LIVE 24 X 7
சென்னை விமான நிலையத்தில் ரூ. 20 கோடி மதிப்புள்ள கொகைன் போதைப் பொருளைக் கடத்தி வந்த நைஜீரியப் பெண் ஒருவரை சுங்கத்துறை அதிகாரிகள் கைது செய்துள்ளனர். இந்தச் சம்பவம் விமான நிலையத்தில் பெரும் பரபரப்பை ஏற்படுத்தியுள்ளது.
ரகசியத் தகவல் மற்றும் கண்காணிப்பு
விமானத்தில் பெரும் அளவு போதைப் பொருள் கடத்தப்படுவதாக மத்திய போதை தடுப்பு பிரிவுக்கு ரகசிய தகவல் கிடைத்தது. இதன் அடிப்படையில், சென்னை விமான நிலைய சுங்கத்துறை அதிகாரிகள் வெளிநாடுகளில் இருந்து வரும் விமானங்களை தீவிரமாக கண்காணித்தனர். அப்போது, கத்தார் தலைநகர் தோகாவிலிருந்து வந்த விமானத்தில் இருந்த பயணிகளைச் சோதனையிட்டனர்.
போதைப்பொருள் பறிமுதல் மற்றும் விசாரணை
அப்போது, நைஜீரியாவின் போர்ட் ஹார்கோர்ட்டில் இருந்து தோகா வழியாக சென்னைக்கு வந்த 30 வயது நைஜீரியப் பெண் ஒருவரின் நடவடிக்கையில் அதிகாரிகளுக்கு சந்தேகம் ஏற்பட்டது. அவரை நிறுத்தி விசாரித்தபோது, அவர் முன்னுக்குப் பின் முரணாகப் பதிலளித்தார். இதனால், பெண் அதிகாரிகள் அவரை முழுமையாகப் பரிசோதித்தனர்.
அவரது சூட்கேசுக்குள் ரகசிய அறையில் மறைத்து வைக்கப்பட்டிருந்த இரண்டு பார்சல்களை அதிகாரிகள் கண்டெடுத்தனர். அதில் இருந்தவை சர்வதேச சந்தையில் ரூ. 20 கோடி மதிப்புள்ள, 2 கிலோ கொகைன் போதைப்பொருள் என உறுதி செய்யப்பட்டது. இதையடுத்து, அந்தப் பெண்ணை அதிகாரிகள் கைது செய்து, போதைப்பொருளையும் பறிமுதல் செய்தனர்.
இந்த நைஜீரியப் பெண் போதைப் பொருளை சென்னையில் யாரிடம் கொடுக்க எடுத்து வந்தார், சர்வதேச கடத்தல் கும்பலில் உள்ளவர்கள் யார், அல்லது சென்னை வழியாக வேறு மாநிலத்துக்கு எடுத்துச் செல்ல திட்டமிட்டாரா என்பது குறித்து அதிகாரிகள் தொடர்ந்து விசாரணை நடத்தி வருகின்றனர்.
ரகசியத் தகவல் மற்றும் கண்காணிப்பு
விமானத்தில் பெரும் அளவு போதைப் பொருள் கடத்தப்படுவதாக மத்திய போதை தடுப்பு பிரிவுக்கு ரகசிய தகவல் கிடைத்தது. இதன் அடிப்படையில், சென்னை விமான நிலைய சுங்கத்துறை அதிகாரிகள் வெளிநாடுகளில் இருந்து வரும் விமானங்களை தீவிரமாக கண்காணித்தனர். அப்போது, கத்தார் தலைநகர் தோகாவிலிருந்து வந்த விமானத்தில் இருந்த பயணிகளைச் சோதனையிட்டனர்.
போதைப்பொருள் பறிமுதல் மற்றும் விசாரணை
அப்போது, நைஜீரியாவின் போர்ட் ஹார்கோர்ட்டில் இருந்து தோகா வழியாக சென்னைக்கு வந்த 30 வயது நைஜீரியப் பெண் ஒருவரின் நடவடிக்கையில் அதிகாரிகளுக்கு சந்தேகம் ஏற்பட்டது. அவரை நிறுத்தி விசாரித்தபோது, அவர் முன்னுக்குப் பின் முரணாகப் பதிலளித்தார். இதனால், பெண் அதிகாரிகள் அவரை முழுமையாகப் பரிசோதித்தனர்.
அவரது சூட்கேசுக்குள் ரகசிய அறையில் மறைத்து வைக்கப்பட்டிருந்த இரண்டு பார்சல்களை அதிகாரிகள் கண்டெடுத்தனர். அதில் இருந்தவை சர்வதேச சந்தையில் ரூ. 20 கோடி மதிப்புள்ள, 2 கிலோ கொகைன் போதைப்பொருள் என உறுதி செய்யப்பட்டது. இதையடுத்து, அந்தப் பெண்ணை அதிகாரிகள் கைது செய்து, போதைப்பொருளையும் பறிமுதல் செய்தனர்.
இந்த நைஜீரியப் பெண் போதைப் பொருளை சென்னையில் யாரிடம் கொடுக்க எடுத்து வந்தார், சர்வதேச கடத்தல் கும்பலில் உள்ளவர்கள் யார், அல்லது சென்னை வழியாக வேறு மாநிலத்துக்கு எடுத்துச் செல்ல திட்டமிட்டாரா என்பது குறித்து அதிகாரிகள் தொடர்ந்து விசாரணை நடத்தி வருகின்றனர்.
