, கிராமுக்கு ரூ.220 அதிகரித்து, ஒரு கிராம் தங்கம் ரூ.13,120-க்கு விற்பனை செய்யப்பட்டு வருகிறது. இந்த விலை ஏற்றம் நகை வாங்கும் நடுத்தர இல்லத்தரசிகளைப் பெரும் அதிர்ச்சிக்கு உள்ளாக்கியுள்ளது.

வெள்ளி விலையும் அபரிமித உயர்வு

தங்கத்தைப் போலவே வெள்ளி விலையும் இன்று தொடர்ந்து அதிகரித்து வருகிறது. ஒரு கிலோ வெள்ளி இன்று ரூ.12,000 உயர்ந்து ரூ.2,87,000-க்கு விற்பனை செய்யப்படுகிறது. கிராமுக்கு ரூ.12 அதிகரித்து, ஒரு கிராம் வெள்ளி ரூ.287-க்கு விற்பனை செய்யப்பட்டு வருகிறது.

தொடர்ச்சியான இந்த விலை உயர்வுகள் முதலீட்டாளர்கள் மற்றும் நுகர்வோர் மத்தியில் கவனத்தையும் கவலையையும் ஏற்படுத்தியுள்ளன.